ବଲିଉଡ୍ ଅଭିନେତ୍ରୀ ଶିଳ୍ପା ସେଟ୍ଟୀଙ୍କ ଘରେ କଳାକନା ବୁଲାଇ ଦେଲେ ଚୋର। ଚୋରମାନେ ଶିଳ୍ପାଙ୍କ ମୁମ୍ବାଇର ଜୁହୁ ସ୍ଥିତ ଘରୁ କିଛି ମୂଲ୍ୟମାନ ସାମଗ୍ରୀ ଚୋରି କରି ନେଇ ଯାଇଥିବା ବେଳେ ପୁଲିସ ସେମାନଙ୍କୁ ଗିରଫ କରିଛି।
ଏହି ଦୁଇ ଅଭିଯୁକ୍ତ ହେଲେ ଅର୍ଜୁନ ଦେବେନ୍ଦ୍ର (୨୬) ଓ ରମେଶ ଦେବେନ୍ଦ୍ର (୨୨)। ଉଭୟଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି।
Also Read
ରିପୋର୍ଟ ଅନୁସାରେ, ଜୁନ୍ ୧୫ ତାରିଖରେ ମୁମ୍ବାଇର ଜୁହୁ ସ୍ଥିତ ଘରୁ ଚୋରି ହୋଇଥିଲା। ଗିରଫ ଦୁଇ ଅଭିଯୁକ୍ତ ୨୫ ଫୁଟର କାନ୍ଥ ଉପରେ ଚଢ଼ି ଘର ଭିତରେ ପ୍ରବେଶ କରିଥିଲେ। ଶିଳ୍ପାଙ୍କ ବେଡରୁମ୍, ଡାଇନିଂ ହଲ୍ ଓ ତାଙ୍କୁ ଝିଅଙ୍କ ରମ୍ରୁ କିଛି ମୂଲ୍ୟମାନ ସାମଗ୍ରୀ ନେଇ ଚମ୍ପଟ ମାରିଥିଲେ।
ଶିଳ୍ପା ବେଡରୁମ୍ ଥିବା ଆଲମାରୀ ଖୋଲା ପଡ଼ିଥିବା ବେଳେ ଡାଇନିଂ ହଲ୍ ଓ ତାଙ୍କୁ ଝିଅଙ୍କ ରମ୍ରେ ଜିନିଷ ପତ୍ର ଗୁଡ଼ିକ ଖୋଲାମେଲା ହୋଇ ପଡ଼ିଥିବା ହାଉସ କିପିଂ ମ୍ୟାନେଜର ଶେଖର ଚୌଧୁରୀ ଦେଖିଥିଲେ। ଏନେଇ ସେ ଶିଳ୍ପାଙ୍କୁ ଜଣାଇବା ସହ ଜୁହୁ ଥାନାରେ ଅଭିଯୋଗ କରିଥିଲେ।
ମେ’ ୨୪ ତାରିଖରୁ ଶିଳ୍ପା ସେଟ୍ଟୀ ମୁମ୍ବାଇରେ ନାହାନ୍ତି। ବର୍ତ୍ତମାନ ସେ ନିଜ ପରିବାର ସହ ବିଦେଶରେ ଛୁଟି କାଟୁଛନ୍ତି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
