ମୁମ୍ବାଇ: ନିଜ ଲଭ୍ ଲାଇଫର ଗୁମର ଖୋଲିଲେ ବଲିଉଡ୍ ଅଭିନେତା ଅର୍ଜୁନ୍ କପୁର। କରଣ ଜୋହରଙ୍କ ସୁପରହିଟ୍ ଶୋ’ ‘କଫି ୱିଥ୍ କରଣ’ରେ ସେ ନିଜ ବିବାହକୁ ନେଇ ଖୋଲାଖୋଲି ଆଲୋଚନା କରିଛନ୍ତି।
ଅର୍ଜୁନ କହିଛନ୍ତି, ମୋ ଜାତକରେ ଏବେ ବିବାହ ଯୋଗ ନାହିଁ। ହେଲେ ମଲାଇକା ଓ ମୋର ପ୍ରେମ ସମ୍ପର୍କକୁ ନେଇ ମୋ ପରିବାର ଲୋକେ ବେଶ୍ ଖୁସି ଅଛନ୍ତି। ସେମାନେ ଆମ ସମ୍ପର୍କକୁ ସହଜ କରି ଦେଇଛନ୍ତି।
ସେ କହିଛନ୍ତି, ଗତ ଦୁଇ ବର୍ଷ ଧରି ଲକ୍ଡାଉନ୍ ଚାଲିଥିଲା। ତେଣୁ ମୁଁ ନିଜ କ୍ୟାରିଅର୍ ଉପରେ ଧ୍ୟାନ ଦେବାକୁ ଚାହୁଁଛି। ମୁଁ କେତେ ବାଟ ପର୍ଯ୍ୟନ୍ତ ଯାଇପାରିବି, ତାହା ମୁଁ ଦେଖିବାକୁ ଚାହୁଁଛି। ମୁଁ ବହୁତ ବାସ୍ତବବାଦୀ। ଏମିତି ନୁହେଁ ଯେ ମୁଁ କିଛି ଲୁଚାଇବି। ମୁଁ ପ୍ରଫେସନାଲି ଆହୁରି ଅଧିକ ଷ୍ଟେବଲ୍ ହେବାକୁ ଚାହୁଁଛି। ମୁଁ ଏମିତି କୌଣସି କାମ କରିବାକୁ ଚାହୁଁଛି, ଯେଉଁଥିରୁ ମୋତେ ଖୁସି ମିଳିବ। କାରଣ ଯଦି ମୁଁ ଖୁସି ରହିବି, ତା’ହେଲେ ମୋ ଜାବନସାଥୀକୁ ମଧ୍ୟ ଖୁସିରେ ରଖିପାରିବି। ମୁଁ ଅନୁଭବ କରେ କାମରୁ ମୋତେ ଅଧିକ ଖୁସି ମିଳେ।
ଅର୍ଜୁନ୍ କପୁର ଏବେ ବିବାହ କରିବା ପାଇଁ ଆଦୌ ଚିନ୍ତା କରି ନାହାନ୍ତି ବୋଲି ଶୋ’ରେ ସ୍ପଷ୍ଟ ଭାବେ କହିଥିବା ବେଳେ ତାଙ୍କ ଫ୍ୟାନ୍ମାନେ କିନ୍ତୁ ତାଙ୍କ ବିବାହକୁ ଅପେକ୍ଷା କରିଛନ୍ତି। ଏବେ ଦେଖିବାକୁ ବାକି ରହିଲା ଏହି ଲଭ ବାର୍ଡ (ଅର୍ଜୁନ୍ ଓ ମଲାଇକା) ସେମାନଙ୍କ ଫ୍ୟାନ୍ସଙ୍କ ଡ୍ରିମ୍କୁ କେବେ ବାସ୍ତବରେ ପରିଣତ କରିବେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
