ୟଶ ଚୋପ୍ରାଙ୍କ ପତ୍ନୀ ପାମେଲାଙ୍କ ପରଲୋକ

ମୃତ୍ୟୁ ବେଳକୁ ପାମେଲାଙ୍କୁ ୭୪ ବର୍ଷ ହୋଇଥିଲା।

Late Yash Chopra and Palela chopra PhotoIndia Today

ସ୍ୱର୍ଗତଃ ୟଶ ଚୋପ୍ରା ଓ ପାମେଲା ଚୋପ୍ରା

Jitendra Garnayak
  • Published: Thursday, 20 April 2023
  • Updated: 20 April 2023, 01:52 PM IST

Sports

Latest News

ବିଶିଷ୍ଟ ଫିଲ୍ମ ପ୍ରଯୋଜକ ତଥା ନିର୍ଦ୍ଦେଶକ ସ୍ୱର୍ଗତଃ ୟଶ ଚୋପ୍ରାଙ୍କ ପତ୍ନୀ ପାମେଲା ଚୋପ୍ରାଙ୍କର ଆଜି ସକାଳେ ପରଲୋକ ହୋଇଯାଇଛି। ମୃତ୍ୟୁ ବେଳକୁ ତାଙ୍କୁ ୭୪ ବର୍ଷ ହୋଇଥିଲା। ପାମେଲ ଜଣେ ପ୍ରଚ୍ଛଦପଟ୍ଟ ଗାୟିକା ଥିଲେ। ତା’ସହିତ ସେ ଜଣେ ଫିଲ୍ମ ରାଇଟର ଓ ପ୍ରଯୋଜକ ଥିଲେ।

ପାମେଲଙ୍କ ସ୍ୱାସ୍ଥ୍ୟାବସ୍ଥା ଭଲ ନଥିଲା। ଗତ ୧୫ ଦିନ ଧରି ସେ ମୁମ୍ବାଇର ଏକ ଘରୋଇ ଡାକ୍ତରଖାନାରେ ଭର୍ତ୍ତି ହୋଇଥିଲେ। ତାଙ୍କୁ ଭେଣ୍ଟିଲେଟରରେ ରଖାଯାଇଥିଲା। ତଥାପି ତାଙ୍କ ଅବସ୍ଥାରେ ସୁଧାର ଆସି ନଥିଲା ଓ ଆଜି ସେ ଶେଷ ନିଃଶ୍ୱାସ ତ୍ୟାଗ କରିଥିଲେ। ଆଜି ଦିନ ପ୍ରାୟ ୧୧ଟା ବେଳେ ମୁମ୍ବାଇରେ ତାଙ୍କ ଶେଷକୃତ୍ୟ ମଧ୍ୟ ସଂପନ୍ନ ହୋଇଛି।

Also Read

୧୯୭୦ ମସିହାରେ ୟଶ ଚୋପ୍ରାଙ୍କୁ ବିବାହ କରିଥିଲେ ପାମେଲା। ୟଶ ଓ ପାମେଲଙ୍କର ଦୁଇ ଜଣ ପୁଅ ଅଛନ୍ତି। ସେମାନେ ହେଉଛନ୍ତି ଆଦିତ୍ୟ ଚୋପ୍ରା ଓ ଉଦୟ ଚୋପ୍ରା। ଆଦିତ୍ୟ ଜଣେ ଫିଲ୍ମ ପ୍ରଯୋଜକ ଓ ନିର୍ଦ୍ଦେଶକ। ସେହିପରି ଉଦୟ ଜଣେ ଅଭିନେତା ଓ ଫିଲ୍ମ ପ୍ରଯୋଜକ।

ପାମେଲା ଚୋପ୍ରା ଅନେକ ଫିଲ୍ମରେ ଗୀତ ଗାଇ ଥିଲେ। ସେଥିରୁ ଅଧିକାଂଶ ଫିଲ୍ମ ତାଙ୍କ ସ୍ୱାମୀ ୟଶ ଚୋପ୍ରାଙ୍କର ଥିଲା। ୧୯୯୩ ମସିହାରେ ରିଲିଜ ହୋଇଥିବା ଫିଲ୍ମ ‘ଆଇନା’ର ସେ ପ୍ରଯୋଜକ ଥିଲେ। ୧୯୯୭ରେ ରିଲିଜ୍ ହୋଇଥିବା ଫିଲ୍ମ ‘ଦିଲ୍ ତୋ ପାଗଲ ହୈ’ର ସ୍କ୍ରିପ୍ଟ ପାମେଲା ତାଙ୍କ ସ୍ୱାମୀ ୟଶ, ପୁଅ ଆଦିତ୍ୟ ଓ ଲେଖକ ତନୁଜା ଚନ୍ଦ୍ରାଙ୍କ ସହିତ ମିଶି ଲେଖିଥିଲେ।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos