‘ନମ୍ବର-୧ ହେବା ସ୍ୱପ୍ନ ଦେଖିବା କୌଣସି ବିପଦଠୁ କମ୍ ନୁହେଁ’

ମୁମ୍ବାଇ: ‘ରାସ୍ତାରେ ଚାଲିବା ଗୋଟିଏ କଥା ଏବଂ ରାସ୍ତା ତିଆରି କରିବା ଆଉ ଏକ କଥା। ତେଣୁ ନିଜ ପାଇଁ ରାସ୍ତା ତିଆରି କରିବା କଥା ଚିନ୍ତା କରିବା ଉଚିତ। ନମ୍ବର ୱାନର ସ୍ୱପ୍ନ ଦେଖିବା ବିପଦଠୁ କମ୍ ନୁହେଁ।’ କିଛି ଏଭଳି ଦମଦାର ଡାଏଲଗ ସହ ରିଲିଜ ହୋଇଛି ବହୁ ପ୍ରତିକ୍ଷିତ ବାୟୋପିକ ଫିଲ୍ମ ‘ସାଇନା’ର ଟ୍ରେଲର। ମହିଳା ଦିବସର ଅବସରରେ ରିଲିଜ ହୋଇଥିବା ଏହି ଟ୍ରେଲର ଏବେ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି। […]

parineeti-chopra

parineeti-chopra

Madhupriya Mistry
  • Published: Tuesday, 09 March 2021
  • Updated: 09 March 2021, 08:45 AM IST

Sports

Latest News

ମୁମ୍ବାଇ: ‘ରାସ୍ତାରେ ଚାଲିବା ଗୋଟିଏ କଥା ଏବଂ ରାସ୍ତା ତିଆରି କରିବା ଆଉ ଏକ କଥା। ତେଣୁ ନିଜ ପାଇଁ ରାସ୍ତା ତିଆରି କରିବା କଥା ଚିନ୍ତା କରିବା ଉଚିତ। ନମ୍ବର ୱାନର ସ୍ୱପ୍ନ ଦେଖିବା ବିପଦଠୁ କମ୍ ନୁହେଁ।’ କିଛି ଏଭଳି ଦମଦାର ଡାଏଲଗ ସହ ରିଲିଜ ହୋଇଛି ବହୁ ପ୍ରତିକ୍ଷିତ ବାୟୋପିକ ଫିଲ୍ମ ‘ସାଇନା’ର ଟ୍ରେଲର। ମହିଳା ଦିବସର ଅବସରରେ ରିଲିଜ ହୋଇଥିବା ଏହି ଟ୍ରେଲର ଏବେ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି। ଏଥିସହ ଏହି ଟ୍ରେଲରକୁ ନେଇ ଦର୍ଶକଙ୍କ ଅନେକ ରିଆକସନ ମଧ୍ୟ ଆସିବାରେ ଲାଗିଛି।

ଟ୍ରେଲରରେ ବଲିଉଡ ଅଭିନେତ୍ରୀଙ୍କ ଦମଦାର ଆକ୍ଟିଂ ଦେଖିବାକୁ ମିଳିଛି, ଯାହାକୁ ଲୋକେ ପ୍ରଶଂସା କରିଛନ୍ତି। ଏଥିରେ ସେ ପୁରାପୁରି ଭାରତୀୟ ଷ୍ଟାର ମହିଳା ବ୍ୟାଡମିଣ୍ଟନ ଖେଳାଳି ସାଇନା ନେହୱାଲଙ୍କ ଭଳି ଦେଖାଯାଉଛନ୍ତି। କିଭଳି ସାଇନାଙ୍କ ମା’ ତାଙ୍କୁ ଖେଳ ମଇଦାନକୁ ଓହ୍ଲାଇବା ପାଇଁ ସାଇନାଙ୍କୁ ପିଲାଟି ବେଳୁ ଉତ୍ସାହିତ କରୁଛନ୍ତି, ତାହା ଟ୍ରେଲରରେ ଦେଖିବାକୁ ମିଳିଛି। ଟ୍ରେଲରରେ ସାଇନାଙ୍କ କ୍ୟାରିଅର ଠାରୁ ଆରମ୍ଭ କରି ଚାମ୍ପିଅନସିପ ଜିତିବା ଯାଏଁର ସମ୍ପୂର୍ଣ୍ଣ କାହାଣୀକୁ ସ୍ଥାନିତ କରାଯାଇଛି।

ସାଇନା ନେହୱାଲଙ୍କ ଜୀବନୀ ଉପରେ ଆଧାରିତ ଫିଲ୍ମ ‘ସାଇନା’ର ଲିଡ୍ ରୋଲରେ ପରିଣିତି ଚୋପ୍ରା ଅଛନ୍ତି। ଅମୋଲ ଗୁପ୍ତାଙ୍କ ନିର୍ଦ୍ଦେଶନାରେ ଏହି ଫିଲ୍ମର ଅନ୍ୟ ପ୍ରମୁଖ ଭୂମିକାରେ ମେଘନା ମଲିକ, ମାନବ କୌଲ ଏବଂ ପରେଶ ରାୱଲ ଅଛନ୍ତି। ଆସନ୍ତା ୨୬ ତାରିଖରେ ଫିଲ୍ମଟି ସିନେମା ଘରେ ରିଲିଜ ହେବ।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos