ଏପ୍ରିଲ ମାସରେ ବଲିଉଡ ଅଭିନେତା ସଲମାନ ଖାନ୍ଙ୍କ ଘର ବାହାରେ ଗୁଳିମାଡ ହୋଇଥିଲା। ଏହି ଘଟଣାରେ ପୂରା ବଲିଉଡ ଇଣ୍ଡଷ୍ଟ୍ରି ଓ ତାଙ୍କ ଫ୍ୟାନ୍ମାନଙ୍କୁ ଆତଙ୍କିତ କରିଦେଇଥିଲା। ଏବେ ଏହି ମାମଲାରେ ମୁମ୍ବାଇ କ୍ରାଇମ ବ୍ରାଞ୍ଚ ପୁଲିସକୁ ଆଉ ଏକ ବଡ ସଫଳତା ମିଳିଛି। ଧରାପଡିଛି ଆଉ ଜଣେ ଅଭିଯୁକ୍ତ।
ଅଭିନେତା ସଲମାନ ଖାନଙ୍କ ଘର ବାହାରେ ଗୁଳି ମାଡ କରିଥିବା ଘଟଣାରେ ମୁମ୍ବାଇ ପୁଲିସ ଲରେନ୍ସ ବିଷ୍ଣୋଇ ଗ୍ୟାଙ୍ଗର ଆଉ ଜଣେ ସଦସ୍ୟଙ୍କୁ ଗିରଫ କରିଛି। ମଙ୍ଗଳବାର ପୁଲିସ ଅଧିକାରୀମାନେ ଏହି ସୂଚନା ଦେଇଛନ୍ତି। ଗିରଫ ଅଭିଯୁକ୍ତ ଜଣକ ହେଲେ ୩୪ ବର୍ଷୀୟ ହରପାଲ ସିଂହ। ସେ ହରିୟାଣାର ଫତେହାବାଦର ବାସିନ୍ଦା। ମୁମ୍ବାଇ କ୍ରାଇମ ବ୍ରାଞ୍ଚର ଏକ ଟିମ୍ ସୋମବାର ସନ୍ଧ୍ୟାରେ ଅଭିଯୁକ୍ତଙ୍କୁ ତାଙ୍କୁ ସହରରୁ ଗିରଫ କରିଛି।
Also Read
ମଙ୍ଗଳବାର ସକାଳେ ହରପାଲ ସିଂହଙ୍କୁ ମୁମ୍ବାଇ ଅଣାଯାଇଥିଲା। ତାଙ୍କୁ ଆଜି କୋର୍ଟରେ ହାଜର କରାଯିବ। ମୁମ୍ବାଇ ପୁଲିସ ଏପର୍ଯ୍ୟନ୍ତ ଏହି ମାମଲାରେ ମୋଟ ୬ ଜଣଙ୍କୁ ଗିରଫ କରିଛି। ବିଷ୍ଣୋଇ ଗ୍ୟାଙ୍ଗର ଆଉ ଜଣେ ସଦସ୍ୟ ତଥା ମହମ୍ମଦ ରଫିକ୍ ଚୌଧୁରୀକୁ ପଚରାଉଚରା ବେଳେ ଏହି ମାମଲାରେ ହରପାଲ ସିଂହଙ୍କ ସମ୍ପୃକ୍ତି ଥିବା ନେଇ ସେ ଖୁଲାସା କରିଥିଲେ।
ପୁଲିସ ଚଳିତ ମାସ ଆରମ୍ଭରେ ରଫିକ୍ ଚୌଧୁରୀଙ୍କୁ ଗିରଫ କରିଥିଲା। ସଲମାନ ଖାନ୍ଙ୍କ ଘର ବାହାରେ ରେକି କରିବା ପାଇଁ ରଫିକ୍ ଚୌଧୁରୀଙ୍କୁ ହରପାଲ ସିଂହ ହିଁ କହିଥିଲା। ଏଥିପାଇଁ ତାକୁ ସେ ଦୁଇରୁ ତିନି ଲକ୍ଷ ଟଙ୍କା ମଧ୍ୟ ଦେଇଥିଲା ବୋଲି ପୁଲିସ ସୂଚନା ଦେଇଛି।
କହିରଖୁ ଯେ, ଏପ୍ରିଲ ୧୪ ତାରିଖ ସକାଳୁ ମୁମ୍ବାଇ ବାନ୍ଦ୍ରା ସ୍ଥିତ ସଲମାନଙ୍କ ଘରକୁ ଉପରକୁ ଟାର୍ଗେଟ୍ କରି ଗୁଳିମାଡ ହୋଇଥିଲା। ଦୁଇ ଜଣ ବାଇକ୍ରେ ଆସି ତାଙ୍କ ଘରକୁ ଉପରକୁ ୫ରାଉଣ୍ଡ ଗୁଳିମାଡ କରିଥିଲେ। ଏହାପରେ ସେମାନେ ଘଟଣାସ୍ଥଳରୁ ଫେରାର ହୋଇଯାଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
