ମଦ ନିଶାରେ ମାତାଲ ଅଭିନେତା। ବିମାନ ବନ୍ଦରରେ କଲେ ଜୋରଦାର ହଙ୍ଗାମା। କେବଳ ସେତିକି ନୁହେଁ ବିମାନ କର୍ମଚାରୀଙ୍କ ସହ ମଧ୍ୟ କଲେ ଦୁର୍ବ୍ୟବହାର। ଫଳରେ ଉଠାଇ ନେଲେ ପୁଲିସ। ଏଭଳି କିଛି ଦୃଶ୍ୟ ଦେଖିବାକୁ ମିଳିଛି ହାଇଦ୍ରାବାଦ ରାଜୀବ ଗାନ୍ଧୀ ଅନ୍ତର୍ଜାତୀୟ ବିମାନ ବନ୍ଦରରେ।
ମଲୟାଲମ ଫିଲ୍ମର ଅଭିନେତା ବିନାୟକନ। ସାଉଥସୁପର୍ ଷ୍ଟାର୍ ରଜନୀକାନ୍ତ ବ୍ଲକବଷ୍ଟର୍ ଫିଲ୍ମ 'ଜେଲ୍ର'ରେ ଦମ୍ଦାର ଅଭିନୟ କରି ସେ ବେଶ୍ ଚର୍ଚ୍ଚା ସାଉଁଟି ଥିଲେ। ଖଳନାୟକ ଭୂମିକାରେ ଅଭିନୟ କରି ଦର୍ଶକଙ୍କ ହୃଦୟ ଜିତି ନେଇଥିଲେ ବିନାୟକନ। ପରଦାରେ ଅଭିନୟ କରି ସମସ୍ତଙ୍କ ପ୍ରଶଂସା ସାଉଟିଥିବା ଏହି ଅଭିନେତା ଏବେ କିନ୍ତୁ ଅସଲ ଜୀବନରେ ଅଡୁଆରେ ଫଶିଛନ୍ତି। ମଦ ନିଶାରେ ମାତାଲ ହୋଇ ସାର୍ବସାଧାରଣରେ କରିଛନ୍ତି ହଙ୍ଗାମା।
Also Read
ବିନାୟକନ କୋଚ୍ଚିରୁ ହାଇଦ୍ରାବାଦ ପହଞ୍ଚିବା ପରେ ଗୋଆ ଯାଉଥିଲେ। ତେବେ ହାଇଦ୍ରାବାଦ ବିମାନବନ୍ଦରରେ ପହଞ୍ଚିବା ପରେ ସେ ଇଣ୍ଡିଗୋ କର୍ମଚାରୀଙ୍କ ସହ ଦୁର୍ବ୍ୟବହାର କରିଥିଲେ। ତାଙ୍କର ଏକ ଭିଡିଓ ମଧ୍ୟ ସାମ୍ନାକୁ ଆସିଛି ଯେଉଁଥିରେ ସେ ବିମାନବନ୍ଦର ଚଟାଣ ଉପରେ ଶାର୍ଟ ଖୋଲି ବସିଛନ୍ତି। ଆଉ କର୍ମଚାରୀଙ୍କ ଉପରେ ପାଟିତୁଣ୍ଡ କରୁଥିବା ଦେଖିବାକୁ ମିଳିଛି।
Reel life Villain #Vinayakan was detained by Police at RGIA #Airport in #Hyderabad for misbehaving with gate staff in a drunken state.
— Surya Reddy (@jsuryareddy) September 7, 2024
The 'Jailer' fame Malayalam actor Vinayakan was detained by the #RGIA Police on Saturday for allegedly misbehaving with the airport officials… pic.twitter.com/ODl1TAhiTb
ଏହି ଘଟଣା ପରେ ବିମାନବନ୍ଦରରେ ଉପସ୍ଥିତ ଥିବା ସିଆଇଏସ୍ଏଫ୍ ସୁରକ୍ଷା ଦଳ ବିନାୟକନଙ୍କୁ ଉଠାଇ ନେଇଥିଲେ। ଏହାପରେ ସ୍ଥାନୀୟ ବିମାନବନ୍ଦର ପୁଲିସକୁ ତାଙ୍କୁ ଗିରଫ କରିଛି। ତାଙ୍କ ବିରୋଧରେ ପୁଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ଗିରଫ ବେଳେ ସେ ମଦ ନିଶାରେ ଥିବା ପୁଲିସ ସ୍ପଷ୍ଟ କରିଛି।
ଏହା ପ୍ରଥମ ଥର ନୁହେଁ ପୂର୍ବରୁ ମଧ୍ୟ ବିନାୟକନ ଜେଲ୍ ଯାଇ ସାରିଛନ୍ତି। ଅକ୍ଟୋବର ୨୦୨୩ରେ, କେରଳର ଏର୍ନାକୁଲମରେ ଥିବା ଏକ ପୁଲିସ ଷ୍ଟେସନରେ ହଙ୍ଗାମା କରିଥିବା ଅଭିଯୋଗରେ ତାଙ୍କୁ ଗିରଫ କରାଯାଇଥିଲା। ସେହି ସମୟରେ ସେ ନିଜ ଆପାର୍ଟମେଣ୍ଟରେ ରହୁଥିବା ଅନ୍ୟ ଲୋକଙ୍କୁ ହଇରାଣ କରୁଥିବା ଅଭିଯୋଗ ହୋଇଥିଲା। ପରେ ଜାମିନରେ ସେ ବାହାରକୁ ଆସିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
