ମୁମ୍ୱାଇ: କରୋନା ଲକଡାଉନ୍ରେ ପ୍ରବାସୀ ତଥା ଦେଶବିଦେଶରେ ଫସି ରହିଥିବା ଲୋକଙ୍କୁ ସାହାଯ୍ୟର ହାତ ବଢ଼ାଇ ସମସ୍ତଙ୍କ ପାଇଁ ସୁପରମ୍ୟାନ୍ ପାଲଟିଛନ୍ତି ବଲିଉଡ୍ ଅଭିନେତା ସୋନୁ ସୁଦ୍। ଏବେ ସୋନୁ ବିହାରରେ ଜଣେ ବ୍ୟକ୍ତିଙ୍କୁ ସାହାଯ୍ୟ କରିବା ପାଇଁ ଏକ ମଇଁଷି କିଣିଛନ୍ତି। ଯାହାର ସୂଚନା ସେ ତାଙ୍କ ଟ୍ୱିଟର ହ୍ୟାଣ୍ଡେଲରେ ଦେଇଛନ୍ତି।
ରିପୋର୍ଟ ଅନୁସାରେ, ଜଣେ ବ୍ୟକ୍ତି ସୋନୁଙ୍କ ଉଦ୍ଦେଶ୍ୟରେ ଟ୍ୱିଟ୍ କରି ଲେଖିଥିଲେ- ବିହାର ଚମ୍ପାରଣର ଭୋଳା ବନ୍ୟାରେ ତାଙ୍କ ପୁଅ ଓ ମଇଁଷିକୁ ହରାଇ ଦେଇଛନ୍ତି। ମଇଁଷିଟି ତାଙ୍କ ଆୟର ଏକମାତ୍ର ମାଧ୍ୟମ ଥିଲା। ତାଙ୍କର ସନ୍ତାନ ହରାଇବାର କ୍ଷତିକୁ କେହି ପୂରଣ କରିପାରିବେ ନାହିଁ। କିନ୍ତୁ ସୋନୁ ସୁଦ୍ ଓ ନୀତି ଗୋଏଲ୍ ତାଙ୍କୁ ମଇଁଷିଟିଏ ଦିଅନ୍ତୁ, ଯାହା ଫଳରେ ସେ କିଛି ଆୟ କରି ବଞ୍ଚିପାରିବେ ଓ ତାଙ୍କ ଅନ୍ୟ ଛୁଆମାନଙ୍କ ଲାଳନପାଳନ କରିପାରିବେ।
Bhola from Champaran lost his son in flood and his Buffalo which was his only source of income. No one can fulfill the loss of the child but @SonuSood and @NeetiGoel2 provided him Buffalo so that he can earn for his livelihood and can do good upbringing of his other children. pic.twitter.com/k5XE7CJZN6
— Shaikh Tabinda (@Shaikhtabi2) August 20, 2020
ଏହା ପରେ ସୋନୁ ଟ୍ୱିଟ୍ କରି ଲେଖିଥିଲେ- ମୁଁ ମୋ ନୂଆ କାର କିଣିବା ବେଳେ ଯେତିକି ଉତ୍ସାହିତ ନଥିଲି, ତା’ଠାରୁ ଅଧିକ ଉତ୍ସାହିତ ହୋଇଥିଲି ତୁମ ପାଇଁ ଏକ ନୂଆ ମଇଁଷି କିଣିବା ସମୟରେ। ଯେବେ ବିହାର ଯିବି, ତୁମଠାରୁ ଗୋଟିଏ ଗ୍ଲାସ୍ ତାଜା ମଇଁଷି କ୍ଷୀର ପିଇବି।
I was not as excited buying my first car as I was excited buying a new buffalo 🐃 for you.
Will drink a glass of fresh buffalo milk when I come to Bihar. ❤️ https://t.co/6I6azJZ3gZ— sonu sood (@SonuSood) August 21, 2020
ସୋନୁଙ୍କର ଏହି ଟ୍ୱିଟ୍ ପରେ ସୋଶାଲ ମିଡିଆରେ ଫ୍ୟାନମାନେ ତାଙ୍କର ପ୍ରଶଂସା କରିବାରେ ଲାଗିଛନ୍ତି। ନିକଟରେ ସୋନୁ ନିଜେ ଟ୍ୱିଟ୍ କରି ଜଣାଇଥିଲେ ଯେ ସାହାଯ୍ୟ ପାଇଁ ତାଙ୍କୁ ପ୍ରତିଦିନ ବହୁତ ମେସେଜ୍ ଆସୁଛି।
ସୂଚନାଯୋଗ୍ୟ, ଇଣ୍ଡିଆ ଟୁଡେକୁ ଏକ ଇଣ୍ଟରଭ୍ୟୁ ଦେଇ ସୋନୁ କହିଥିଲେ ଯେ ଲକ୍ଡାଉନ୍ରେ ଶ୍ରମିକଙ୍କ ଅବସ୍ଥାକୁ ନେଇ ସେ ଏକ ବହି ଲେଖୁଛନ୍ତି, ଯାହା ଖୁବ୍ଶୀଘ୍ର ସମସ୍ତଙ୍କ ପାଇଁ ଉପଲବ୍ଧ ହେବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
