ମୁମ୍ବାଇ: ଲୋକପ୍ରିୟ ଟିଭି ସିରିଏଲ୍’ ‘କସୌଟି ଜିନ୍ଦେଗୀ କି ୨’ ଅନେକ ଦିନରୁ ଚର୍ଚ୍ଚାର ପରିସର ଭିତରେ ରହିଛି। ଆଉ ଏହି ଚର୍ଚ୍ଚାର ବିଷୟବସ୍ତୁ ହେଉଛି ସିରିଏଲ୍ରୁ କୋମଲିକା ବାହାରି ଯାଉଛନ୍ତି। ସିରିଏଲ୍ରେ କୋମଲିକା ଚରିତ୍ରରେ ଅଭିନୟ କରୁଥିବା ଅଭିନେତ୍ରୀ ହିନା ଖାନ୍ଙ୍କୁ ତାଙ୍କର ପୂରା ଟିମ୍ ପାର୍ଟି ଦେଇ ବିଦାୟ ଦେଇଛନ୍ତି। ଏହି ପାର୍ଟିର କିଛି ଫଟୋ ହିନା ଖାନ୍ ସୋଶାଲ୍ ମିଡିଆରେ ଶେଆର୍ କରିଛନ୍ତି।
ସେ ଏହି ଫଟୋ ସବୁ ଶେଆର୍ କରି ଲେଖିଛନ୍ତି ଯେ, ସମସ୍ତେ ମୋର ବହୁତ ମନେ ପଡ଼ିବେ। ଫଟୋରେ ହିନା ଖାନ୍ଙ୍କ ସହ ପ୍ରେରଣା ଚରିତ୍ରରେ ଅଭିନୟ କରୁଥିବା ଏରିକା ଏବଂ ଅନୁରାଗ ଚରିତ୍ରରେ ଅଭିନୟ କରୁଥିବା ପାର୍ଥ ମଧ୍ୟ ଦେଖାଯାଉଛନ୍ତି।
ଏହା ସହ କସୌଟି ସିରିଏଲ୍ ସହ ଜଡ଼ିତ ଥିବା ଶେଷ ଭିଡିଓ ମଧ୍ୟ ଭାଇରାଲ୍ ହେଉଛି। ଏହି ଭିଡିଓରେ କୋମଲିକାଙ୍କ ମୃତ୍ୟୁ ସିନ୍ ଦେଖାଯାଉଛି।
ଏଠାରେ ଆମେ କହି ରଖିବାକୁ ଚାହୁଁଛୁ ଯେ, କସୌଟି ସିରିଏଲ୍ରେ କୋମଲିକାଙ୍କ ଚରିତ୍ର ବହୁତ ଲୋକପ୍ରିୟ ଥିଲା। ଏବେ କିନ୍ତୁ ଶୋ’ରେ ଏହି ଚରିତ୍ରରେ ଅଭିନୟ ବନ୍ଦ ହେବାକୁ ଯାଉଛି। ଏହା ସହ ଶୋ’ରେ ନୂଆ ଟ୍ୱିଷ୍ଟ ମଧ୍ୟ ଆସୁଛି।
ହିନା ଖାନ୍ ତାଙ୍କର ବ୍ୟସ୍ତ କାର୍ଯ୍ୟଶୈଳୀ କାରଣରୁ ଏହି ଶୋ’ ଛାଡ଼ୁଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
