ଫୁଟବଲ ଖେଳାଳି ରୂପରେ ଅମିତ ସାଧ

ମୁମ୍ୱାଇ :  ବଲିଉଡ ଅଭିନେତା ଅମିତ ସାଧ ଦେଖାଦେବେ ଜଣେ ଫୁଟବଲ ଖେଳାଳି ରୂପରେ । ବାପ ପୁଅର ସମ୍ପର୍କକୁ ନେଇ ନିର୍ମିତ ଏହି ଫିଲ୍ମକୁ  ନିର୍ଦ୍ଦେଶନା ଦେବେ ମୋହିତ ଝା  । ଏହି ଫିଲ୍ମ ଜରିଆରେ ପ୍ରଥମ କରି ନିର୍ଦ୍ଦେଶନା କ୍ଷେତ୍ରରେ ପାଦ ଦେବେ  ମୋହିତ । ପୂର୍ବରୁ ବହୁ ସିରିୟଲରେ କମାଲ କରିସାରିଛନ୍ତି ଏହି ନିର୍ଦ୍ଦେଶକ । ଛୋଟି ବୋହୁ, ହିଟଲର ଦିଦି, ପରୱରିସ, କରିନା କରିନା ଭଳି ପପୁଲାର ସିରିୟଲ କରି ଛୋଟ ପରଦାରେ ରାଜ କରିଆସିଛନ୍ତି ଏହି ଯୁବ ନିର୍ଦ୍ଦେଶକ । ଦୀର୍ଘ ୧୮ ବର୍ଷ ଛୋଟ ପରଦାରେ ନିର୍ଦ୍ଦେଶନା ଦେଲାପରେ ଏବେ ବଲିଉଡରେ ପାଦ ଦେଇ କିଛିଟା କମାଲ କରିବାକୁ ମନ ବଳେଇଛନ୍ତି ମୋହିତ ଝା । ଗୋଟେ ଇମୋସନାଲ ଏବଂ ହୃଦୟ ସ୍ପର୍ଷ୍ଟୀ କାହାଣୀକୁ ନେଇ ସେ ଏବେ କରିବାକୁ ଯାଉଛନ୍ତି ନିଜର ଭାଗ୍ୟ ପରୀକ୍ଷା।