୨୦ ବର୍ଷ ତଳେ ଦୀପିକାଙ୍କୁ ଦହି, ଭାତ ଯାଚି ନ ଥିଲେ ଆମୀର

ମୁମ୍ବାଇ: ବଲିଉଡ୍ ଅଭିନେତ୍ରୀ ଦୀପିକା ପାଦୁକୋନ୍ ଲକଡାଉନ ଅବଧିରେ ସୋଶାଲ ମିଡିଆରେ ଖୁବ୍ ସକ୍ରୀୟ ରହୁଛନ୍ତି। ସମୟ ସମୟରେ ଫଟୋ ଓ ଭିଡିଓ ଶେୟାର କରି ସେ ନିଜ ଫ୍ୟାନମାନଙ୍କ ସହ ଯୋଡ଼ିହୋଇ ରହିବାକୁ ଚେଷ୍ଟା ଜାରି ରଖିଛନ୍ତି। ଏହାରି ଭିତରେ ଦୀପିକା ଏକ ପୂରୁଣା ଫଟୋ ନିଜ ସୋଶାଲ ମିଡିଆ ହ୍ୟାଣ୍ଡେଲରେ ଶେୟାର କରିଛନ୍ତି, ଯାହାକୁ ନେଇ ଫ୍ୟାନମାନଙ୍କ ଭିତରେ ଖୁବ ଚର୍ଚ୍ଚା ଲାଗି ରହିଛି।

View this post on Instagram

Started young…🙈

A post shared by Deepika Padukone (@deepikapadukone) on

ବଲିଉଡ ପର୍ଫେକ୍ସନିଷ୍ଟ ଆକ୍ଟର ଆମୀର ଖାନଙ୍କ ସହ ଦୀପିକା ଏକ ବହୁ ପୂରୁଣା ଫଟୋଟି ଶେୟାର କରିଛନ୍ତି। ଆମୀରଙ୍କ ପାଖରେ ଦୀପିକା ବସିଥିବା ନଜରକୁ ଆସିଥିବା ବେଳେ ଦୀପିକାଙ୍କ ବାପା ପ୍ରକାଶ ପାଦୁକୋନ ଏବଂ ମାଆ ଉଜ୍ଜ୍ୱଳା ଏବଂ ଭଉଣୀ ତନିଷାଙ୍କୁ ମଧ୍ୟ ଫଟୋରେ ଦେଖିବାକୁ ମିଳିଛି।

ଶନିବାର ନିଜ ଅଫିସିଆଲ ଇନଷ୍ଟାଗ୍ରାମ ହ୍ୟାଣ୍ଡେଲରେ ଦୀପିକା ଏହି ଫଟୋ ଶେୟାର କରିଛନ୍ତି। ଫଟୋଟି ୨୦ ବର୍ଷ ତଳର। ଫଟୋ କ୍ୟାପଶନରେ ଏହା ୨୦୦୦ ମସିହାର ଫଟୋ ବୋଲି ଦୀପିକା ଲେଖିଛନ୍ତି।

ସେ ଆହୁରି ଲେଖିଛନ୍ତି, “ସେତେବେଳେ ମୁଁ ୧୩ ବର୍ଷର ଥିଲି ଏବଂ ବହୁତ ଅଜବ ଥିଲି। ମୁଁ ଏବେ ବି ସେମିତି ଅଛି। ସେ ମଧ୍ୟାହ୍ନ ଭୋଜନ କରୁଥିଲେ ଏବଂ କେବଳ ଦହି-ଭାତ ଖାଉଥିଲେ। ମୁଁ ବି ଭୋକିଲା ଥିଲି, ଯେପରି ମୁଁ ସବୁ ସମୟରେ ଥାଏ। କିନ୍ତୁ ସେ ମୋତେ ଖାଇବାକୁ ଅଫର୍ କଲେ ନାହିଁ ଆଉ ମୁଁ ମଧ୍ୟ ମାଗି ନ ଥିଲି…।” କିଛି ଏଭଳି ଶବ୍ଦରେ ଦୀପିକା ସମ୍ପୂର୍ଣ୍ଣ ଦୃଶ୍ୟକୁ ଫ୍ୟାନମାନଙ୍କ ନିକଟରେ ପହଞ୍ଚାଇଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।