ତାମିଲ ଫିଲ୍ମର ଅନ୍ୟତମ ଲୋକପ୍ରିୟ ହାସ୍ୟ ଅଭିନେତା ବୋଣ୍ଡା ମଣିଙ୍କର ପରଲୋକ ହୋଇଯାଇଛି। ତାଙ୍କୁ ମୃତ୍ୟୁ ବେଳକୁ ୬୦ ବର୍ଷ ହୋଇଥିଲା।
ବୋଣ୍ଡା ମଣିଙ୍କର କିଡ୍ନୀରେ ସମସ୍ୟା ରହିଥିଲା। ଗତକାଲି ରାତିରେ ସେ ତାଙ୍କ ଚେନ୍ନାଇର ପୋଝିଚାଲୁର ସ୍ଥିତ ଘରେ ଅଚେତ ହୋଇ ପଡ଼ିଯାଇଥିଲେ। ତାଙ୍କୁ ସଙ୍ଗେ ସଙ୍ଗେ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଯାଞ୍ଚ କରିବା ପରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
Also Read
ବୋଣ୍ଡା ମଣିଙ୍କୁ ତାମିଲ ଫିଲ୍ମର ଅନ୍ୟତମ ପ୍ରସିଦ୍ଧ ହାସ୍ୟ ଅଭିନେତା ବାଡିବେଲୁଙ୍କ ସହିତ ଅଧିକ ଦେଖିବାକୁ ମିଳିଥିଲା। କମେଡିରେ ସେମାନଙ୍କ ଯୋଡ଼ି ବେଶ୍ ଜମୁଥିଲା। ବୋଣ୍ଡା ମଣି ତାମିଲ ଫିଲ୍ମର ପ୍ରାୟ ସମସ୍ତ ପ୍ରମୁଖ ଅଭିନେତାଙ୍କ ସହିତ କାମ କରିଥିଲେ।
କିଡ୍ନୀ ଜନିତ ସମସ୍ୟାରେ ପୀଡ଼ିତ ହେବା ପରେ ବୋଣ୍ଡା ମଣିଙ୍କୁ ଆର୍ଥିକ ସ୍ତରରେ ସହାୟତାର ହାତ ବଢ଼ାଇଥିଲେ ଅଭିନେତା ଧନୁଷ ଓ ବିଜୟ ସେତୁପତି। ସେହିଭଳି ହାସ୍ୟ ଅଭିନେତା ବାଡ଼ିବେଲୁ ମଧ୍ୟ ତାଙ୍କୁ ଆର୍ଥିକ ସହାୟତା କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
