ଇର୍ଷା କରୁଛନ୍ତି ଆର୍ଜିବି। ଆର୍ଆର୍ଆର୍ ନିର୍ଦ୍ଦେଶକ ରାଜାମୌଲୀଙ୍କ ସହି ପାରୁନାହାନ୍ତି ସଫଳତା। ଏଥିପାଇଁ ଏସ୍ଏସ୍ ରାଜାମୌଲୀଙ୍କୁ ଖୋଲାଖୋଲି ଭାବେ ଜୀବନରେ ମାରିବାକୁ ଧମକ ଦେଇଛନ୍ତି ନିର୍ଦ୍ଦେଶକ ରାମ ଗୋପାଲ ବର୍ମା। ତେବେ ସେ ରାଜାମୌଲୀଙ୍କୁ ଏହି ଧମକ ସତସତିକା ନୁହେଁ ମଜାଳିଆ ଢ଼ଙ୍ଗରେ ଦେଇଛନ୍ତି।
ଫିଲ୍ମ ଆର୍ଆର୍ଆର୍କୁ ନେଇ ଭାରତ ସମେତ ପୂରା ବିଶ୍ୱରେ କ୍ରେଜ ଜାରି ରହିଛି। ନିକଟରେ ଗ୍ଲୋବାଲ ଫ୍ଲାଟଫର୍ମରେ ଭାରତର ନାଁ ଉଚ୍ଚା କରିଛି ଏହି ଫିଲ୍ମ। ଗୋଲ୍ଡେନ ଗ୍ଲୋବ୍ସ ଆଓ୍ୱାର୍ଡ ଜିତିବା ପରେ ଫିଲ୍ମଟି ବେଷ୍ଟ ଫରେନ୍ ଲାଙ୍ଗୁଏଜ୍ ପାଇଁ କ୍ରିଟିକ୍ସ ଚଏସ୍ ଆଓ୍ୱର୍ଡ ମଧ୍ୟ ନିଜ ନାଁରେ କରିଛି। ତେବେ ରାଜାମୌଲୀଙ୍କ ଏହି ସଫଳତାକୁ ସହି ପାରିନାହାନ୍ତି ରାମ ଗୋପାଲ। ସେ ଟ୍ୱିଟ୍ ଜରିଆରେ ଏକ ଖୁଲାସା କରିବା ସହ ରାଜାମୌଲୀଙ୍କୁ ମଜାଳିଆ ଢ଼ଙ୍ଗରେ ଧମକ ଦେଇଛନ୍ତି।
And sir @ssrajamouli , please increase ur security because there is a bunch of film makers in india who out of pure jealousy formed an assassination squad to kill you , of which I am also a part ..Am just spilling out the secret because I am 4 drinks down
— Ram Gopal Varma (@RGVzoomin) January 23, 2023
ରାମ ଗୋପାଲ ଲେଖିଛନ୍ତି, 'ସାର୍ ରାଜାମୌଲୀ, ଦୟାକରୀ ନିଜ ସୁରକ୍ଷା ବଢ଼ାଇ ଦିଅନ୍ତୁ। କାରଣ ଭାରତୀୟ ଫିଲ୍ମ ନିର୍ମାତାଙ୍କ ଏକ ଗୋଷ୍ଠୀ ଇର୍ଷାଳୁ ହୋଇ ଆପଣଙ୍କୁ ମାରିବା ପାଇଁ ଯୋଜନା କରୁଛି। ଆଉ ଏଥିରେ ମୁଁ ବି ସାମିଲ ଅଛି। ମୁ କେବଳ ଏହି ରହସ୍ୟ ଖୋଲୁଛି କାରଣ ୪ ପେଗ୍ ମଦ ପିଇ ମୁଁ ବସିଛି।'
Hey @ssrajamouli U basically SURPASSED every film maker from #KaAsif who made #MughaleAzam till #RameshSippy who made #Sholay and also the likes of Aditya Chopras, Karan Johars and the bhansalis of India and I want to suck ur little toe for that https://t.co/KCgN0u2eJa
— Ram Gopal Varma (@RGVzoomin) January 23, 2023
ଏଥିସହ ରାମ ଗୋପାଲ ବର୍ମା ନିଜ ଟ୍ୱିଟର ହ୍ୟାଣ୍ଡେଲେର ୨୮ତମ କ୍ରିଟିକ୍ସ ଚଏସ୍ ଆଓ୍ୱାର୍ଡ ବେଳେ ଜେମ୍ସ କ୍ୟାମରନ୍ଙ୍କ ସହ ରାଜାମୌଲୀ ଆଲୋଚନା କରୁଥିବାର ଭିଡିଓକୁ ମଧ୍ୟ ଶେଆର କରିଛନ୍ତି। ଏହାର କ୍ୟାପସନ୍ରେ ସେ ଲେଖିଛନ୍ତି, 'ଦାଦାସାହେବ ଫାଲକେ ଠାରୁ ବର୍ତ୍ତମାନ ପର୍ଯ୍ୟନ୍ତ ଭାରତୀୟ ସିନେମା ଇତିହାସରେ ରାଜାମୌଲୀଙ୍କୁ କେହି କଳ୍ପନା କରିପାରିନଥିଲେ ଯେ ଦିନେ ଜଣେ ଭାରତୀୟ ନିର୍ଦ୍ଦେଶକ ଏହି ମୁହୂର୍ତ୍ତ ଦେଇ ଯିବେ। ଏ ଆସିଫ୍ ଯିଏ ମୁଗଲେ-ଆଜାମ ଫିଲ୍ମ ତିଆରି କରିଥିଲେ, ରମେଶ ସିପି, ଆଦିତ୍ୟ ଚୋପ୍ରା, କରଣ ଜୋହର ଏବଂ ଭଂଶାଲିଙ୍କୁ ମଧ୍ୟ ଏସ୍ଏସ୍ ରାଜାମୌଲୀ ପଛରେ ପକାଇ ଦେଇଛନ୍ତି। ଏଥିପାଇଁ ମୁଁ ଗର୍ବିତ।'