ମୁମ୍ବାଇ: ମହାମାରୀ କରୋନାକୁ ମାତ୍ ଦେଲେ ବଲିଉଡର ମସ୍ତାନୀ ଗାର୍ଲ ଦୀପିକା ପାଦୁକୋନ । ସୁସ୍ଥ ହୋଇ ଫେରିଲେ ମାୟାନଗରୀ । ପାୱାର କପଲ ରଣବୀର ଓ ଦୀପିକାଙ୍କୁ ରବିବାର ମୁମ୍ବାଇ ଏୟାରପୋର୍ଟରେ ଦେଖିବାକୁ ମିଳିଛି । ଦୁହେଁ ହାତରେ ହାତ ଧରି ବିମାନ ବନ୍ଦରରେ ନଜର ଆସିଛନ୍ତି । ଦୁହିଁଙ୍କ ଏୟାରପୋର୍ଟ ଲୁକ୍ ଏବେ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି ।
[caption id="attachment_645476" align="aligncenter" width="650"]
ମୁମ୍ବାଇ ଏୟାରପୋର୍ଟରେ ରଣବୀର-ଦୀପିକା[/caption]
ସୂଚନା ମୁତାବକ ମୁମ୍ବାଇରେ କର୍ଫ୍ୟୁ ଲାଗୁ ହେବା ପରେ ଏପ୍ରିଲ ମାସରେ ରଣବୀର-ଦୀପିକା ବାଙ୍ଗାଲୁରୁ ଯାଇଥିଲେ । ସେଠାରେ ସେ ତାଙ୍କ ପରିବାର ସହ କ୍ୱାଲିଟି ଟାଇମ ସ୍ପେଣ୍ଡ କରୁଥିଲେ । ତେବେ ଗତ କିଛିଦିନ ତଳେ ଦୀପିକାଙ୍କ ବାପା କରୋନାରେ ସଂକ୍ରମିତ ହୋଇଥିବା ଖବର ସାମ୍ନାକୁ ଆସିଥିଲା । ତାଙ୍କୁ ହସ୍ପିଟାଲରେ ମଧ୍ୟ ଭର୍ତ୍ତି କରାଯାଇଥିଲା । ଏହା ପରେ ପରେ ମେ’ ମାସ ଆରମ୍ଭରେ ଦୀପକା ମଧ୍ୟ କରୋନାରେ ସଂକ୍ରମିତ ହୋଇଥିଲେ । ଦୀପିକା କରୋନା ପଜିଟିଭ୍ ହେବା ପରେ ହୋମ୍ ଆଇସୋଲେସନରେ ଥିଲେ । ହେଲେ ଏବେ ସେ ସୁସ୍ଥ ହୋଇ ମୁମ୍ବାଇ ଫେରିଛନ୍ତି । ସେପଟେ ତାଙ୍କ ବାପା ମଧ୍ୟ ସୁସ୍ଥ ହୋଇ ସାରିଥିବା ସୂଚନା ମିଳିଛି ।
ମିଡିଆ ରିପୋର୍ଟ ମୁତାବକ, ଦୀପିକା-ରଣବୀର ଖୁବ ଶୀଘ୍ର କବିର ଖାନ୍ଙ୍କ ନିର୍ଦ୍ଦେଶିତ ଫିଲ୍ମ ‘୮୩’ରେ ନଜର ଆସିବେ । ଏହାବ୍ୟତୀତ ଦୀପିକାଙ୍କ ପାଖରେ ଆହୁରି ଅନେକ ନୂଆ ପ୍ରଜୋକ୍ଟ ମଧ୍ୟ ରହିଛି । ଫାଇଟର୍, ଦ ଇଣ୍ଟର୍ଣ୍ଣ ଓ ସକୁନ ବତ୍ରାଙ୍କ ଅନ୍ଟାଇଟେଲ୍ଡ ଫିଲ୍ମ ତାଙ୍କ ହାତରେ ଅଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
