ବାଦ୍‌ଶାହାଙ୍କ ରାପ୍‌ରେ ଝୁମିବେ ଜ୍ୟାକ୍‌ଲିନ୍‌

ମୁମ୍ବାଇ: ରାପର୍ କିଙ୍ଗ ବାଦ୍‌ଶାହା ଓ ସିଂହଳୀ ସୁନ୍ଦରୀ ଜ୍ୟାକ୍‌ଲିନ୍ ଫର୍ଣ୍ଣାଣ୍ଡିଜଙ୍କ ମ୍ୟୁଜିକ ଆଲବମ୍ ‘ଗେନ୍ଦା ଫୁଲ୍‌’ର ଏଯାଏଁ ସରିନି କ୍ରେଜ୍। ବିବାହ ହେଉ ଅବା କୌଣସି ଫଙ୍କସନ୍ ସବୁଠୁ ଛାଇ ଯାଏ “ବଡ ଲୋକର ବେଟି…”। ଏହି ଗୀତର ତାଳେ ତାଳେ ନାଚିବାକୁ ପସନ୍ଦ କରନ୍ତି ଯୁବପିଢ଼ୀ । ଗୀତରେ ଅଭିନୟ କରିଥିବା ଜ୍ୟାକ୍‌ଲିନ୍ ଓ ବାଦ୍‌ଶାହାଙ୍କ ଯୋଡିକୁ ବି ଦର୍ଶକ ବେଶ ପସନ୍ଦ କରୁଛନ୍ତି। ଏବେ ପୁଣିଥରେ ବାଦ୍‌ଶାହାଙ୍କ ରାପ୍‌ରେ ଝୁମିବାକୁ ଯାଉଛନ୍ତି ଜ୍ୟାକ୍‌ଲିନ୍। […]

Jacqueline Fernandez and Badshah

Jacqueline Fernandez and Badshah

Madhupriya Mistry
  • Published: Tuesday, 01 June 2021
  • Updated: 01 June 2021, 04:46 PM IST

Sports

Latest News

ମୁମ୍ବାଇ: ରାପର୍ କିଙ୍ଗ ବାଦ୍‌ଶାହା ଓ ସିଂହଳୀ ସୁନ୍ଦରୀ ଜ୍ୟାକ୍‌ଲିନ୍ ଫର୍ଣ୍ଣାଣ୍ଡିଜଙ୍କ ମ୍ୟୁଜିକ ଆଲବମ୍ ‘ଗେନ୍ଦା ଫୁଲ୍‌’ର ଏଯାଏଁ ସରିନି କ୍ରେଜ୍। ବିବାହ ହେଉ ଅବା କୌଣସି ଫଙ୍କସନ୍ ସବୁଠୁ ଛାଇ ଯାଏ “ବଡ ଲୋକର ବେଟି...”। ଏହି ଗୀତର ତାଳେ ତାଳେ ନାଚିବାକୁ ପସନ୍ଦ କରନ୍ତି ଯୁବପିଢ଼ୀ । ଗୀତରେ ଅଭିନୟ କରିଥିବା ଜ୍ୟାକ୍‌ଲିନ୍ ଓ ବାଦ୍‌ଶାହାଙ୍କ ଯୋଡିକୁ ବି ଦର୍ଶକ ବେଶ ପସନ୍ଦ କରୁଛନ୍ତି। ଏବେ ପୁଣିଥରେ ବାଦ୍‌ଶାହାଙ୍କ ରାପ୍‌ରେ ଝୁମିବାକୁ ଯାଉଛନ୍ତି ଜ୍ୟାକ୍‌ଲିନ୍। ଖୁବଶୀଘ୍ର ଆସିବାକୁ ଯାଉଛି ଉଭୟଙ୍କ ଆଉ ଏକ ଦମ୍‌ଦାର ମ୍ୟୁଜିକ ଆଲବମ ‘ପାନି ପାନି’।

ନିକଟରେ ଏହି ମ୍ୟୁଜିକ ଆଲବମ୍‌ରେ ଫାଷ୍ଟଲୁକ୍ ରିଲିଜ ହୋଇଛି। ଏଥିରେ ବାଦ୍‌ଶାହା ଓ ଜ୍ୟାକ୍‌ଲିନଙ୍କ ରୋମାଣ୍ଟିକ୍ ଲୁକ୍ ଦେଖିବାକୁ ମିଳିଛି। ପୁରା ଦେଶୀ ଲୁକ୍‌ରେ ଜ୍ୟାକ୍‌ଲିନ୍ ନଜର ଆସିଛନ୍ତି। ଏହି ପୋଷ୍ଟରକୁ ଦେଖି ଅନୁମାନ କରାଯାଉଛି ଯେ, ବାଦ୍‌ଶାହାଙ୍କ ଏହା ରୋମାଣ୍ଟିକ ଗୀତ ହୋଇଥିବ।

ଏହି ପୋଷ୍ଟରକୁ ଜ୍ୟାକ୍‌ଲିନ୍ ନିଜ ଇନ୍‌ଷ୍ଟାଗ୍ରାମରେ ସେଆର କରିଛନ୍ତି। ଏହାକୁ ସେଆର କରି ସେ କ୍ୟାପସନ୍‌ରେ ଲେଖିଛନ୍ତି, ଆମେ ପୁଣି ଆସୁଛୁ।

ସୂଚନା ମୁତାବକ ୨୦୦୧ରେ ଫିଲ୍ମ ‘ଆଲାଦିନ’ରୁ ବଲିଉଡ ଡେବ୍ୟୁ କରିଥିଲେ। ଏହାପରେ ସେ ଆଉ ପଛକୁ ବୁଲି ଚାହିଁନାହାନ୍ତି। ଏବେ ବଲିଉଡର ସେ ସବୁଠାରୁ ବ୍ୟସ୍ତ ଅଭିନେତ୍ରୀଙ୍କ ମଧ୍ୟରୁ ଜଣେ ।ଲକ୍‌ଡାଉନ୍ ପରେ ସେ ତିନି ତିନିଟି ଫିଲ୍ମ ପାଇଁ ବ୍ୟସ୍ତ ଅଛନ୍ତି।

ଏବେ ଚାଲିଛି ‘ଭୂତ ପୋଲିସ’। ଏଥିରେ ଜ୍ୟାକଲିନ୍‌ଙ୍କ ବିପକ୍ଷର ନାୟକ ଅଛନ୍ତି ସୈଫ୍ ଅଲ୍ଲୀ ଖାନ୍। ଏହାବ୍ୟତୀତ ରୋହିତ ସେଟ୍ଟୀ ନିର୍ଦ୍ଦେଶିତ ‘ସର୍କସ୍‌’ରେ ଜ୍ୟାକଲିନ୍ ରଣବୀର ସିଂହଙ୍କ ନାୟିକା ସାଜୁଛନ୍ତି। ସେମିତି ଜ୍ୟାକଲିନ୍ ଜନ୍ ଆବ୍ରାହମ୍‌ଙ୍କ ସହ ଯୋଡ଼ି ସାଜିଛନ୍ତି ନୂଆ ସିନେମା ‘ଆଟାକ୍‌ରେ’। ଅଳ୍ପଦିନର କ୍ୟାରିୟର୍ ଭିତରେ ଇଣ୍ଡଷ୍ଟ୍ରିରେ ଜ୍ୟାକ୍‌ଲିନ୍‌ଙ୍କ ଡିମାଣ୍ଡ ବେଶ୍ ବଢ଼ିଯାଇଛି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos