ଆଖି ବୁଜିଲେ ମାଧୁରୀଙ୍କ ମା’

ମା’ଙ୍କ ମୃତ୍ୟୁକୁ ନେଇ ମାଧୁରୀଙ୍କୁ ଶକ୍ତ ଝଟ୍‌କା ଲାଗିଛି।

Madhuri Dixit with his Mother PhotoJagaran

ମାଧୁରୀ ଦୀକ୍ଷିତଙ୍କ ସହ ମା’ ସ୍ନେହଲତା ଦୀକ୍ଷିତ

Madhupriya Mistry
  • Published: Sunday, 12 March 2023
  • Updated: 12 March 2023, 03:59 PM IST

ଆଖି ବୁଜିଲେ ବଲିଉଡର ଧକ୍ ଧକ୍ ଗାର୍ଲ ତଥା ମାଧୁରୀ ଦୀକ୍ଷିତଙ୍କ ମା’ ସ୍ନେହଲତା ଦୀକ୍ଷିତ । ଆଜି ସକାଳୁ ତାଙ୍କ ଦେହାନ୍ତ ହୋଇଛି। ମୃତ୍ୟୁ ବେଳକୁ ତାଙ୍କୁ ୯୧ ବର୍ଷ ବୟସ ହୋଇଥିଲା। ମାଧୁରୀ ଏବଂ ତାଙ୍କ ସ୍ୱାମୀ ଶ୍ରୀରାମ ନେନେ ଏନେଇ ସୂଚନା ଦେଇଛନ୍ତି।

ମାଧୁରୀଙ୍କ ମା’ ସ୍ନେହଲତା ଦୀର୍ଘ ଦିନ ହେବ ଅସୁସ୍ଥ ଥିଲେ। ତେବେ ତାଙ୍କ ମୃତ୍ୟୁର ପ୍ରକୃତ କାରଣ କ’ଣ ତାହା ଜଣାପଡି ନାହିଁ। ମୁମ୍ବାଇର ୱର୍ଲିର ବୈକୁଣ୍ଠ ଧାମରେ ଅପରାହ୍ଣରେ ସ୍ନେହଲତାଙ୍କ ଅନ୍ତିମ ସଂସ୍କାର କରାଯାଇଛି। 

Also Read

ସେପଟେ ମା’ଙ୍କ ମୃତ୍ୟୁକୁ ନେଇ ମାଧୁରୀଙ୍କୁ ଶକ୍ତ ଝଟ୍‌କା ଲାଗିଛି। ତାଙ୍କ ଉପରେ ଦୁଃଖର ପାହାଡ଼ ଭାଙ୍ଗି ପଡିଛି। ମାଧୁରୀ ଦୀକ୍ଷିତ ତାଙ୍କ ମାଙ୍କ ସହ ଅତି ନିକଟତର ଥିଲେ। କ୍ୟାରିୟର ଆରମ୍ଭରେ, ମାଧୁରୀ ପ୍ରତ୍ୟେକ ମୁହୂର୍ତ୍ତରେ ତାଙ୍କ ମା’ ସହିତ ରହୁଥିଲେ। ସେ ସେହି ମୁହୂର୍ତ୍ତଗୁଡ଼ିକୁ ମନେ ପକାଇ ଏବେ ଭାବୁକ ହୋଇପଡିଛନ୍ତି।

ଗତବର୍ଷ ମାଧୁରୀ ତାଙ୍କ ମା’ଙ୍କ ୯୦ତମ ଜନ୍ମଦିନ ପାଳନ କରିଥିଲେ। ଏହି ଅବସରରେ ଅଭିନେତ୍ରୀ ତାଙ୍କ ମା’ଙ୍କ ଏକ ଫଟୋ ଶେଆର କରି ହୃଦୟସ୍ପର୍ଶୀ କ୍ୟାପସନ ମଧ୍ୟ ଲେଖିଥିଲେ। ସେ କ୍ୟାପସନ୍‌ରେ, ‘ହାପି ବାର୍ଥ ଡେ’ ମା’। କୁହାଯାଏ  ଝିଅର ଘନିଷ୍ଠ ବନ୍ଧୁ ହେଉଛି ତା’ ମା’, ଏହା ପୂରାପୁରି ସତ  ଆପଣ ଯାହା ବି ମୋ ପାଇଁ କରିଛନ୍ତି, ଆପଣ ଯାହା ବି ମୋତେ ଶିଖାଇଛନ୍ତି, ତାହା ମୋ ପାଇଁ ସବୁଠୁ ବଡ଼ ଉପହାର।’ 

 

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos