ଅଭିନେତା-ଅଭିନେତ୍ରୀଙ୍କ ଅନେକ ଜବରା ଫ୍ୟାନ୍ ଦେଖିଥିବେ। କେହି କେହି ତାଙ୍କ ନାମର ଟାଟୁ କରୁଥିବା ବେଳେ ଆଉ କେହି ଘର ସାରା ଫଟୋ ସାଇତି ରଖୁଥିବାର ଦେଖିଥିବେ ନିଶ୍ଚୟ। ହେଲେ କୌଣସି ବଲିଉଡ୍ ଅଭିନେତ୍ରୀଙ୍କୁ ଫ୍ୟାନ୍ ପୂଜା କରୁଥିବା କେବେ ଦେଖିଛନ୍ତି କି ? ଏପରି କିଛି ଚିତ୍ର ଆସିଛି ହରିୟାଣାରୁ। ବଣ୍ଟୁ ଏବଂ ତାଙ୍କ ପତ୍ନୀ କ୍ୟାଟ୍ରିନାଙ୍କୁ ପୂଜା କରୁଥିବା ଖବର ଏବେ ଚର୍ଚ୍ଚାରେ।
ଏହି ଦମ୍ପତିଙ୍କ ପାଇଁ କ୍ୟାଟ୍ରିନା କୌଣସି 'ଦେବୀ'ଙ୍କଠାରୁ କମ୍ ନୁହନ୍ତି। ଏହି ଦମ୍ପତି ଅଭିନେତ୍ରୀ ଘରେ କ୍ୟାଟ୍ରିନା କୈଫଙ୍କ ଫଟୋ ରଖି ପୂଜାର୍ଚ୍ଚନା ମଧ୍ୟ କରୁଛନ୍ତି। ସେମାନେ ପ୍ରତିବର୍ଷ କ୍ୟାଟ୍ରିନାଙ୍କ ଜନ୍ମଦିନ ମଧ୍ୟ ପାଳନ କରନ୍ତି। ଗତ ଦଶ ବର୍ଷ ଧରି ସେମାନେ ଏପରି କରି ଆସୁଛନ୍ତି। ଏହି ଦମ୍ପତି ପ୍ରତିବର୍ଷ କ୍ୟାଟ୍ରିନା କୈଫଙ୍କ ଜନ୍ମଦିନକୁ କେକ୍ କାଟି, ଲଡ଼ୁ ବାଣ୍ଟି ପାଳନ କରିଥାନ୍ତି।
କରମବୀର ଆକା ବଣ୍ଟୁ ଏବଂ ସନ୍ତୋଷ ଏପରି ଜବରା ଫ୍ୟାନ୍, ତାଙ୍କ ଘର ସାରା କେବଳ କ୍ୟାଟ୍ରିନା ଆଉ କ୍ୟାଟ୍ରିନା। ଯେଉଁଠି ଦେଖିବେ ତାଙ୍କ ଚିତ୍ର। ୨୦୦୪ରେ ପ୍ରଥମ ଥର ପାଇଁ କ୍ୟାଟ୍ରିନା କୈଫଙ୍କ ଫିଲ୍ମ ଦେଖି ଏପରି ପାଗଳ ହୋଇଯାଇଥିଲେ ବଣ୍ଟୁ। ସେବେଠାରୁ ତାଙ୍କ ଘରେ କ୍ୟାଟ୍ରିନାଙ୍କ ଫଟୋ ରଖିଛନ୍ତି। ପ୍ରଥମେ ପ୍ରଥମେ ତାଙ୍କର ଏପରି ପାଗଳାମୀକୁ ପରିବାର ଲୋକେ ବିରୋଧ କରିଥିଲେ।
Also Read
କିନ୍ତୁ ସେ ଏହାପରେ ଅବସାଦରେ ରହିବାରୁ ପରିବାର ଲୋକେ କିଛି କହିନଥିଲେ।
ବଣ୍ଟୁଙ୍କ ବାହାଘରେ ପରେ ମଧ୍ୟ ପତ୍ନୀ ସନ୍ତୋଷ କ୍ୟାଟ୍ରିନାଙ୍କ ପ୍ରତି ଏପରି ଭଲପାଇବା ଦେଖି ଆଶ୍ଚର୍ଯ୍ୟ ହୋଇଯାଇଥିଲେ। କିନ୍ତୁ ସେ ତାଙ୍କ ସ୍ୱାମୀଙ୍କ ଭାବନାକୁ ସମ୍ମାନ ଜଣାଇ କ୍ୟାଟ୍ରିନାଙ୍କୁ ପୂଜା କରୁଛନ୍ତି। ଏହି ଦମ୍ପତି ଜୀବନରେ ଥରେ କ୍ୟାଟ୍ରିନାଙ୍କୁ ଭେଟିବାକୁ ଚାହୁଁଥିବା କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
