ଲକ୍‌ଡାଉନ୍ ପାଇଁ ପିତାଙ୍କ ଅନ୍ତିମ ଦର୍ଶନ କରିପାରିଲେନି ଅଭିନେତ୍ରୀ

ମୁମ୍ବାଇ: ଫିଲ୍ମ ‘କୁଛ୍ କୁଛ୍ ହୋତା ହୈ’ରେ ଶାହାରୁଖଙ୍କ ଝିଅ ଭୂମିକାରେ ଅଭିନୟ କରିଥିବା ଅଭିନେତ୍ରୀ ସନା ସଇଦ୍ ଏବେ ଦୁଃଖରେ ଭାଙ୍ଗିପଡ଼ିଛନ୍ତି। କାରଣ ତାଙ୍କ ପିତା ଅବଦୁଲ୍ ଆହାଦ୍ ସଇଦଙ୍କର ଦେହାନ୍ତ ହୋଇଯାଇଛି। ଆଉ ସବୁଠାରୁ ଦୁଖର ବିଷୟ ହେଉଛି ଯେ ସେ ଶେଷ ଥର ପାଇଁ ପିତାଙ୍କୁ ଦେଖି ବି ପାରିଲେ ନାହିଁ।

https://www.instagram.com/p/ByxBTxvA40i/?utm_source=ig_web_copy_link

ସୂଚନା ମୁତାବକ ଜନତା କର୍ଫ୍ୟୁ ଦିନ ତାଙ୍କ ପିତାଙ୍କ ମୃତ୍ୟୁ ହୋଇଥିଲା। ଲକଡାଉନ୍ ହେତୁ ସନା ଲସ୍ ଆଞ୍ଜେଲସରେ ଫସି ରହିଥିଲେ, ଯେଉଁଥିପାଇଁ ସେ ତାଙ୍କ ପିତାଙ୍କ ଶେଷ ଦର୍ଶନ ମଧ୍ୟ କରିପାରିନଥିଲେ। ସନାଙ୍କ ପିତା ତଥା ଉର୍ଦ୍ଦୁ କବି ଅବଦୁଲ୍ ଆହାଦ୍ ସଇଦ୍ ଦୀର୍ଘ ଦିନ ଧରି ଅସୁସ୍ଥ ଥିଲେ। ସନା କହିଛନ୍ତି ଯେ ତାଙ୍କ ପିତା ଜଣେ ଡାଇବେଟିସ୍ ରୋଗୀ ଏବଂ ଏହି କାରଣରୁ ତାଙ୍କ ଶରୀରର ଅନେକ ଅଙ୍ଗ କାମ ବନ୍ଦ କରିଦେଇଥିଲା ଫଳରେ ତାଙ୍କର ମୃତ୍ୟୁ ହୋଇଛି। ସେ କହିଛନ୍ତି, ‘ଯେତେବେଳେ ଏହି ଖବର ପାଇଲି, ମୁଁ ଲସ୍ ଆଞ୍ଜେଲସରେ ଥିଲି। ସେହି ସମୟରେ ମୁଁ ମୋ ଘରକୁ ଆସି ମୋ ମା’ ଏବଂ ଭଉଣୀଙ୍କୁ ଆଲିଙ୍ଗନ କରିବାକୁ ଚାହୁଁଥିଲି। ଯେଉଁ ପରିସ୍ଥିତିରେ ମୁଁ ମୋ ବାପାଙ୍କୁ ହରାଇଥିଲି, ତାହା ଅତ୍ୟନ୍ତ ଯନ୍ତ୍ରଣାଦାୟକ। କିନ୍ତୁ ମୁଁ ଜାଣେ ଯେ ସେ ବହୁତ ଯନ୍ତ୍ରଣା ଭୋଗୁଥିଲେ ଏବଂ ବର୍ତ୍ତମାନ ସେ ନିଶ୍ଚିତ ଭାବରେ ଏକ ଭଲ ସ୍ଥାନରେ ଥିବେ।’

https://www.instagram.com/p/B8_Em1dApXB/?utm_source=ig_web_copy_link

ଅନ୍ତିମ ସଂସ୍କାର ବିଷୟରେ ସନା କହିଛନ୍ତି ଯେ ଜନତା କର୍ଫ୍ୟୁ ଦିନ ଯେତେବେଳେ ପିତାଙ୍କ ମୃତ୍ୟୁ ହୋଇଥିଲା ସେତେବେଳେ ପରିବାର ସଦସ୍ୟ ସେହି ଦିନ ଶବ ସତ୍କାର କରିବାକୁ ନିଷ୍ପତ୍ତି ନେଇଥିଲେ। ଏସବୁ ପାଇଁ ମାତ୍ର ତିନି ଘଣ୍ଟା ଥିଲା। ଜନତା କର୍ଫ୍ୟୁ ଥିବାରୁ, ଶେଷ ରୀତିନୀତିକୁ ଯିବାବେଳେ ପୋଲିସ ପରିବାରକୁ ଅଟକାଇଥିଲା, କିନ୍ତୁ ଯେତେବେଳେ ପରିବାର ପୋଲିସକୁ ମୃତ୍ୟୁ ପ୍ରମାଣପତ୍ର ଦେଖାଇଲା ସେତେବେଳେ ସେମାନେ ସେମାନଙ୍କୁ ଯିବାକୁ ଅନୁମତି ଦେଇଥିଲେ। ସାନା କହିଛନ୍ତି ଯେ ମୁଁ ସେଠାରେ ନଥିଲି କିନ୍ତୁ ମୋ ଭଉଣୀ ମୋତେ ଏହି ଜିନିଷ ବିଷୟରେ ସମସ୍ତ ସୂଚନା ଦେଉଥିଲେ, ସେ ମେସେଜ୍ ମାଧ୍ୟମରେ ପ୍ରତି ମୁହୂର୍ତ୍ତର ଖବର ଦେଉଥିଲେ।