ସୁଶାନ୍ତ ସିଂଙ୍କ ଚାକରଙ୍କୁ ପୁଣି ପଚରାଉଚରା କରିବ ଏନ୍‌ସିବି

ମୁମ୍ବାଇ: ବଲିଉଡର ଦିବଙ୍ଗତ ଅଭିନେତା ସୁଶାନ୍ତ ସିଂ ରାଜପୁତ । ଅଉ କିଛି ଦିନ ପରେ ତାଙ୍କ ମୃତ୍ୟୁକୁ ବର୍ଷେ ପୂରିବ । ଏଯାଏଁ ତାଙ୍କ ମୃତ୍ୟୁ ରହସ୍ୟ ଉପରୁ ପରଦା ହଟିନାହିଁ । ତେବେ ତାଙ୍କ ମୃତ୍ୟୁ ସହ ଜଡିତ ଡ୍ରଗ୍ସ ଲିଙ୍କକୁ ନେଇ ଗୋଟିଏ ପରେ ଗୋଟିଏ ଖୁଲାସା ହେଉଛି । ଏହି ମାମଲାରେ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଅନେକ ଲୋକଙ୍କୁ ପଚରା ଉଚରା କରିସାରିଛି । ଏବେ ପୁଣିଥରେ ସୁଶାନ୍ତଙ୍କ ଦୁଇ ଘରୋଇ ସହାୟତାଙ୍କୁ ଏନ୍‌ସିବି ପଚରା ଉଚରା କରିବ ।

ନିକଟରେ ସୁଶାନ୍ତଙ୍କ ବନ୍ଧୁ ସିଦ୍ଧାର୍ଥ ପିଠାନିଙ୍କ ଗିରଫ ପରେ ଏନ୍‌ସିବି ଅଭିନେତା ସୁଶାନ୍ତ ସିଂ ଚାକର ନିରଜ ଏବଂ କେଶବଙ୍କୁ ପୁଣି ଥରେ ପଚରାଉଚରା କରିବ । ଏଥିପାଇଁ ଏହି ଦୁଇ ଜଣଙ୍କୁ ଗତକାଲି ସମନ କରିଛି। ସୂଚନାମୁତାବକ ଦୁହେଁ ଏନ୍‌ସିବି ପଚରା ଉଚରାରୁ ବର୍ତ୍ତିବା ପାଇଁ ୮ ମାସ ଧରି ମୁମ୍ବାଇ ବାହାରେଥିଲେ । ପରେ ଅଗଷ୍ଟ ମାସରେ ଏ ଦୁହେଁ ମୁମ୍ବାଇ ଫେରିଥିଲେ ।

ନୀରଜ ଏବଂ କେଶବଙ୍କୁ ପୂର୍ବରୁ ମଧ୍ୟ ସିବିଆଇ ଓ ଏନ୍‌ସିବି ଟିମ୍ ପଚରାଉଚରା କରିସାରିଛି । ଏବେ ପୁଣି ଥରେ ଏନ୍‌ସିବିର ଟିମ୍ ଡ୍ରଗ୍ସ ମାମଲା ସହ ଜଡିତ କଥା ଜାଣିବା ଲାଗି ପଚରାଉଚରା କରିବାକୁ ଡକାଇଛି ।
ଗତବର୍ଷ ନୀରଜ ମିଡିଆ ଆଗରେ ଏହି ମାମଲା ସହ ଜଡିତ ଅନେକ ତଥ୍ୟର ଖୁଲାସା କରିଥିଲେ ।

ସେପଟେ ଏନ୍ସବି ଏହି ସମୟରେ ରିୟା ଚକ୍ରବର୍ତ୍ତୀ, ତାଙ୍କ ଭାଇ ଶୌଭିକ୍ ଚକ୍ରବର୍ତ୍ତୀ ଏବଂ ସାମୁଏଲ୍ ମିରାଣ୍ଡାଙ୍କ ସମେତ ଅନେକ ଲୋକଙ୍କୁ ନେଇ ପଚରାଯାଇଥିଲା ଏବଂ ଅନେକ ତଥ୍ୟ ପଦାକୁ ଆସିଥିଲା।