ହାଇଦ୍ରାବାଦ: ଆଇନ ଜାଲରେ ଫସିଛନ୍ତି ଗତବର୍ଷର ସୁପରଡୁପର ହିଟ୍ ଫିଲ୍ମ ପୁଷ୍ପାର ନିର୍ମାତ । ଏହି ଫିଲ୍ମର ତେଲୁଗୁ ପ୍ରଡକ୍ସନ କମ୍ପାନୀ ମୈତ୍ରୀ ମୁଭି ମେକର୍ସ ଆୟକର ବିଭାଗ ଜାଲରେ ଫସିଛି। ପ୍ରଡକ୍ସନ କମ୍ପାନୀରେ ବିଦେଶୀ ଫଣ୍ଡିଂ ବ୍ୟବହାର ହୋଇଥିବା ନେଇ ସନ୍ଦେହ କରିଛନ୍ତି ଆଇଟି ଅଧିକାରୀ। ଏହି କାରଣରୁ ଫିଲ୍ମ ନିର୍ମାତାଙ୍କ ଘରେ ଆଇଟି ରେଡ୍ ହୋଇଛି। ସୋମବାର ସାକଳୁ ହୋଇଥିବା ଚଢ଼ାଇ ସନ୍ଧ୍ୟା ଯାଏଁ ଜାରି ରହିଥିଲା।
ଏହି ଫିଲ୍ମ ପ୍ରଡକ୍ସନ କମ୍ପାନୀର ତିନି ଜଣ ମାଲିକ ରବିଶଙ୍କର, ନବୀନ ଅର୍ଣ୍ଣେନୀ ଓ ଚେରୁକୁରୀ ମୋହନଙ୍କ ଘର ସମେତ ମୋଟ ୧୫ଟି ସ୍ଥାନରେ ଆଇଟି ରେଡ୍ କରିଥିଲା। ଆଇଟି ଅଧିକାରୀମାନେ ଭିନ୍ନ ଭିନ୍ନ ରାଜ୍ୟ ଦେଇ କମ୍ପାନୀର ମୁଖ୍ୟ ଅଫିସ ଥିବା ହାଇଦ୍ରାବାଦରେ ପହଞ୍ଚିଥିଲେ। ତେବେ ଫିଲ୍ମ ପ୍ରଡକ୍ସନ ତରଫରୁ କିନ୍ତୁ ଏହି ଚଢ଼ାଉ ନେଇ କୌଣସି ଅଫିସିଆଲ୍ ସୂଚନା ଦିଆଯାଇ ନାହିଁ।
ମୈତ୍ରୀ ପ୍ରଡକ୍ସନ କମ୍ପାନୀ ସାଉଥରେ ଅନେକ ବ୍ଲକବଷ୍ଟର ଫିଲ୍ମ ଦର୍ଶକଙ୍କୁ ଭେଟି ଦେଇସାରିଛି। ଫିଲ୍ମ ପୁଷ୍ପା ଡିସେମ୍ବର ୨୦୨୧ରେ ରିଲିଜ ହୋଇଥିଲା । ପାନ୍ ଇଣ୍ଡିଆର ଏହି ଫିଲ୍ମ ୱାର୍ଲ୍ଡ ୱାଇଡ୍ ୩୫୦ରୁ ଅଧିକ କୋଟି ଟଙ୍କାର ବ୍ୟବସାୟ କରିଛି। ଆସନ୍ତା ବର୍ଷ ଏହି ଫିଲ୍ମର ସିକ୍ୱେଲ ପୁଷ୍ପା ପାର୍ଟ-୨ ଆସିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
