ମୁମ୍ବାଇ: ମହିଳାଙ୍କୁ ଅସଦାଚରଣ ମାମଲାରେ କିଛି ଦିନ ପୂର୍ବରୁ ଇଣ୍ଡିଆନ୍ ଆଇଡଲ୍ର ଚଳିତ ସିଜିନ୍ରୁ ଅନୁ ମଲିକଙ୍କୁ ବିଦା ହେବାକୁ ପଡ଼ିଥିଲା। ‘ମି ଠୁ’ ଅଭିଯାନ ବେଳେ ଗାୟିକା ସୋନା ମହାପାତ୍ରଙ୍କ ସମେତ ଆଉ କିଛି ମହିଳା ତାଙ୍କ ନାଁରେ ଅସଦାଚରଣ ଅଭିଯୋଗ ଆଣିଥିଲେ। ସେତେବେଳେ ମଧ୍ୟ ତାଙ୍କୁ ‘ଇଣ୍ଡିଆନ୍ ଆଇଡଲ୍’ ଶୋ’ ଛାଡ଼ିବାକୁ ପଡ଼ିଥିଲା। ତେବେ ଏହି ସଙ୍ଗୀତ ଭିତ୍ତିକ ରିଆଲିଟି ଶୋ’ର ଚଳିତ ସିଜିନ୍ ଆରମ୍ଭ ହେବା ମାତ୍ରେ ଅନୁଙ୍କୁ ନେଇ ପୁଣି ବିବାଦ ଦେଖାଯାଇଥିଲା। ତାଙ୍କୁ ପୁଣି ଥରେ ଜଜ୍ ଭାବେ ନିଆଯିବା କଥାକୁ ସୋନା ମହାପାତ୍ର ଗ୍ରହଣ କରି ପାରି ନଥିଲେ ଓ ନିୟମିତ ଭାବେ ସୋଶାଲ୍ ମିଡିଆରେ ତାଙ୍କ ବିରୋଧରେ ଅଭିଯାନ ଚଲାଇଥିଲେ। ଏଥିରେ ତାଙ୍କ ସହିତ ସ୍ୱର ମିଳାଇଥିଲେ ଗାୟିକା ନେହା ଭାସିନ। ଏପରିକି ସୋନା ଏ ନେଇ କେନ୍ଦ୍ର ମନ୍ତ୍ରୀ ସ୍ମୃତି ଇରାନୀଙ୍କୁ ବି ଚିଠି ଦେଇଥିଲେ। ଏହା ପରେ ଅନୁଙ୍କୁ ଶୋ’ରୁ ବିଦା କରାଯାଇଥିଲା। ତେବେ ବର୍ତ୍ତମାନ ଅନୁଙ୍କ ସ୍ଥାନରେ ‘ଇଣ୍ଡିଆନ୍ ଆଇଡଲ୍’ର ଜଜ୍ ସିଟ୍ରେ ଆଉ ଜଣେ କଳାକାର ବସିଛନ୍ତି। ସେ ମଧ୍ୟ ବଲିଉଡ୍ର ଜଣେ ବଡ଼ ସଙ୍ଗୀତ ନିର୍ଦ୍ଦେଶକ। ତା’ସହିତ ସେ ଜଣେ ସିଙ୍ଗର ଓ ଆକ୍ଟର ମଧ୍ୟ। ସେ ହେଲେ ହିମେଶ ରେଶମିୟାଁ। ଶୋ’ରେ ତାଙ୍କର ଧମାକେଦାର୍ ଏଣ୍ଟ୍ରି ହୋଇଥିଲା।
https://www.instagram.com/p/B0S0BuPjqWd/?utm_source=ig_web_copy_link
https://www.instagram.com/p/B5ngNUFDNcI/?utm_source=ig_web_copy_link
ହିମେଶ୍ କହିଛନ୍ତି, “ମୁଁ ଏହି ଶୋ’ ଦେଖେ। ଏଥିରେ ଅଧାରୁ ସାମିଲ ହେବାରେ କିଛି ଅସୁବିଧା ନାହିଁ। କାରଣ ମୋତେ ସମସ୍ତ ପ୍ରତିଯୋଗୀଙ୍କ ଟ୍ୟାଲେଣ୍ଟ ଓ ସ୍ୱର ବିଷୟରେ ଭଲଭାବେ ଜଣା। ଏହି ଶୋ’ରେ ମୁଁ ମନ ଦେଇ କାମ କରିବି। ପ୍ରତିଯୋଗୀମାନଙ୍କୁଉ ଭଲ ଭଲ ପରାମର୍ଶ ଦେଇ ସେମାନଙ୍କ ଦକ୍ଷତାକୁ ବିକଶିତ କରିବି।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
