ଘୁଞ୍ଚିଲା କଙ୍ଗନାଙ୍କ 'ଏମରଜେନ୍ସି'

ବଦଳିଲା 'ଏମରଜେନ୍ସି'ର ତାରିଖ। ଘୁଞ୍ଚିଲା ଅପ୍‌କମିଂ ଫିଲ୍ମ 'ଏମରଜେନ୍ସି'ର ରିଲିଜ ଡେଟ୍‌। ଚଳିତ ବର୍ଷ ପରଦାକୁ ଆସିବନି ଏମରଜେନ୍ସି। ଏନେଇ ବଲିଉଡର କୁଇନ୍‌ କଙ୍ଗନା ରଣାଓ୍ୱତ ଖୋଦ୍‌ ସୂଚନା ଦେଇଛନ୍ତି।

କଙ୍ଗନା ପୁଣିଥରେ ତାଙ୍କ ଅପ୍‌କମିଂ ଫିଲ୍ମ 'ତେଜସ୍‌'କୁ ନେଇ ଚର୍ଚ୍ଚାରେ ଅଛନ୍ତି। ଏହାରି ଭିତରେ ତାଙ୍କର ଆଉ ଏକ ଅପ୍‌କମିଂ ଫିଲ୍ମ `ଏମରଜେନ୍ସି'କୁ ନେଇ ସେ ସେୟାର କରିଛନ୍ତି ନୂଆ ଅପ୍‌ଡେଟ୍‌। ଚଳିତ ବର୍ଷ ଫିଲ୍ମ `ଏମରଜେନ୍ସି' ରିଲିଜ ହେବ ନାହିଁ। ଏହି ଫିଲ୍ମର ରିଲିଜ ଡେଟ୍‌କୁ ବଦଳାଇ ଦିଆଯାଇଛି।

ଚଳିତ ବର୍ଷ ନଭେମ୍ବର ୨୪ରେ ଫିଲ୍ମଟି ରିଲିଜ ହୋଇଥାନ୍ତା। ତେବେ ଅତ୍ୟଧିକ କାମ ବ୍ୟବସ୍ତତା ଯୋଗୁ ଆସନ୍ତା ବର୍ଷ ଶେଷ ଆଡକୁ ଏହି ଫିଲ୍ମ ରିଲିଜ ହେବ ବୋଲି କଙ୍ଗନା ସୋଶାଲ ମିଡିଆରେ ସୂଚନା ଦେଇଛନ୍ତି। ସେ କହିଛନ୍ତି, ଏହି ଫିଲ୍ମ ମୋ ପୂରା ଜୀବନର ଲର୍ଣ୍ଣିଂ ଆଉ ଅର୍ଣ୍ଣିଂ। ଏହା ମୋ ପାଇଁ କେବଳ ଏକ ଫିଲ୍ମ ନୁହେଁ, ଜଣେ ମଣିଷ ଭାବେ ଏଥିରେ ମୋର ଏକ ଗୁରୁତ୍ୱପୂର୍ଣ୍ଣ ଭୂମିକା ରହିଛି। ମୋର ଏହି ଫିଲ୍ମ ଆଉ ଚରିତ୍ରକୁ ବେଶ୍‌ ଭଲପାଇବା ମିଳିଛି। ଏଥିପାଇଁ ସମସ୍ତଙ୍କୁ ଧନ୍ୟବାଦ।

Dear friends,
I have an important announcement to make, Emergency movie is the culmination of my entire life’s learnings and earnings as an artist.
Emergency is not just a film for me it’s a test of my worth and character as an individual.
Tremendous response that our teaser and…

— Kangana Ranaut (@KanganaTeam) October 16, 2023

ଉଲ୍ଲେଖଯୋଗ୍ୟ ଏହି ଫିଲ୍ମଟି ଦିବଙ୍ଗତ ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଜୀବନୀ ଉପରେ ଆଧାରିତ। କଙ୍ଗନାଙ୍କୁ ଏହି ଫିଲ୍ମରେ ଇନ୍ଦିରା ଗାନ୍ଧୀ ଭୂମିକାରେ ଦେଖିବାକୁ ମିଳିବ। ସେ ଏହି ଫିଲ୍ମର ନିର୍ଦ୍ଦେଶନା ଦାୟିତ୍ୱ ମଧ୍ୟ ନେଇଛନ୍ତି।