ସୋଶାଲ ମିଡିଆରେ ଆଉ ଜଣେ ସୁଶାନ୍ତ

ମୁମ୍ବାଇ: ଅନେକ ସମୟରେ ସୋଶାଲ ମିଡିଆରେ କିଛି ଜିନିଷ କିମ୍ବା ବ୍ୟକ୍ତିଙ୍କୁ ନେଇ ନାନା କଥା ଭାଇରାଲ ହୋଇଥାଏ। ବର୍ତ୍ତମାନ ସଚ୍ଚିନ ତିୱାରି ନାମକ ଜଣେ ବ୍ୟକ୍ତି ସୋଶାଲ ମିଡିଆରେ ଚର୍ଚ୍ଚାର ବିଷୟ ପାଲଟିଛନ୍ତି।

ସଚ୍ଚିନ ଦିବଙ୍ଗତ ଅଭିନେତା ସୁଶାନ୍ତ ସିଂହ ରାଜପୁତଙ୍କ ପରି ଦେଖିବାକୁ ବୋଲି ଫ୍ୟାନମାନେ ଦାବି କରୁଛନ୍ତି।

ସଚ୍ଚିନଙ୍କ ମୁହଁ କେବଳ ସୁଶାନ୍ତଙ୍କ ପରି ଦେଖିବାକୁ ନୁହେଁ, ତାଙ୍କର ଚାଲିଚଳଣି ମଧ୍ୟ ଅବିକଳ ସୁଶାନ୍ତଙ୍କ ପରି। ଏପରିକି ସେ ସୁଶାନ୍ତଙ୍କ ପରି ଡ୍ୟାନ୍ସ ମୁଭ ମଧ୍ୟ କରିପାରୁଛନ୍ତି।

View this post on Instagram

Good night my lovely dear all friends..

A post shared by Sachin Tiwari (@officialtiwarisachin) on

ସୋଶାଲ ମିଡିଆରେ କିଛି ୟୁଜର ସଚ୍ଚିନଙ୍କୁ ପସନ୍ଦ କରୁଥିବା ବେଳେ ଅନ୍ୟ କିଛି ୟୁଜର ତାଙ୍କୁ ଟ୍ରୋଲିଂ‌ କରୁଛନ୍ତି। ଏବେ ଇଂଷ୍ଟାଗ୍ରାମରେ ସଚ୍ଚିନଙ୍କ ଭିଡିଓ ଏବେ ଭାଇରାଲ ହେଉଛି।

ସଚ୍ଚିନଙ୍କ ଭିଡିଓରେ ଜଣେ ୟୁଜର କମେଣ୍ଟଦେଇ ଲେଖିଛନ୍ତି, ‘ସଚ୍ଚିନ ମୁଁ ତୁମର ବହୁତ ବଡ଼ ଫ୍ୟାନ। କାରଣ ସୁଶାନ୍ତ ମୋର ଫେବରେଟ ଆକ୍ଟର ଥିଲେ।’

ଗୋଟିଏ ଭିଡିଓରେ ସଚ୍ଚିନ ୨୦୧୩ରେ ଆସିଥିବା ସୁଶାନ୍ତଙ୍କ ଫିଲ୍ମ ଶୁଦ୍ଧ ଦେଶୀ ରୋମାନ୍ସ ଗୀତରେ ଡ୍ୟାନ୍ସ କରୁଛନ୍ତି ଯାହାକୁ ପସନ୍ଦ କରି ଜଣେ ୟୁଜର ତାଙ୍କୁ ବଲିଉଡରେ ନିଜର ଭାଗ୍ୟ ପରଖିବା ପରାମର୍ଶ ଦେଇଛନ୍ତି।

ସୂଚନାଯୋଗ୍ୟ, ଜୁନ ୧୪ ତାରିଖରେ ବଲିଉଡ ଅଭିନେତା ସୁଶାନ୍ତ ସିଂହ ରାଜପୁତ ମୁମ୍ବାଇ ବାନ୍ଦ୍ରାସ୍ଥିତ ବାସଭବନରେ ରଶି ଲଗାଇ ଆତ୍ମହତ୍ୟା କରିଥିଲେ। ସୁଶାନ୍ତ ନେପୋଟିଜିମର ଶିକାର ହୋଇଥିଲେ ବୋଲି ଫ୍ୟାନ ଦାବି କରୁଥିବା ବେଳେ କେଉଁ କାରଣରୁ ତାଙ୍କର ମୃତ୍ୟୁ ହୋଇଛି ଏହାର ତଦନ୍ତ ପୁଲିସ ଜାରିରଖିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।