ହସ୍ପିଟାଲରୁ ଫେରିବା ପରେ ବାପାଙ୍କୁ ଏମିତି ପ୍ରତିଶ୍ରୁତି ଦେଲେ ଅଙ୍କିତା

ମୁମ୍ବାଇ: ଅଭିନେତ୍ରୀ ଅଙ୍କିତା ଲୋଖଣ୍ଡେଙ୍କ ବାପା ହସ୍ପିଟାଲରୁ ଡିସଚାର୍ଜ ହୋଇଛନ୍ତି। ନିକଟରେ ଅଙ୍କିତାଙ୍କ ପିତାଙ୍କ ଏକ ସର୍ଜରୀ ହୋଇଛି, ଯେଉଁ କାରଣରୁ ସେ କିଛି ଦିନ ପାଇଁ ହସ୍ପିଟାଲରେ ଭର୍ତ୍ତି ହୋଇଥିଲେ। ଅଙ୍କିତା ନିଜେ ଫଟୋ ଶେୟାର କରି ଏହାର ସୂଚନା ଦେଇଛନ୍ତି।

ଅଙ୍କିତା ନିଜ ଇନଷ୍ଟାଗ୍ରାମରେ ପିତାଙ୍କ ସହ ଏକ ଫଟୋ ଶେୟାର କରି ଏକ ଇମୋଶନାଲ ନୋଟ୍ ଲେଖିଛନ୍ତି। ସେ ଲେଖିଛନ୍ତି, ବାପା ଆପଣ ହସ୍ପିଟାଲରୁ ଘରକୁ ଆସିଗଲେ। ମୋ ପାଇଁ ଏହାଠାରୁ ବଡ଼ ଖୁସି ଆଉ କିଛି ନାହିଁ। ଆପଣ ସବୁବେଳେ ସୁସ୍ଥ ରୁହନ୍ତୁ ଏବଂ ଖୁସି ରୁହନ୍ତୁ। ମୁଁ ଆପଣଙ୍କୁ କଥା ଦେଉଛି ମୁଁ ସବୁବେଳେ ଆପଣଙ୍କ ଦେଖାଶୁଣା କରିବି। ଯେପରି ଆପଣ ମୋ ପାଇଁ ଏବଂ ପରିବାର ପାଇଁ ଠିଆ ହୋଇଥିଲେ। ସେମିତି ବିନା ସର୍ତ୍ତରେ ମୁଁ ଆପଣଙ୍କର ସବୁବେଳେ ଦାୟିତ୍ୱ ନେବି ବୋଲି ଅଙ୍କିତା ଭାବ ବିହ୍ୱଳ ହୋଇ ଲେଖିଛନ୍ତି।

ଅଙ୍କିତାଙ୍କ ଏହି ପୋଷ୍ଟ ଟି ସୋଶାଲ ମିଡିଆରେ ଭାଇରାଲ ହୋଇଯାଇଛି। ଏପରି କି ପୋଷ୍ଟରେ ସୁଶାନ୍ତଙ୍କ ଭଉଣୀ ଶ୍ୱେତା ମଧ୍ୟ କମେଣ୍ଟ କରିଛନ୍ତି।

ସୋଶାଲ ମିଡିଆରେ ବେଶ ସକ୍ରିୟ ରୁହନ୍ତି ଅଙ୍କିତା। ଆଉ ପରିବାର ସହ ଫଟୋ, ଭିଡିଓ ଶେୟାର କରିବାକୁ ସେ କେବେ ଭୁଲନ୍ତି ନାହିଁ। ବହୁ ଲୋକପ୍ରିୟ ଟିଭି ଧାରାବାହିକ ପବିତ୍ର ରିସ୍ତା ଜରିଆରେ ଦର୍ଶକଙ୍କ ହୃଦୟରେ ଅଙ୍କିତା ସ୍ୱତନ୍ତ୍ର ସ୍ଥାନ ଅକ୍ତିଆର କରିଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।