ମୁମ୍ୱାଇ: ବଲିଉଡ୍ ଅଭିନେତାଙ୍କ ପାଇଁ ଫ୍ୟାନ୍ମାନଙ୍କ ପାଗଳାମି କଥା କିଛି ନୂଆ ନୁହେଁ। ଏହି ପାଗଳାମି ଯୋଗୁ ଫ୍ୟାନ୍ମାନେ କେତେ କ’ଣ କରିବସନ୍ତି। ଏହାର ଅନେକ ନଜିର ରହିଛି। ଏବେ ପୁଣି ସେମିତି ଏକ ଘଟଣା ଦେଖିବାକୁ ମିଳିଛି।
ଆସନ୍ତାକାଲି ଗୁଆହାଟୀରେ ଫିଲ୍ମଫେୟାର ଆୱାର୍ଡ ପ୍ରଦାନ ଉତ୍ସବ ଅନୁଷ୍ଠିତ ହେବାକୁ ଥିବା ବେଳେ ସଲ୍ମାନ୍ଙ୍କୁ ଦେଖିବା ପାଇଁ ଜଣେ ଫ୍ୟାନ୍ ୬୦୦ କିଲୋମିଟର ସାଇକେଲ୍ ଚଲାଇ ଆସି ସେଠାରେ ପହଞ୍ଚିଛନ୍ତି।
ସଲ୍ମାନ୍ଙ୍କ ଏହି ଫ୍ୟାନ୍ଙ୍କ ନାଁ ଭୂପେନ୍ ଲିକ୍ସନ୍। ତାଙ୍କୁ ୫୨ ବର୍ଷ ହେଲାଣି। ସେ ଆସାମର ତିନସୁକିଆର ବାସିନ୍ଦା। ସଲମାନ୍ଙ୍କୁ ଭେଟିବା ପାଇଁ ସେ ଫେବ୍ରୁଆରୀ ୮ ତାରିଖରୁ ତିନସୁକିଆରୁ ସାଇକେଲ୍ରେ ଯାତ୍ରା ଆରମ୍ଭ କରିଥିଲେ। ଆଉ ଗତକାଲି ସେ ସେଠାରେ ପହଞ୍ଚିଥିଲେ।
Assam: Bhupen Likson, a cyclist from Tinsukia reached Guwahati yesterday after cycling a distance of over 600 kms, to meet Salman Khan. He says,"I started this journey on Feb 8 from Jagun (Tinsukia) on a cycle to meet Salman Khan who will be in Guwahati to attend Filmfare Awards" pic.twitter.com/td28ojdXIS
— ANI (@ANI) February 14, 2020
ସୂଚନାଯୋଗ୍ୟ, ସାଇକେଲ୍ ଚଲାଇ ଭୂପେନ୍ ପୂର୍ବରୁ ମଧ୍ୟ ଲୋକପ୍ରିୟତା ହାସଲ କରିଛନ୍ତି। ୨୦୧୩ରେ ସେ ହ୍ୟାଣ୍ଡେଲ୍ ନ ଛୁଇଁ ୬୦ ମିନିଟ୍ରେ ୪୮ କିଲୋମିଟର ସାଇକେଲ୍ ଚଲାଇ ଚର୍ଚ୍ଚାକୁ ଆସିଥିଲେ। ଏପରିକି ତାଙ୍କ ନାମ ‘ଇଣ୍ଡିଆ ବୁକ୍ ଅଫ୍ ରେକର୍ଡସ୍’ରେ ସ୍ଥାନ ପାଇଥିଲା।
ଅନ୍ୟପକ୍ଷରେ ସଲମାନ୍ ଖାନ୍ ବି ସାଇକେଲ୍ ଚଲାଇବାକୁ ପସନ୍ଦ କରିଥା’ନ୍ତି। ଅନେକ ସମୟରେ ମୁମ୍ୱାଇର ରାସ୍ତାରେ ସେ ସାଇକେଲ୍ ଚଲାଉଥିବା ଦେଖାଯାଇଥାଏ। ଏବେ କେବଳ ଦେଖିବାକୁ ବାକି ରହିଲା, ଭୂପେନ୍ଙ୍କ ପାଗଳାମିକୁ ନେଇ ସଲ୍ମାନ୍ କ’ଣ ପ୍ରତିକ୍ରିୟା ରଖୁଛନ୍ତି।