ପ୍ରସିଦ୍ଧ କନ୍ନଡ ଅଭିନେତା ଦର୍ଶନ ତୋଗୁଦୀପଙ୍କୁ ଅଭିଯୁକ୍ତ ଦର୍ଶାଯାଉଥିବା ହତ୍ୟାକାଣ୍ଡ ମାମଲାରେ ମୃତକଙ୍କ ଶବ ବ୍ୟବଚ୍ଛେଦ ରିପୋର୍ଟ ସାମ୍ନାକୁ ଆସିଛି। ମୃତ ରେଣୁକା ସ୍ୱାମୀଙ୍କ ମସ୍ତିଷ୍କରେ ଝଟକା ଓ ରକ୍ତସ୍ରାବ କାରଣରୁ ମୃତ୍ୟୁ ଘଟିଥିବା ରିପୋର୍ଟରେ ଦର୍ଶାଯାଇଛି।
ଏଥିସହ ରେଣୁକାଙ୍କ ଶରୀରରେ ୧୫ଟି କ୍ଷତ ଚିହ୍ନ ମିଳିଛି। ତାଙ୍କ ମୁଣ୍ଡ, ପେଟ, ଛାତି ଓ ଅନ୍ୟାନ୍ୟ ଅଙ୍ଗରେ ଆଘାତ ଲାଗିବା ସହ ମସ୍ତିଷ୍କ ଝଟକା ସହ ରକ୍ତସ୍ରାବ କାରଣରୁ ମୃତ୍ୟୁ ଘଟିଥିବା ପୋଷ୍ଟମୋର୍ଟମ ରିପୋର୍ଟରେ ଦର୍ଶାଯାଇଛି।
Also Read
ଏହି ହତ୍ୟାକାଣ୍ଡରେ କନ୍ନଡ ଅଭିନେତା ଦର୍ଶନ ତୋଗୁଦୀପଙ୍କୁ ମୁଖ୍ୟ ଅଭିଯୁକ୍ତ ଭାବେ ଦର୍ଶାଯାଉଛି। ତାଙ୍କ ବାନ୍ଧବୀ ପବିତ୍ରା ଗୌଡାଙ୍କୁ ମୃତ ରେଣୁକା ସ୍ୱାମୀ ସୋଶାଲ ମିଡିଆରେ ଆପତ୍ତିଜନକ ମେସେଜ୍ କରିଥିବା କାରଣରୁ ସେ ସୁପାରି ଦେଇ ତାଙ୍କୁ ହତ୍ୟା କରିଥିବା ଅଭିଯୋଗ ହୋଇଛି।
ଏହି ମାଲମାରେ ତିନି ଜଣ ଅଭିଯୁକ୍ତଙ୍କୁ ଗିରଫ କରିବା ପରେ ସେମାନେ ଏନେଇ ସ୍ୱୀକାର କରିଛନ୍ତି। ପୁଲିସ କହିବା ଅନୁସାରେ, ରେଣୁକାଙ୍କୁ ହତ୍ୟା କରିବା ପାଇଁ ଦର୍ଶନ ତିନି ଜଣ ଅଭିଯୁକ୍ତଙ୍କୁ ୫ ଲକ୍ଷ ଟଙ୍କା ଲେଖାଏଁ ସୁପାରି ଦେଇଥିଲେ।
ଏହି ମାମଲାରେ ଅଭିନେତା ଦର୍ଶନଙ୍କ ସମେତ ତାଙ୍କ ବାନ୍ଧବୀ ତଥା ଅଭିନେତ୍ରୀ ପବିତ୍ରା ଗୌଡାଙ୍କ ସହ ୧୧ ଜଣଙ୍କୁ ଗିରଫ କରି ତଦନ୍ତ କରୁଛି ପୁଲିସ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
