ଭୁବନେଶ୍ୱର (ଓଡ଼ିଶା ରିପୋର୍ଟର): ଦଶହରାରେ ରିଲିଜ୍ ହେବ ବାବୁସାନ୍ଙ୍କ ଆଉ ଏକ ଫିଲ୍ମ। ତରଙ୍ଗ ସିନେ ପ୍ରଡକ୍ସନ୍ସ ଦ୍ୱାରା ନିର୍ମାଣ ହେଉଥିବା ଏହି ଫିଲ୍ମର ନାଁ ‘ମିଷ୍ଟର ମଜନୁ’। ଫିଲ୍ମର ମହୁରତ ହୋଇଯାଇଛି। ଫିଲ୍ମରେ ମୁଖ୍ୟ ଭୂମିକାରେ ଅଭିନୟ କରୁଛନ୍ତି ବାବୁସାନ୍। ଆଉ ଏଥିରେ ତାଙ୍କ ବିପକ୍ଷରେ ୩ ଜଣ ହିରୋଇନ୍ ଅଛନ୍ତି। ସେମାନେ ହେଉଛନ୍ତି- ସୁର୍ଯ୍ୟମୟୀ, ଦିବ୍ୟା ଓ ଶୀତଲ।
ଏହି ଫିଲ୍ମରେ ମାଧ୍ୟମରେ ବହୁତ ଦିନ ପରେ ଶୀତଲ୍ କମ୍ବ୍ୟାକ୍ କରୁଛନ୍ତି। ପୂର୍ବରୁ ବାବୁସାନ୍, ଶୀତଲ୍ ଏବଂ ସୂର୍ଯ୍ୟମୟୀଙ୍କୁ ଫିଲ୍ମ ‘ଭଲ ପାଏ ତତେ ଶହେରୁ ଶହେ’ରେ ଦେଖିବାକୁ ମିଳିଥିଲା। ସେହିଭଳି ଦିବ୍ୟା ତାଙ୍କ ଡେବ୍ୟୁ ଫିଲ୍ମ ’ସୁନ୍ଦରଗଡର ସଲମାନ୍ ଖାନ୍’ରେ ବାବୁସାନ୍ଙ୍କ ସହ ଅଭିନୟ କରିଥିଲେ।