କରୋନାରୁ ସୁସ୍ଥ ହେଲେ ଜେନେଲିଆ, ଜଣାଇଲେ ଏହା ସହ ଲଢ଼ିବାର ଭଲ ଉପାୟ

ମୁମ୍ୱାଇ: କରୋନାରୁ ସୁସ୍ଥ ହୋଇଛନ୍ତି ବଲିଉଡ୍‌ ଅଭିନେତ୍ରୀ ଜେନେଲିଆ ଡି’ସୌଜା। ଗତ ତିନି ସପ୍ତାହ ଧରି ସେ କରୋନାରେ ଆକ୍ରାନ୍ତ ଥିଲେ। କରୋନାରୁ ସୁସ୍ଥ ହେବା ନେଇ ଜେନେଲିଆ ନିଜେ ସୋଶାଲ ମିଡିଆ ଯୋଗେ ସୂଚନା ଦେଇଛନ୍ତି। ଏହା ସହିତ ଗତ ୨୧ ଦିନ ଧରି କରୋନା ସହିତ ସେ କିପରି ଲଢ଼େଇ କରୁଥିଲେ, ତାହା ମଧ୍ୟ ଜଣାଇଛନ୍ତି।

ଜେନେଲିଆ ଲେଖିଛନ୍ତି, ‘ତିନି ସପ୍ତାହ ପୂର୍ବରୁ ମୋର କରୋନା ରିପୋର୍ଟ ପଜିଟିଭ୍‌ ଆସିଥିଲା। ଗତ ୨୧ ଦିନ ଧରି ମୋ ଶରୀରରେ କୌଣସି କରୋନା ଲକ୍ଷଣ ଦେଖାଯାଉ ନଥିଲେ ମଧ୍ୟ ରିପୋର୍ଟ ପଜିଟିଭ୍‌ ଥିଲା। ଭଗବାନଙ୍କ ଆଶୀର୍ବାଦରୁ ଏବେ ମୋ କରୋନା ରିପୋର୍ଟ ନେଗେଟିଭ୍‌ ଆସିଛି। ସମସ୍ତଙ୍କ ଆଶୀର୍ବାଦ ଓ ଭଲପାଇବା ପାଇଁ ଏହି ରୋଗ ସହିତ ଲଢ଼େଇ କରିବା ସହଜ ହୋଇଥିଲା। ହେଲେ ୨୧ ଦିନ ଆଇସୋଲେସନ୍‌ରେ ରହିବା ମୋ ପାଇଁ ବହୁତ କଷ୍ଟକର ଥିଲା।’

ଜେନେଲିଆ ଆହୁରି ମଧ୍ୟ ଲେଖିଛନ୍ତି, ‘ଆପଣ ଡିଜିଟାଲ ମାଧ୍ୟମରେ କାହା ସହିତ ଯେତେ ଯୋଗାଯୋଗରେ ରୁହନ୍ତୁ ନା କାହିଁକି ଏକେଲାପଣକୁ ଶେଷ କରିପାରିବେ ନାହିଁ। ନିଜ ପରିବାର ଓ ଆତ୍ମୀୟସ୍ୱଜନଙ୍କ ପାଖକୁ ଫେରି ଆସି ମୁଁ ବହୁତ ଖୁସି ଅଛି। ଯେଉଁମାନେ ଆପଣଙ୍କୁ ଭଲ ପାଉଛନ୍ତି, ସେମାନଙ୍କ ପାଖରେ ହିଁ ରୁହନ୍ତୁ। ଏମାନେ ହିଁ ଆପଣଙ୍କର ସବୁଠାରୁ ବଡ଼ ଶକ୍ତି। ଖୁବ୍‌ ଶୀଘ୍ର କରୋନା ଟେଷ୍ଟ କରାନ୍ତୁ। ଭଲ ଖାଆନ୍ତୁ। ସୁସ୍ଥ ରୁହନ୍ତୁ। କରୋନା ରାକ୍ଷସ ସହିତ ଲଢ଼ିବା ପାଇଁ ଏହା ହିଁ ଭଲ ଉପାୟ।’

ସୂଚନାଯୋଗ୍ୟ, ବଲିଉଡ୍‌ ଅଭିନେତ୍ରୀ ଜେନେଲିଆ ଡି’ସୌଜା ଲମ୍ୱା ସମୟ ଧରି ସିଲଭର୍‌ ସ୍କ୍ରିନଠାରୁ ଦୂରେଇ ରହିଛନ୍ତି। ବର୍ତ୍ତମାନ ସେ ସ୍ୱାମୀ ରିତେଶ ଦେଶମୁଖ ଓ ଦୁଇ ପିଲାଙ୍କ ସହିତ ସମୟ ଅତିବାହିତ କରୁଛନ୍ତି।

ଆହୁରି ପଢ଼ନ୍ତୁ

ଜାତିସଂଘରେ ମିଛ କହିଲେ ଚୀନ୍ ରାଷ୍ଟ୍ରପତି ଜିନ୍ ପିଙ୍ଗ୍!

ଶାନ୍ତି ପାଇଁ ଧାରା ୩୭୦ ଲାଗୁ କରାଯାଉ: ଫାରୁକ୍

ଡ୍ରଗ୍ସ ଅଭିଯୋଗ ନେଇ ମୁହଁ ଖୋଲିଲେ ଦିଆ ମୀର୍ଜା

କୋଭିଡ୍ ଟେଷ୍ଟ ଟାର୍ଗେଟ ପୂରଣ କରିବାକୁ ୧୫ ଥର ନମୁନା ଦେଲେ ଡାକ୍ତର

ଡ୍ରଗ୍ସ ଲିଙ୍କରେ ଦିଆ ମୀର୍ଜା, ବଲିଉଡକୁ ବଦନାମ କରିବାକୁ ଚେଷ୍ଟା କରାଯାଉଛି କହିଥିଲେ

ଆକ୍ସନ ମୁଡରେ ଏନସିବି, ଆଠ ଗିରଫ୍

ଶରଦ ପାଓ୍ୱାରଙ୍କୁ ଆୟକର ବିଭାଗର ନୋଟିସ୍

ବିରୋଧୀଙ୍କ ଭୂମିକାକୁ ଶେଷ କରିବାକୁ ଚାହୁଁଛନ୍ତି ସରକାର: ପାଓ୍ୱାର

ପଦାରେ ପଡ଼ିଲା ସନ ରାଇଜର୍ସର ମିଡିଲ ଅର୍ଡର ଦୁର୍ବଳତା

ଧାରଣା ଶେଷ କଲେ ଆନ୍ଦୋଳନରତ ଆଠ ନିଲମ୍ବିତ ରାଜ୍ୟସଭା ସାଂସଦ

ସାତ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ବୈଠକ କରିବେ ପ୍ରଧାନମନ୍ତ୍ରୀ

ଡ୍ରଗ୍ସ ଲିଙ୍କ୍, ଦୀପିକାଙ୍କ ସହଯୋଗୀଙ୍କୁ ସମନ କଲା ଏନସିବି