ମୁମ୍ୱାଇ: ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ମାମଲାରେ ଶୁକ୍ରବାର ପ୍ରବର୍ତ୍ତନ ନିର୍ଦ୍ଦେଶାଳୟ ତାଙ୍କ ବାନ୍ଧବୀ ରିୟା ଚକ୍ରବର୍ତ୍ତୀଙ୍କୁ ଦୀର୍ଘ ୮ ଘଣ୍ଟା ଧରି ପଚରାଉଚରା କରିଥିଲା। ତେବେ ଏହି ସମୟରେ ରିୟା ତାଙ୍କ ଦ୍ୱିତୀୟ ମୋବାଇଲ୍ ନମ୍ୱର ବିଷୟରେ ଇଡିଙ୍କୁ ତଥ୍ୟ ଲୁଚାଇଥିବା କଥା ସାମ୍ନାକୁ ଆସିଛି। ଅନ୍ୟପକ୍ଷରେ ଆଜି ପୁଣିଥରେ ଇଡି ରିୟାଙ୍କୁ ଜେରା କରିବ।
ଯାହା ସୂଚନା ମିଳିଛି, ରିୟା ଚକ୍ରବର୍ତ୍ତୀଙ୍କୁ ଇଡି ତାଙ୍କର ମୋବାଇଲ୍ ଓ ଲ୍ୟାପ୍ଟପ୍ ଆଦି ଜମା କରିବାକୁ କହିଥିଲେ। ହେଲେ ସେ ଅନ୍ୟ ଏକ ନମ୍ୱର ବ୍ୟବହାର କରୁଥିବା କଥା ଇଡିଙ୍କୁ ଲୁଚାଇଥିଲେ। ଇଡି ତାଙ୍କୁ ସେହି ନମ୍ବରର କଲ୍ ଡିଟେଲ୍ସ ଦେଖାଇବା ପରେ ସେ ମାନି ଯାଇଥିଲେ। ଏବେ ଇଡି ରିୟାଙ୍କର ହିଡେନ୍ ଡାଟା ଡାଉନ୍ଲୋଡ୍ କରିବା ପାଇଁ ଚେଷ୍ଟା କରୁଛି।
ରିୟା ଶୁକ୍ରବାର ଇଡିର ଅଧିକାରୀମାନେ ପଚାରିଥିବା ଅନେକ ପ୍ରଶ୍ନର ଉତ୍ତର ଠିକ୍ ଭାବରେ ଦେଇପାରିନଥିବା ଜଣାପଡ଼ିଛି। ଏମିତିକି ସୁଶାନ୍ତଙ୍କ ଆକାଉଣ୍ଟରୁ ଟଙ୍କା ଉଠାଇବାକୁ ନେଇ ପଚରା ଯାଇଥିବା ପ୍ରଶ୍ନଗୁଡ଼ିକରେ ସେ ସ୍ପଷ୍ଟ ଓ ସନ୍ତୋଷଜନକ ଉତ୍ତର ଦେଇ ପାରି ନଥିଲେ। ଏହା ବାବଦରେ ରିୟା ଓ ସୁଶାନ୍ତଙ୍କ ଚାଟାର୍ଡ ଆକାଉଣ୍ଟଙ୍କ ଉତ୍ତର ଅଲଗା ରହିଛି।
ଇଡି ରିୟାଙ୍କ ଭାଇଙ୍କୁ ପଚରାଉଚରା କରିଥିବା ବେଳେ ତାଙ୍କ ବାପା ଓ ସୁଶାନ୍ତଙ୍କ ବନ୍ଧୁ ସିଦ୍ଧାର୍ଥ ପିଠାନିଙ୍କୁ ମଧ୍ୟ ସମନ କରିଛି।
ସୂଚନା ଅନୁଯାୟୀ, ଶୌବିକ ଚକ୍ରବର୍ତ୍ତୀଙ୍କୁ ଇଡି ଶନିବାର ଡକାଇଥିଲା ଓ ୧୮ ଘଣ୍ଟା ଧରି ପଚରାଉଚରା କରିବା ପରେ ରବିବାର ସକାଳ ସାଢ଼େ ୬ଟାରେ ଛାଡ଼ିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
