ଭେଟେରାନ ଅଭିନେତ୍ରୀ ଆଶା ଶର୍ମାଙ୍କର ରବିବାର ପରଲୋକ ହୋଇଯାଇଛି। ମୃତ୍ୟୁ ବେଳକୁ ତାଙ୍କୁ ୮୮ ବର୍ଷ ହୋଇଥିଲା। ସିନେ ଓ ଟିଭି କଳାକାର ସଂଘ ପକ୍ଷରୁ ତାଙ୍କର ମୃତ୍ୟୁ ଖବରକୁ ସ୍ପଷ୍ଟ କରାଯାଇଛି। ତେବେ ତାଙ୍କ ମୃତ୍ୟୁର କାରଣ ସଂପର୍କରେ କିଛି କୁହାଯାଇନାହିଁ।
ଅନେକ ଟେଲିଭିଜନ ଧାରାବାହିକ ଓ ଫିଲ୍ମରେ ଅଭିନୟ କରିଥିଲେ ଆଶା। ବିଶେଷ କରି ତାଙ୍କୁ ମା’ ଓ ଜେଜେ ମା’ ଭୂମିକାରେ ଅଧିକ ଦେଖିବାକୁ ମିଳେ। ଶେଷଥର ପାଇଁ ତାଙ୍କୁ ପ୍ରଭାସଙ୍କ ଅଭିନୀତ ଫିଲ୍ମ ‘ଆଦିପୁରୁଷ’ ଦେଖିଥିଲେ ଦର୍ଶକ। ସେ ସେଥିରେ ଶବରୀ ଚରିତ୍ରରେ ଅଭିନୟ କରିଥିଲେ।
Also Read
ଏକତା କପୁରଙ୍କ ହିଟ୍ ଧାରାବାହିକ ‘କୁମ୍କୁମ୍ ଭାଗ୍ୟ’ରେ କରିଥିବା ଅଭିନୟ ପାଇଁ ଆଶା ଶର୍ମା ଅଧିକ ଜଣାଶୁଣା ଥିଲେ। ଧର୍ମେନ୍ଦ୍ର ଓ ହେମା ମାଳିନୀଙ୍କ ଅଭିନୀତ ଫିଲ୍ମ ‘ଦୋ ଦିଶାଏଁ’ରେ ଅଭିନୟ କରିଥିଲେ ଆଶା ଶର୍ମା। ଆଉ ଏଥିପାଇଁ ସେ ବହୁ ପ୍ରଶଂସିତ ହୋଇଥିଲେ। ସେହି ଫିଲ୍ମରେ ପ୍ରେମ ଚୋପ୍ରା, ଅରୁଣା ଇରାନୀ ଓ ନିରୂପାରୟ ପ୍ରମୁଖ ଅଭିନୟ କରିଥିଲେ।
ଆଶା ଶର୍ମା ‘ମୁଝେ କୁଛ୍ କେହନା ହେ’, ‘ପ୍ୟାର ତୋ ହୋନା ହୀ ଥା’,‘ହମ୍ ତୁମହାରେହେଁ ସନମ’ ଭଳି ଫିଲ୍ମରେ ଅଭିନୟ କରିଥିଲେ। ସେହିପରି ସେ ଲୋକପ୍ରିୟ ଧାରାବାହିକ ‘କୁମ୍କୁମ୍ ଭାଗ୍ୟ’ ସହିତ ମନ୍ କୀ ଆୱାଜ ପ୍ରତିଜ୍ଞା ଓ ‘ଏକ୍ ଔର ମହାଭାରତ’ରେ ଅଭିନୟ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
