ନୂଆଦିଲ୍ଲୀ : ବଲିଉଡ୍ ଅଭିନେତା ସୁଶାନ୍ତ ସିଂହ ରାଜପୁତଙ୍କର ମୃତ୍ୟୁରେ ମର୍ମାହତ ହୋଇ ତାଙ୍କ ଫ୍ୟାନ୍ସ ସୋଶାଲ ମିଡିଆରେ ଅନେକ ସେଲେବ୍ରିଟିଙ୍କୁ ଲଗାତାର ଟ୍ରୋଲ କରିବାରେ ଲାଗିଛନ୍ତି। ନିକଟରେ ସଲମାନ୍ ଖାନ୍ ଏକ ଟ୍ୱିଟ୍ କରି ସୁଶାନ୍ତଙ୍କୁ ସମବେଦନା ଜଣାଇଥିଲେ। ଯେଉଁଥିରେ ସେ କହିଥିଲେ, ‘ମୁଁ ମୋର ସମସ୍ତ ଫ୍ୟାନ୍ସ ଓ ସୁଶାନ୍ତଙ୍କ ଫ୍ୟାନ୍ସଙ୍କୁ ଅନୁରୋଧ କରୁଛି, ଅଶାଳୀନ ଭାଷାର ବ୍ୟବହାର କରନ୍ତୁ ନାହିଁ। ସୁଶାନ୍ତଙ୍କ ପରିବାର ସହିତ ଛିଡ଼ା ହୁଅନ୍ତୁ।’ ଏହି ଟ୍ୱିଟ୍ ପରେ ସଲମାନ୍ ଟ୍ରୋଲିଙ୍ଗର ଶିକାର ହୋଇଥିଲେ।
ସଲମାନ୍ଙ୍କର ଏହି ଟ୍ୱିଟ୍ ପରେ ସୁନିଲ୍ ଗ୍ରୋଭର୍ ତାଙ୍କୁ ସୋଶାଲ ମିଡିଆରେ ସମର୍ଥନ କରିଥିଲେ ଏବଂ ଲେଖିଥିଲେ, ‘ମୁଁ ସଲମାନ୍ ଖାନ୍ଙ୍କୁ ଭଲ ପାଇବା ସହିତ ସମ୍ମାନ କରେ। ’ସୁନୀଲଙ୍କର ଏହି ଟ୍ୱିଟ୍ ପରେ ୟୁଜର୍ସ ରାଗିଯାଇ ତାଙ୍କୁ ମଧ୍ୟ ଟ୍ରୋଲ କରିଛନ୍ତି। ତେଣୁ ଟ୍ରୋଲରଙ୍କ ମୁହଁକୁ ବନ୍ଦ କରିବା ପାଇଁ ଜବାବ ଦେଇଛନ୍ତି ସୁନୀଲ୍।
I love and respect Salman Sir. ❤️
— Sunil Grover (@WhoSunilGrover) June 21, 2020
ଟ୍ୱିଟ୍ କରି ସେ ଲେଖିଛନ୍ତି, ‘ପଇସା ନେଇ ଟ୍ରୋଲର୍ସର କାମ କରୁଥିବା ଲୋକଙ୍କୁ ଦେଖିଲେ ମୋତେ ମଜା ଲାଗୁଛି। ହେ ଭଗବାନ ମୋତେ ଏପରି ମନୋରଞ୍ଜନରୁ ବଞ୍ଚାନ୍ତୁ। ’
Kahin ab mujhe paid trollers ko kaam pe lagane main maza na aane lag jaye. God please save me from this new amusement.
— Sunil Grover (@WhoSunilGrover) June 23, 2020
ସେହିପରି ଅନ୍ୟ ଏକ ଟ୍ୱିଟ୍ରେ ସୁନୀଲ ଲେଖିଛନ୍ତି, ‘ସତ ଓ ପ୍ରକୃତ ତଥ୍ୟ ମଧ୍ୟରେ ଫରକ ରହିଛି। ତଥ୍ୟକୁ ତର୍କ ସହିତ ଯୋଡ଼ା ଯାଇପାରିବନାହିଁ। କାରଣ ଏହା ଏକ ସ୍ୱୟଂ ତର୍କ। କିନ୍ତୁ ସତ ଏପରି ଏକ ଜିନିଷ ଯାହା ଯେ କୌଣସି ବ୍ୟକ୍ତିର ଦୃଷ୍ଟିକୋଣ ଓ ଅନୁଭବ ଉପରେ ନିର୍ଭର କରିଥାଏ।
The difference between truth and fact is that fact is something that cannot be combated with reasoning, for it is logic itself. But truth is something which depends on a person's perspective and experience.
— Sunil Grover (@WhoSunilGrover) June 23, 2020
ସୂଚନାଯୋଗ୍ୟ, ସୁନୀଲ ଗ୍ରୋଭର ଜଣେ କମେଡିଆନ୍ ସହିତ ଭଲ ଅଭିନେତା ମଧ୍ୟ। ସଲମାନ୍ଙ୍କ ଫିଲ୍ମ ‘ଭାରତ’ରେ ତାଙ୍କର ଚମତ୍କାର ଅଭିନୟ ଦେଖିବାକୁ ମିଳିଥିଲା। କରୋନା ଲକଡାଉନ ପାଇଁ ସୋଶାଲ ମିଡିଆରେ ବିଭିନ୍ନ ମନୋରଞ୍ଜନଧର୍ମୀ ଭିଡିଓ ପୋଷ୍ଟ କରି ସେ ଫ୍ୟାନ୍ସଙ୍କ ସହିତ ଜଡ଼ିତ ରହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
