ବଲିଉଡକୁ ବଦ୍‌ନାମ କରିବାକୁ ଉଦ୍ୟମ, ଟ୍ରୋଲ ହେଲେ ପାକ୍‌ ଅଭିନେତା

ନିଜ ଦେଶରେ ସେ ନିଜେ ଟ୍ରୋଲର ଶିକାର ହୋଇଛନ୍ତି।

Mikaal Zulfiqar with Akshay Kumar

ପାକିସ୍ତାନୀ ଅଭିନେତା ମିକାଲ ଜୁଲଫିକର ଓ ବଲିଉଡ ଅଭିନେତା ଅକ୍ଷୟ କୁମାର

Madhupriya Mistry
  • Published: Thursday, 12 October 2023
  • Updated: 12 October 2023, 05:35 PM IST

Sports

Latest News

ପୁଣି ବଲିଉଡକୁ ବଦ୍‌ନାମ କରିବାକୁ ଉଦ୍ୟମ। ପଡ଼ୋଶୀ ଦେଶ ପାକିସ୍ତାନର ଜଣେ ଅଭିନେତା ବଲିଉଡକୁ ବଦ୍‌ନାମ କରିବାକୁ ଚେଷ୍ଟା କରିଛନ୍ତି। ହେଲେ ତାଙ୍କର ଏହି ଉଦ୍ୟମ ବିଫଳ ହୋଇଛି। ନିଜ ଦେଶରେ ସେ ନିଜେ ଟ୍ରୋଲର ଶିକାର ହୋଇଛନ୍ତି।

ବଲିଉଡ ଫିଲ୍ମ 'ବେବି'ରେ ପାକିସ୍ତାନ ଅଭିନେତା ମିକାଲ ଜୁଲଫିକର୍‌ ଅଭିନୟ କରିଥିଲେ। ଏଥିରେ ଅଶଫାକ କାଜି ଭୂମିକାରେ ସେ ନଜର ଆସିଥିଲେ। ଖିଲାଡି ଷ୍ଟାର୍‌ ଅକ୍ଷୟ କୁମାରଙ୍କ ସହ ମିଶି ସେ କାମ କରିଥିଲେ। ଏବେ ଏହି ପାକିସ୍ତାନୀ ଅଭିନେତା ଜଣକ ବଲିଉଡକୁ ବଦନାମ କରିବାକୁ ଚେଷ୍ଟା କରିଛନ୍ତି।

Also Read

ନିକଟରେ ଏକ ସାକ୍ଷତକାର୍‌ରେ ସେ କହିଛନ୍ତି, 'ଭାରତ ସର୍ବଦା ପାକିସ୍ତାନୀ ଅଭିନେତାଙ୍କ ଫାଇଦା ଉଠାଉଛି। ସେମାନେ ପାକିସ୍ତାନୀ କଳାକାରଙ୍କୁ ଭଲ ଭୂମିକା ଦିଅନ୍ତି ନାହିଁ। ସେମାନେ ଆମମାନଙ୍କୁ ଲିଡ୍‌ ରୋଲରେ ନିଅନ୍ତି ନାହିଁ। ସପୋର୍ଟିଂ ଅଭିନୟ କରିବାକୁ କୁହନ୍ତି। ବେଳେ ବେଳେ ଏଭଳି ଭୂମିକାରେ କାମ କରିବାକୁ କୁହନ୍ତି, ଯାହାକୁ ଦେଖି ଆମ ଲୋକେ ଆମର ପରିହସ କରନ୍ତି। ଆମେ ଯେଉଁଭଳି ଅଭିନୟ କରିବାକୁ ସକ୍ଷମ ସେହି ଭଳି ଭୂମିକା ଆମକୁ ବଲିଉଡ ଦେଉନାହିଁ।'

ପାକିସ୍ତାନୀ ଅଭିନେତା ମିକାଲଙ୍କ ଏହି ଭିଡିଓ ଏବେ ସୋଶାଲ ମିଡିଆରେ ଟ୍ରୋଲର ଶିକାର ହୋଇଛି। ଏପରିକି ନିଜ ଦେଶରେ ସେ ନିଜେ ଟ୍ରୋଲ ହୋଇଛନ୍ତି। ତାଙ୍କର ଏହି ଭିଡିଓରେ ପାକିସ୍ତାନର କିଛି ୟୁଜର୍ସ କମେଣ୍ଟ କରି କହିଛନ୍ତି, 'ଆମ ସେଲେବ୍ରିଟିମାନେ ଭାରତୀୟଙ୍କ ବଡ ଫ୍ୟାନ୍‌ କାହିଁକି? ଆମ କଳାକାରମାନଙ୍କୁ କେବଳ ଆଟେନ୍‌ସନ୍‌ ଦରକାର। ସପୋର୍ଟିଂ ରୋଲ କରିବା ପାଇଁ ଆମ ଅଭିନେତାମାନେ କାହିଁକି ଭାରତ ଯାଉଛନ୍ତି? ତାଙ୍କୁ କେହି ବାଧ୍ୟ କରୁନାହାନ୍ତି।' ସେହିପରି ଜଣେ ଭାରତୀୟ ୟୁଜର୍ସ କହିଛନ୍ତି, ଭାରତ ଆସି କାମ କରିବା ବନ୍ଦ କରି ଦୁଅନ୍ତୁ। ଏଠି ଆସି କାମ କରିବ ଆଉ ବଦ୍‌ନାମ ମଧ୍ୟ କରିବ।

ଉଲ୍ଲେଖଯୋଗ୍ୟ, ଅନେକ ବଲିଉଡ ଫିଲ୍ମରେ ପାକିସ୍ତାନୀ ଅଭିନେତା ଓ ଅଭିନେତ୍ରୀମାନେ ଲିଡ୍‌ ରୋଲେର କାମ କରିଛନ୍ତି। ୨୦୧୭ରେ ଫିଲ୍ମ 'ରଇସ୍‌'ରେ ପାକିସ୍ତାନୀ ଅଭିନେତ୍ରୀ ମାହିରା ଖାନ୍‌ ଅଭିନେତା ଶାହରୁଖ ଖାନ୍‌ଙ୍କ ଅପୋଜିଟ୍‌ରେ ନଜର ଆସିଥିଲେ। ସେହିପରି ଫଓ୍ୱାଦ ଖାନ୍ 'ଖୁବସୁରତ' ଓ 'କପୁର ଆଣ୍ଡ ସନ୍‌ସ୍‌' ଫିଲ୍ମରେ ଲିଡ୍‌ ରୋଲେର ଥିଲେ। ଅଲ୍ଲି ଜାଫର ମଧ୍ୟ ଅନେକ ହିନ୍ଦୀ ଫିଲ୍ମର ଲିଡ୍‌ ରୋଲରେ ଅଭିନୟ କରିଛନ୍ତି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos