ପୁଣି ମା’ ହେବେ କରିନା

ମୁମ୍ୱାଇ : ବଲିଉଡ୍‌ ଅଭିନେତ୍ରୀ କରିନା କପୁର ଖାନ୍‌ ଦ୍ୱିତୀୟ ଥର ପାଇଁ ମା’ ହେବାକୁ ଯାଉଛନ୍ତି। ଏହି ଖୁସି ଖବର ସ୍ୱାମୀ ସୈଫ୍‌ ଅଲ୍ଲୀ ଖାନ୍‌ ଓ କରିନା ଆଜି ଘୋଷଣା କରିଛନ୍ତି।

ଗଣମାଧ୍ୟମକୁ ସୂଚନା ଦେଇ ଦମ୍ପତି କହିଛନ୍ତି, ‘ପରିବାରକୁ ନୂଆ ସଦସ୍ୟ ଆସୁଥିବାରେ ଆମେ ବହୁତ ଖୁସି। ଆମ ପାଇଁ ପ୍ରାର୍ଥନା କରୁଥିବା ସମସ୍ତ ଫ୍ୟାନ୍ସ ଫଲୋୟର୍ସଙ୍କୁ ଧନ୍ୟବାଦ ଜଣାଉଛୁ।’

ସୂଚନାଯୋଗ୍ୟ, ୨୦୧୨ ମସିହାରେ କରିନା କପୁର ସୈଫ୍‌ ଅଲ୍ଲୀ ଖାନ୍‌ଙ୍କୁ ପ୍ରେମ ବିବାହ କରିଥିଲେ। ଦୁହିଁଙ୍କର ତୈମୁର ନାମରେ ୩ ବର୍ଷର ପୁଅ ରହିଛି।

ଶେଷଥର ପାଇଁ କରିନାଙ୍କୁ ଫିଲ୍ମ ‘ଗୁଡ୍‌ ନ୍ୟୁଜ୍‌’ରେ ଦେଖିବାକୁ ମିଳିଥିଲା। ସେହିପରି ସୈଫ୍‌ ଅଲ୍ଲୀ ଖାନ୍‌ ଶେଷଥର ପାଇଁ ‘ଦିଲ୍‌ ବେଚାରା’ରେ ଅଭିନୟ କରିଥିଲେ। ଆଗକୁ ସେ ଫିଲ୍ମ ‘ବଣ୍ଟି’ ଓ ‘ଭୂତ୍‌ ପୁଲିସ’ରେ ନଜର ଆସିବେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।