କଶ୍ମୀରୀ ପଣ୍ଡିତଙ୍କ ହତ୍ୟାକୁ ନେଇ ରାଗିଗଲେ ଅନୁପମ୍‌ ଖେର୍‌

ମୁମ୍ୱାଇ: ଜଣେ କଶ୍ମୀରୀ ପଣ୍ଡିତଙ୍କ ହତ୍ୟାକୁ ନେଇ ବଲିଉଡ୍‌ ଅଭିନେତା ଅନୁପମ୍‌ ଖେର୍ ରାଗିଯାଇଛନ୍ତି। ଏହାର ଏକ ଭିଡିଓ ସୋଶାଲ ମିଡିଆରେ ଭାଇରାଲ୍‌ ହେଉଛି।

ଟ୍ୱିଟରରେ ଏକ ଭିଡିଓ ଜାରି କରି ଅନୁପମ କହିଛନ୍ତି, ଦିନ ଦ୍ୱିପହରେ ଜଣେ କଶ୍ମୀର ପଣ୍ଡିତଙ୍କୁ ଅନନ୍ତନାଗର ରସ୍ତା ଉପରେ ଆତଙ୍କବାଦୀମାନେ ଗୁଳି କରି ହତ୍ୟା କରିଛନ୍ତି। ୮୦ ଦଶକରେ ହୋଇଥିବା କଶ୍ମୀରୀ ପଣ୍ଡିତଙ୍କ ହତ୍ୟାକୁ ପୁଣିଥରେ ପୁନରାବୃତ୍ତି କରାଯାଉଛି। ବାରମ୍ୱାର କଶ୍ମୀରୀ ପଣ୍ଡିତଙ୍କ ଉପରେ ଅତ୍ୟାଚାର ହୋଇଆସୁଛି। ସେଠାରେ ଲୋକଙ୍କୁ ଡରାଇ ଏବଂ ମହିଳାଙ୍କୁ ବଳାତ୍କାର କରି ୫ ଲକ୍ଷ କଶ୍ମୀରୀ ପଣ୍ଡିତଙ୍କୁ ବାହାର କରାଯାଇଛି। ଏହି ଘଟଣା ଏପର୍ଯ୍ୟନ୍ତ ମଧ୍ୟ ଜାରିରହିଛି। ଯାହାକୁ ନେଇ କେହି ଜଣେ ହେଲେ ବି ସ୍ୱର ଉତ୍ତୋଳନ କରୁନାହାନ୍ତି। ଏପରିକି ଏହି ଘଟଣାକୁ ନେଇ ସୋଶାଲ ମିଡିଆରେ କୌଣସି ଟ୍ୱିଟ୍‌ ବି ଦେଖିବାକୁ ମିଳୁନାହିଁ।

Deeply saddened & angry at the merciless killing of the lone #KashmiriPandit sarpanch #AjayPandita in Anantnag yesterday. My heartfelt condolences to his family. There is an obvious silence from the usual suspects who cry their heart hoarse otherwise. #JusticeForAjayPanditapic.twitter.com/5TnLpABOh2

— Anupam Kher (@AnupamPKher) June 9, 2020

ଏହି ଭିଡିଓଟିକୁ ଟ୍ୱିଟ୍‌ କରି ଅନୁପମ ଲେଖିଛନ୍ତି, ମୁଁ ରାଗିବା ସହିତ ଦୁଃଖରେ ଅଛି। କଶ୍ମୀର ପଣ୍ଡିତ ସରପଞ୍ଚଙ୍କ ମୃତ୍ୟୁ ପରେ ଗଭୀର ଭାବପୂର୍ଣ୍ଣ ଶ୍ରଦ୍ଧାଞ୍ଜଳି ଜ୍ଞାପନ କରୁଛି।
ସୂଚନାଯୋଗ୍ୟ, ବର୍ଷ ବର୍ଷ କଶ୍ମୀର ପଣ୍ଡିତଙ୍କ ଉପରେ ହେଉଥିବା ଅତ୍ୟାଚାରକୁ ନେଇ ଅନୁପମ୍‌ ଖେର୍‌ ସର୍ବଦା ସ୍ୱର ଉଠାଇ ଆସିଛନ୍ତି।