ଝୁଲନ୍ତା ଅବସ୍ଥାରେ ଜଣାଶୁଣା କନ୍ନଡ ଅଭିନେତ୍ରୀ ଶୋଭିତା ଶିବନ୍ନାଙ୍କ ମିଳିଲା ମୃତଦେହ। ହାଇଦ୍ରାବାଦ ସ୍ଥିତ ଆପାର୍ଟମେଣ୍ଟରୁ ସନ୍ଦିଗ୍ଧ ଅବସ୍ଥାରେ ତାଙ୍କ ମୃତଦେହ ଉଦ୍ଧାର କହୋଇଛି। ସେ ଆତ୍ମହତ୍ୟା କରିଥିବା କୁହାଯାଉଛି।
୩୦ ବର୍ଷୀୟ ଶୋଭିତା ଶିବନ୍ନା ଟେଲିଭିଜନ ଓ ଫିଲ୍ମ ଉଭୟରେ ଅଭିନୟ କରିଛନ୍ତି। ସେ କନ୍ନଡ ଇଣ୍ଡଷ୍ଟ୍ରିର ଜଣେ ଜଣାଶୁଣା ଅଭିନେତ୍ରୀ। ନଭେମ୍ବର ୩୦ ତାରିଖରେ ହାଇଦ୍ରାବାଦ ସ୍ଥିତ ଗଚିବୋବଲିର ଶ୍ରୀରାମ ନଗର କଲୋନୀରେ ଥିବା ଆପାର୍ଟମେଣ୍ଟର ଛାତ ଉପରୁ ତାଙ୍କ ଝୁଲନ୍ତା ମୃତଦେହ ମିଳିଛି। ଏନେଇ ପଡୋଶୀମାନେ ସୂଚନା ଦେବା ପରେ ପୁଲିସ ପହଞ୍ଚି ମୃତଦେହକୁ ଜବତ କରିଛି।
Also Read
ତାଙ୍କ ମୃତ୍ୟୁ ପଛର କାରଣ ଅସ୍ପଷ୍ଟ ରହିଛି। ଅଧିକାରୀମାନେ ଘଟଣାର ତଦନ୍ତ ଜାରି ରଖିଛନ୍ତି। ପ୍ରାରମ୍ଭିକ ଅନୁସନ୍ଧାନରୁ ସେ ଆତ୍ମହତ୍ୟା କରିଥିବା କୁହାଯାଉଛି। ତାଙ୍କ ମୃତଦେହକୁ ପୋଷ୍ଟମର୍ଟମ ପାଇଁ ପଠାଯାଇଛି। ଖବର ଅନୁଯାୟୀ, ଶେଷ ରୀତିନୀତି ପାଇଁ ଅଭିନେତ୍ରୀଙ୍କ ମୃତଦେହ ବେଙ୍ଗାଲୁରୁକୁ ଅଣାଯାଇପାରେ।
ଶୋଭିତା ଟେଲିଭିଜନ ସିରିଏଲ 'ବ୍ରହ୍ମଗଣ୍ଟୁ' ଓ 'ନିନିଡେଲ'ରେ ଅଭିନୟ କରି ଚର୍ଚ୍ଚାକୁ ଆସିଥିଲେ। ସେ କିଛି କନ୍ନଡ ଫିଲ୍ମରେ ମଧ୍ୟ ଅଭିନୟ କରିଛନ୍ତି। ଗତବର୍ଷ ସେ ବିବାହ କରିଥିଲେ। କର୍ଣ୍ଣାଟକର ହାସନ ଜିଲ୍ଲାର ସାକଲେଶପୁରର ବାସିନ୍ଦା ଗତ ଦୁଇ ବର୍ଷ ଧରି ହାଇଦ୍ରାବାଦରେ ରହୁଥିଲେ। ବିବାହ ପରେ ସେ ଇଣ୍ଡଷ୍ଟ୍ରିରୁ ଦୂରେଇ ଯାଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
