ସମନ ପରେ ବି ସାଇବର୍ରେ ସେଲ୍ରେ ହାଜର ହେଲେନି ଅଭିନେତ୍ରୀ ତମନ୍ନା ଭାଟ୍ଟିଆ। ଆଇପିଏଲ୍ ମ୍ୟାଚ୍ର ଅବୈଧ ସ୍କ୍ରିନିଂ ମମଲାରେ ଫଶି ଥିବା ଅଭିନେତ୍ରୀ ତମନ୍ନା ଭାଟ୍ଟିଆଙ୍କୁ ନିକଟରେ ସାଇବର ସେଲ୍ ସମନ ଜାରି କରିଥିଲା। ଆଜି ତାଙ୍କୁ ପଚରାଉଚରା କରିବା ପାଇଁ ଡକାଯାଇଥିଲା। ହେଲେ ସେ ହାଜର ହୋଇ ନାହାନ୍ତି।
ମହାଦେବ ବେଟିଂ ଆପ୍ର ଅନ୍ୟ ଏକ ସହାୟକ ଆପ୍ ଫେୟାର୍ ପ୍ଲେ ଜରିଆରେ ୨୦୨୪ରେ ଆଇପିଏଲ୍ ମ୍ୟାଚ୍ର ବେଆଇନ୍ ରୂପେ ସ୍କ୍ରିନିଂ ହୋଇଥିଲା। ଅଭିନେତ୍ରୀ ତମନ୍ନା ଭାଟ୍ଟିଆ ଏହି ଫେୟାର୍ ପ୍ଲେ'ର ବିଜ୍ଞାପନ କରିଥିଲେ। ଏଥିପାଇଁ ମହାରାଷ୍ଟ୍ର ସାଇବର୍ ପୁଲିସ ସାକ୍ଷୀ ରୂପେ ତାଙ୍କ ବୟାନ ରେକର୍ଡ କରିବା ପାଇଁ ତାଙ୍କୁ ସମନ ପଠାଇଥିଲା। ଆଜି ତାଙ୍କୁ ସାଇବର୍ ସେଲ୍ରେ ହାଜର ହେବାର ଥିଲା। ତେବେ ସେ ଫିଲ୍ମ ଶୁଟିଂ ପାଇଁ ମୁମ୍ବାଇରୁ ବାହାରେ ଅଛନ୍ତି। ଏଥିଯୋଗୁ ସେ ଆଜି ହାଜର ହୋଇପାରିବେ ନାହିଁ ବୋଲି ତମନ୍ନାଙ୍କ ଓକିଲ କହିଛନ୍ତି। ଏଥିସହ ହାଜର ହେବା ପାଇଁ ସେ ନୂଆ ସମୟ ମାଗିଛନ୍ତି।
Also Read
କହିରଖୁ ଯେ, ମହାଦେବ ବେଟିଂ ଆପ୍ ମାମଲାରେ ଅଭିନେତା ସାହିଲ ଖାନ୍ଙ୍କୁ ପୁଲିସ ଗିରଫ କରିଛି। ୪୦ ଘଣ୍ଟା ଧରି ସର୍ଚ୍ଚ ଅପରେସନ୍ କରିବା ପରେ ଶନିବାର ତାଙ୍କୁ ଛତିଶଗଡରୁ ପୁଲିସ ଗିରଫ କରିଥିଲା। ଏହା ବ୍ୟତୀତ ଏହି ମାମଲାରେ ରାପର୍ ବାଦଶାହାଙ୍କ ବୟାନ ମଧ୍ୟ ପୁଲିସ ରେକର୍ଡ କରିସାରିଛି। ସେହିପରି ଗତବର୍ଷ ଏହି ମାମଲାରେ ରଣବୀର କପୁର ଓ ଶ୍ରଦ୍ଧା କପୁରଙ୍କୁ ମଧ୍ୟ ପୁଲିସ ପଚରଉଚରା କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
