ମୁମ୍ବାଇ: ପୁଣି ଥରେ ଗ୍ଲାମର୍, ରୋମାନ୍ସ, ଆକ୍ସନ ଓ ପ୍ରତିଶୋଧର କାହାଣୀ ସହ ପ୍ରସ୍ତୁତ ହୋଇଯାଇଛି ଟେଲିକୁଇନ୍ ଏକ୍ତା କପୁରଙ୍କ ହିଟ୍ ସିରିଜ୍ ‘ନାଗିନ୍’। ଖୁବ୍ଶୀଘ୍ର ଟିଭି ପରଦାରେ ‘ନାଗିନ୍ -୪’ ଆରମ୍ଭ ହେବାକୁ ଯାଉଛି। ଏଥିରେ ଟିଭିର ବୋଲ୍ଡ ଗର୍ଲ ନିୟା ଶର୍ମା ଲିଡ୍ ରୋଲ୍ରେ ଅଭିନୟ କରିବେ। ଏକତା ନିଜେ ଟ୍ୱିଟ୍ କରି ଏହି ସୂଚନା ଦେଇଥିଲେ। ଏବେ ସେ ଦ୍ୱିତୀୟ ଲିଡ୍ ଅଭିନେତ୍ରୀଙ୍କ ନାମ ମଧ୍ୟ ଘୋଷଣା କରିଦେଇଛନ୍ତି।
ଅନେକ ଦିନ ହେବ ସିରିଏଲ୍ର ଦ୍ୱିତୀୟ ଲିଡ୍ ନାୟିକା ଖୋଜା ଚାଲିଥିଲା। ଚର୍ଚ୍ଚା ହେଉଥିଲା ଯେ ‘ପବିତ୍ର ରିସ୍ତା’ ଫେମ୍ ‘ଅଙ୍କିତା ଲୋଖଣ୍ଡେ’ ଏହି ଚରିତ୍ରରେ ଅଭିନୟ କରିବେ। ହେଲେ ପରେ ଏହା କେବଳ ଗୁଜବ ବୋଲି ପ୍ରମାଣିତ ହୋଇଥିଲା। ଅଙ୍କିତାଙ୍କ ପୂର୍ବରୁ ‘ନାଗିନ୍-୪’ ପାଇଁ କ୍ରିଷ୍ଟଲ୍ ଡି’ସୌଜାଙ୍କୁ ଫାଇନାଲ କରାଯାଇଥିଲା। ହେଲେ କୌଣସି କାରଣରୁ ସେ ଏଥିରେ ସାମିଲ ହୋଇପାରିଲେ ନାହିଁ।
https://www.instagram.com/p/B4z8v26AGJy/?utm_source=ig_web_copy_link
ତେବେ ସମସ୍ତ କଳ୍ପନା ଜଳ୍ପନାର ଅନ୍ତ ଘଟାଇ ଏକତା ଦ୍ୱିତୀୟ ନାଗୁଣୀଙ୍କ ନାଁ ଘୋଷଣା କରିଦେଇଛନ୍ତି। ସେ ହେଉଛନ୍ତି ଅଭିନେତ୍ରୀ ଜସ୍ମିନ୍ ଭାସିନ୍। ଏକ୍ତା ନିଜ ଇନ୍ଷ୍ଟାଗ୍ରାମ ଆକାଉଣ୍ଟରେ ଶୋ’ର ଏକ ପ୍ରୋମୋ ଶେଆର କରି ଲେଖିଛନ୍ତି ‘ଆପଣଙ୍କୁ ନାଗିନ୍ ଦୁନିଆରେ ସ୍ୱାଗତ ଜସ୍ମିନ୍।’
https://www.instagram.com/p/B3AFOV-A1XG/?utm_source=ig_web_copy_link