ମୁମ୍ବାଇ: ବଲିଉଡ ଅଭିନେତା ଆୟୁଷ୍ମାନ ଖୁରାନାଙ୍କ ଘରକୁ ଆସିଲେ ନୂଆ ଅତିଥି । ତାଙ୍କ ପତ୍ନୀ ତାହିରା ଏବଂ ସେ ମିଶି ନୂଆ ଅତିଥିଙ୍କୁ ସ୍ୱାଗତ କରିଛନ୍ତି। ଏନେଇ ନିଜେ ତାହିରା ନିଜ ଅଫିସିଆଲ ଇନଷ୍ଟାଗ୍ରାମରେ ଫ୍ୟାନମାନଙ୍କୁ ସୂଚନା ଦେଇଛନ୍ତି । ପୂର୍ବରୁ ଆୟୁଷ୍ମନା-ତାହିରାଙ୍କ ଦୁଇଟି ସନ୍ତାନ ଅଛି । ଏବେ ପୁଣି ତାଙ୍କ ଘରକୁ ନୂଆ ଅତିଥି ଆସିବା ଖବର ସମସ୍ତଙ୍କୁ ଚକିତ କରି ଦେଇଛି।
ତାହିରା ସୋଶାଲ ମିଡିଆରେ ଲେଖିଛନ୍ତି, ଆମ ଘରକୁ ଜଣେ ନୂଆ ଅତିଥି ଆସିଛି । ଇଏ ଜଣେ ଶିଶୁ କନ୍ୟା ଏବଂ ତା’ ନାଁ ପିନଟ । ତାହିରା ପିନଟ ସହ ନିଜର ଫଟୋକୁ ମଧ୍ୟ ଶେଆର କରିଛନ୍ତି, ଯାହା ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି । ପ୍ରକୃତରେ ପିନଟ୍ ହେଉଛି ତାହିରା ଏବଂ ଆୟୁଷ୍ମାନଙ୍କ ନୂଆ ପୋଷା କୁକୁର।
View this post on Instagram
ତାହିରାଙ୍କ ସୋଶାଲ ମିଡିଆ ଫଟୋରେ ତାଙ୍କ ଫ୍ୟାନଙ୍କ ବ୍ୟତୀତ ବଲିଉଡ ଷ୍ଟାରମାନ ମଧ୍ୟ କମେଣ୍ଟ କରିଛନ୍ତି । ଆୟୁଷ୍ମାନଙ୍କ ଭାଇ ଅପରାଶକ୍ତି ଖୁରାନା କହିଛନ୍ତି, ଆମ ଘରକୁ ଆସିଥିବା ନୂଆ ସଦସ୍ୟକୁ ମୁଁ ସ୍ୱାଗତ କରୁଛି । ଖୁବଶୀଘ୍ର ଘରକୁ ଫେରିବି । ସେହିପରି ଅଭିନେତ୍ରୀ କ୍ରିତି ସାନନ୍, ୟାମୀ ଗୌତମ୍, ନୁସରତ୍ ଭରୁଚା, ନୀତି ମୋହନ୍, ତାର ଶର୍ମା ଓ ଅନେକ ଅଭିନେତା ଅଭିନେତ୍ରୀ ପ୍ରତିକ୍ରିୟା ରଖିଛନ୍ତି ଓ କମେଣ୍ଟ ଦେଇଛନ୍ତି।
ଏବେ ଆୟୁଷ୍ମାନ ଏବଂ ତାଙ୍କ ପରିବାର ଚଣ୍ଡିଗଡରେ ଅଛନ୍ତି । ଆୟୁଷ୍ମାନ ଅଭିନେତ୍ରୀ ବାଣୀ କପୁରଙ୍କ ସହ ଚଣ୍ଡିଗଡରେ ନିଜର ଅପକମିଂ ଫିଲ୍ମର ଶୁଟିଂରେ ବ୍ୟସ୍ଥ ଅଛନ୍ତି । ଅଭିଷେକ କପୁରଙ୍କ ନିର୍ଦ୍ଦେଶନାରେ ତିଆରି ହେବାକୁ ଥିବା ଏହି ଫିଲ୍ମରେ ପ୍ରଥମ କରି ଆୟୁଷ୍ମାନଙ୍କୁ ଜଣେ ଆଥଲିଟ ଭୂମିକାରେ ଦେଖିବାକୁ ମିଳିବ ।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
