ବଲିଉଡର ବର୍ଷିଆନ୍ ଅଭିନେତ୍ରୀ ପୁନମ୍ ଢିଲୋଙ୍କ ଘରୁ ଚୋରି। କଳାକନା ବୁଲାଇଲା ଚୋର। ହୀରାର ନେକ୍ଲେସ୍ ସାଙ୍ଗକୁ ଚୋରି କରି ନେଇଗଲା ନଗଦ ଟଙ୍କା। ଘର ରଙ୍ଗ ଦେବା ବାହାନାରେ ଆସି ଚୋରି କରିନେଲା ମୂଲ୍ୟବାନ ସାମଗ୍ରୀ। ଏହି ମାମଲରେ ପୁଲିସ ଏବେ ଜଣେ ଅଭିଯୁକ୍ତକୁ ଗିରଫ କରିଛି।
ସୂଚନା ମୁତାବକ ମୁମ୍ବାଇ ଖାର ସ୍ଥିତ ଅଭିନେତ୍ରୀ ପୁନମ ଢିଲୋଙ୍କ ଘରୁ ପ୍ରାୟ ଏକ ଲକ୍ଷ ଟଙ୍କାର ହୀରାର ହାର, ନଗଦ ୩୫,୦୦୦ଟଙ୍କା ଓ କିଛି ଆମେରିକୀୟ ଡଲାର ଚୋରି ହୋଇଥିବା ଅଭିଯୋଗ ହୋଇଥିଲା। ଏହାପରେ ପୁଲିସ ଏହି ମାମଲରେ ପୁଲିସ ଜଣେ ଅଭିଯୁକ୍ତକୁ ବାନ୍ଧିଛି।
Also Read
ଜାନୁଆରୀ ୬ରେ ଏହି ଗିରଫଦାରୀ ହୋଇଥିଲା। ଗିରଫ ଅଭିଯୁକ୍ତ ଜଣକ ୩୭ ବର୍ଷିୟ ସମୀର ଅନସାରୀ ବୋଲି ଜଣାପଡିଛି। ଏହି ଅଭିନେତ୍ରୀ ମୁଖ୍ୟତ ଜୁହୁରେ ରହୁଥିବାବେଳେ ତାଙ୍କ ପୁଅ ଅନମୋଲ ଖାର ସ୍ଥିତ ଘରେ ରୁହନ୍ତି। ପୁନମ ବେଳେ ବେଳେ ଖାର ସ୍ଥିତ ଘରେ ମଧ୍ୟ ରହୁଥିଲେ। ପୁଲିସ ଅନୁସନ୍ଧାନରୁ ଜଣାପଡିଛି ଯେ ଅଭିଯୁକ୍ତ ଅନସାରୀ ଫ୍ଲାଟ ରଙ୍ଗ କରିବା ପାଇଁ ଡିସେମ୍ବର ୨୮ରୁ ଜାନୁୟାରୀ ୫ ମଧ୍ୟରେ ଅଭିନେତ୍ରୀଙ୍କ ଘରେ ଥିଲେ।
ଏହି ସମୟ ମଧ୍ୟରେ ସେ ଜିନିଷ ଚୋରି କରିବା ପାଇଁ ଖୋଲା ଆଲମାରୀର ସୁଯୋଗ ନେଇଥିଲେ ଅନସାରୀ। ଏହାପରେ ସେଠାରୁ ଜିନିଷ ଓ ଟଙ୍କା ଚୋରି କରି ନେଇଥିଲେ। ଏହାପରେ ନିଜ ସାଙ୍ଗସାଥୀଙ୍କ ସହ ସେ ସେହି ଟଙ୍କାରେ ପାର୍ଟି ମଧ୍ୟ କରିଥିବା ପୁଲିସ କହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
