ଖୁବଶୀଘ୍ର ବଲିଉଡ ଅଭିନେତା ଆଦିତ୍ୟ ରାୟ କପୁର ଓ ଅଭିନେତ୍ରୀ ଅନନ୍ୟା ପାଣ୍ଡେଙ୍କର ହେବ ନିର୍ବନ୍ଧ। ଏବେ ଆଉ ଲୁଚାଛପାରେ ନୁହେଁ ଖୁଲମଖୁଲା ନିଜ ସମ୍ପର୍କ ଉପରେ ମୋହର ମାରିବେ ଏହି ଲଭ୍ ବାର୍ଡ। ନିଜଠାରୁ ୧୩ ବର୍ଷ ବଡ଼ ପୁରୁଷ ବନ୍ଧୁ ଆଦିତ୍ୟ ରାୟ କପୁଙ୍କ ସହ ନିର୍ବନ୍ଧ କରିବେ ଅନନ୍ୟା। ଏନେଇ ଖୁବ୍ ଜୋରସୋରରେ ପ୍ଲାନିଂ ଚାଲିଥିବା ସୂଚନା ରହିଛି।
ନିର୍ବନ୍ଧ ପରେ ଖୁବ୍ ଶୀଘ୍ର ଏହି ଲଭ୍ ବାର୍ଡଙ୍କର ହାତଗଣ୍ଠି ପଡ଼ିବ ବୋଲି ଚର୍ଚ୍ଚା ହେଉଛି। ତେବେ ଆଦିତ୍ୟ ଓ ଅନନ୍ୟାଙ୍କ ନିର୍ବନ୍ଧ କେଉଁଠି ହେବ, ତାହା ଜଣାପଡ଼ିନାହିଁ। ରିପୋର୍ଟ ମୁତାବିକ ଏବେ ଉଭୟ ନିଜ ନିଜର କାମକୁ ନେଇ ବ୍ୟସ୍ତ ଅଛନ୍ତି।
ସୂଚନାଯୋଗ୍ୟ, ନିକଟରେ ମୁକେଶ ଅମ୍ବାନିଙ୍କ ସାନ ପୁଅ ଅନନ୍ତ ଏବଂ ରାଧିକା ମର୍ଚ୍ଚାଣ୍ଟଙ୍କ ପ୍ରି-ୱେଡିଂ ସମାରୋହରେ ଆଦିତ୍ୟ ଓ ଅନନ୍ୟା ସାମିଲ ହୋଇଥିଲେ। ଉଭୟ ଏକାଠି ପୋଜ ଦେଉଥିବା ଦେଖିବାକୁ ମିଳିଥିଲି । ଏହି ଫଟୋରେ ଆଦିତ୍ୟ ଓ ଅନନ୍ୟାଙ୍କୁ ରଣବୀର କପୁର ଚିଅରଅପ କରୁଥିବା ଦେଖିବାକୁ ମିଳିଥିଲା, ଯାହା ସୋଶାଲ ମିଡିଆରେ ଖୁବ ଭାଇରାଲ ହୋଇଥିଲା।