ଦୀପିକାଙ୍କ ମାସ୍କର ଦାମ୍‌ ୨୫ ହଜାର

ମୁମ୍ବାଇ: ବଲିଉଡ ଅଭିନେତ୍ରୀ ଦୀପିକା ପାଦୁକୋନ ନିଜ ସୁନ୍ଦରତା ଏବଂ ଫ୍ୟାଶନକୁ ନେଇ ସବୁବେଳେ ଚର୍ଚ୍ଚାରେ ରୁହନ୍ତି। ତାଙ୍କର ସବୁ ଅନ୍ଦାଜ ତାଙ୍କ ଫ୍ୟାନ୍ସମାନଙ୍କୁ ପସନ୍ଦ ଆସେ। ସେ ବିମାନ ବନ୍ଦରର ଲୁକ୍‌ ହେଉ ଅବା ପାର୍ଟି ଲୁକ୍‌। ତାଙ୍କ ସବୁ ଆଉଟଫିଟ୍‌ ଏବଂ ଲୁକ୍‌ ପ୍ରଶଂସକଙ୍କୁ ପାଗଳ କରେ।  ତେବେ ନିକଟରେ ତାଙ୍କର କିଛି ଫଟୋ ସାମ୍ନାକୁ ଆସିଛି, ଯେଉଁଥି ପାଇଁ ସେ ପୁଣିଥରେ ଚର୍ଚ୍ଚାକୁ ଆସିଛନ୍ତି।

Deepika Padukone
ଦାମୀ ମାସ୍କରେ ଦୀପିକା

ଏଥର ଦୀପିକା ତାଙ୍କ ଦାମୀ ମାସ୍କକୁ ନେଇ ଚର୍ଚ୍ଚାକୁ ଆସିଛନ୍ତି। ନକଟରେ ମୁମ୍ବାଇରେ ବିଟାଉନର କିଛି ସେଲିବ୍ରିଟିକୁ ନେଇ ଏକ ପାର୍ଟିର ଆୟୋଜନ ହୋଇଥିଲା। ଏଥିରେ ଦୀପିକା ଟପ୍‌ ଟୁ ବଟମ୍‌ ବ୍ଲାକ କଲର ଡ୍ରେସ ପିନ୍ଧିବା ସହ କଳା ରଙ୍ଗର ମାସ୍କ ପିନ୍ଧିଥିଲେ। ତେବେ ସେ ଯେଉଁ ମାସ୍କ ପିନ୍ଧିଥିଲେ ତା’ର ଦାମ ୨୫ ହଜାର ଟଙ୍କା ବୋଲି ଜଣାପଡିଛି। ଦୀପିକାଙ୍କ ଏହି ଦାମୀ ମାସ୍କୁ ନେଇ ସୋଶାଲ ମିଡିଆରେ ଚର୍ଚ୍ଚା ଜୋର ଧରିଛି। ପଦ୍ମାବତ ଫେମ ଦୀପିକା ପିନ୍ଧିଥିବା ଏହି ମାସ୍କ ଲୁଇସ୍‌ ବେଟାନ ମାସ୍କ ଅଟେ। ଦାମୀ ଜିନିଷ ପାଇଁ ଏହି କମ୍ପାନୀ ବେଶ୍‌ ଜଣାଶୁଣା।

ସୂଚନାଯୋଗ୍ୟ ଯେ, ଅପକମିଂ ଫିଲ୍ମ `୮୩’ରେ ଦୀପିକା ନଜର ଆସିବେ । ଏଥିରେ ରଣବୀର ସିଂହଙ୍କୁ ମଧ୍ୟ ଦେଖିବାକୁ ମିଳିବ। ପୂର୍ବତନ ଭାରତୀୟ କ୍ରିକେଟ ଖେଳାଳି କପିଦ ଦେବଙ୍କ ଏହା ବାୟୋପିକ। ସେହିପରି ଶକୁନ ବତ୍ରାଙ୍କ ଫିଲ୍ମରେ ମଧ୍ୟ ଦୀପିକା ନଜର ଆସିବେ। ତେବେ ଏହି ଫିଲ୍ମର ଟାଇଟଲ କ’ଣ ରହିବ ସେ ନେଇ କିଛି ସୂଚନା ମିଳିପାରି ନାହିଁ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।