ଭୁବନେଶ୍ୱର: ତରଙ୍ଗ ସିନେ ପ୍ରଡକ୍ସନର ସୁପରହିଟ୍ ଫିଲ୍ମ ‘ଗପ ହେଲେ ବି ସତ’ ପରେ ପୁଣି ଏକାଠି ବର୍ଷା ଓ ଅନୁଭବଙ୍କ ଯୋଡ଼ିକୁ ବଡ଼ ପରଦାରେ ଦେଖିବାକୁ ପାଇବେ ଦର୍ଶକ। ମା’ ତାରିଣୀ ଫିଲ୍ମ ପ୍ରଡକ୍ସନର ଷଷ୍ଠ ଅବଦାନ ‘ଗୋଟେ ଶୁଆ ଗୋଟେ ଶାରୀ’ରେ ଅନୁଭବ ସାଜିଛନ୍ତି ଶୁଆ ଓ ଶାରୀ ବନିଛନ୍ତି ତାଙ୍କ ବେଟରହାଫ୍ ବର୍ଷା। ସୋମବାର ଭୁବନେଶ୍ୱରର ଏକ ଘରୋଇ ହୋଟେଲରେ ରିଲିଜ୍ ହୋଇଛି ଫିଲ୍ମର ଅଡିଓ । ରିଲିଜ୍ ଉତ୍ସବରେ ଫିଲ୍ମର ଷ୍ଟାରକାଷ୍ଟ୍ ଅନୁଭବ ଓ ବର୍ଷାଙ୍କ ସହ ପ୍ରଯୋଜକ ନିରଞ୍ଜନ ରଣା ଉପସ୍ଥିତ ଥିଲେ। ଏହି ଫିଲ୍ମର ନିର୍ଦ୍ଦେଶନା ମୃତ୍ୟୁଞ୍ଜୟ ସାହୁ ଦେଇଥିବା ବେଳେ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ରବି ନାୟରାୟଣ ନନ୍ଦ ଓ ପ୍ରେମ ଆନନ୍ଦ। ଚଳିତମାସ ୧୨ ତାରିଖରେ ଫିଲ୍ମଟି ରିଲିଜ୍ ହେବ। ଫିଲ୍ମଟି ଯୁବ ଦର୍ଶକମାନଙ୍କୁ ଆକର୍ଷିତ କରିବ ବୋଲି ଆଶା ରଖିଛନ୍ତି ପ୍ରଯୋଜକ ସଂସ୍ଥା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।