ଅଭିନେତା ଜୁନିଅର ମହମୁଦ କ୍ୟାନସରରେ ଆକ୍ରାନ୍ତ ହୋଇଛନ୍ତି। ତାଙ୍କ ପ୍ରକୃତ ନାଁ ନଇମ ସୟିଦ। ତେବେ ଜୁନିୟର ମହମୁଦ ନାଁରେ ସେ ପ୍ରସିଦ୍ଧ। ତାଙ୍କୁ ଏହି ନାଁ ଦେଇଥିଲେ ବଲିଉଡ୍ର ବିଗତ ଦିନର ପ୍ରସିଦ୍ଧ ଅଭିନେତା ମହମୁଦ ଅଲୀ।
ଜୁନିୟର ମହମୁଦଙ୍କ ବନ୍ଧୁ ସଲାମ କାଜି କହିଛନ୍ତି, ସେ (ଜୁନିୟର ମହମୁଦ) 2 ମାସ ଧରି ଅସୁସ୍ଥ ଥିଲେ। ସେତେବେଳେ ସମସ୍ତେ ଭାବିଥିଲେ କିଛି ଛୋଟ ସମସ୍ୟା ହୋଇଥିବ। କିନ୍ତୁ ହଠାତ୍ ତାଙ୍କ ଓଜନ ହ୍ରାସ ପାଇବାକୁ ଲାଗିଲା। ଏହା ପରେ ପରୀକ୍ଷା କରିବାରୁ ତାଙ୍କୁ କ୍ୟାନସର ହୋଇଥିବା ଜଣାପଡ଼ିଲା। ତାଙ୍କ ଲିଭର, ଫୁସଫୁସ ସହିତ ପୂରା ଶରୀରକୁ କ୍ୟାନସର ବ୍ୟାପୀ ସାରିଛି। ତାଙ୍କ ପେଟରେ ଏକ ଟ୍ୟୁମର ହୋଇଛି। ସେ ଜଣ୍ଡିସରେ ବି ପୀଡ଼ିତ ଅଛନ୍ତି। ସେ ଏବେ କ୍ୟାନସରର ଚତୁର୍ଥ ସ୍ତରରେ ଅଛନ୍ତି।
Also Read
ବଲିଉଡ୍ର ପ୍ରସିଦ୍ଧ ହାସ୍ୟ ଅଭିନେତା ଜନି ଲିଭର ନିକଟରେ ଜୁନିୟର ମହମୁଦଙ୍କୁ ଭେଟିବାକୁ ଯାଇଥିଲେ। ଏହାର ଏକ ଭିଡିଓ ଏବେ ଭାଇରାଲ ହେଉଛି।
ସଲାମ କାଜି କହିଛନ୍ତି ଜୁନିୟର ମହମୁଦଙ୍କୁ ସାହାଯ୍ୟ କରିବା ପାଇଁ ଜନି ଲିଭର ଯାଇଥିଲେ। ତେବେ ଜୁନିୟର ମହମୁଦଙ୍କ ଆର୍ଥିକ ଅବସ୍ଥା ବେଶ୍ ସ୍ବଚ୍ଛଳ। ଜୁନିୟର ମହମୁଦଙ୍କ ପିଲାମାନେ ତାଙ୍କୁ କହିଥିଲେ ଯେ ଟଙ୍କାପଇସା ନେଇ ସେମାନଙ୍କର କିଛି ଚିନ୍ତା ନାହିଁ। ତଥାପି ଆବଶ୍ୟକ ହେଲେ ତାଙ୍କୁ ଫୋନ କରିବାକୁ ଜନି ଲିଭର ସେମାନଙ୍କୁ କହିଛନ୍ତି।
ଜୁନିୟର ମହମୁଦ 7ଟି ଭିନ୍ନ ଭିନ୍ନ ଭାଷାରେ 250ରୁ ଅଧିକ ଫିଲ୍ମ କରିଛନ୍ତି। ସେ 10/11 ବର୍ଷ ବୟସରୁ ଫିଲ୍ମରେ ଅଭିନୟ ଆରମ୍ଭ କରିଥିଲେ। ସେ 6ଟି ମରାଠୀ ଫିଲ୍ମ ନିର୍ମାଣ କରିଥିଲେ। ସେ ନିଜେ ସେଗୁଡ଼ିକର ପ୍ରଯୋଜକ ଓ ନିର୍ଦ୍ଦେଶକ ଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
