ମୁମ୍ବାଇ: ବଚ୍ଚନ ପାଣ୍ଡେ ଗ୍ୟାଙ୍ଗରେ ସାମିଲ ହୋଇଛନ୍ତି ବଲିଉଡ ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଣ୍ଡିଜ । ଖିଲାଡି ଷ୍ଟାର ଅକ୍ଷୟ କୁମାର, କ୍ରିତି ସାନନ, ଅରସଦ ୱରସିଙ୍କ ପରେ ଜ୍ୟାକଲିନଙ୍କୁ ଏହି ଗ୍ୟାଙ୍ଗରେ ସ୍ଥାନ ମିଳିଛି । ସାଜିଦ ଦାଦିଆଦୱାଲାଙ୍କ ଅପକମିଂ ଫିଲ୍ମ ‘ବଚ୍ଚନ ପାଣ୍ଡେ’ରେ ଏବେ ଜ୍ୟାକଲିନଙ୍କ ଜଲୱା ଦେଖିବାକୁ ମିଳିବ । ଏନେଇ କ୍ରିତି ତାଙ୍କ ଇନଷ୍ଟାଗ୍ରାମରେ ଏକ ଫଟୋ ସେଆର କରି ସୂଚନା ଦେଇଛନ୍ତି। ଏଥିସହ ଜ୍ୟାକଲିନଙ୍କୁ ତାଙ୍କ ଗ୍ୟାଙ୍ଗକୁ ସ୍ୱାଗତ କରିଛନ୍ତି ।
ଏହି ଆକ୍ସନ କମେଡି ଫିଲ୍ମରେ ଅକ୍ଷୟଙ୍କୁ ଜଣେ ଗ୍ୟାଙ୍ଗଷ୍ଟର ଭୂମିକାରେ ଦେଖିବାକୁ ମିଳିବ । ସେହିପରି କ୍ରିତି ସାମ୍ବାଦିକ ଭୂମିକାରେ ନଜର ଆସିବେ । ଅରସଦଙ୍କୁ ଅକ୍ଷୟଙ୍କ ବନ୍ଧୁ ଭୂମିକାରେ ଦେଖିବାକୁ ମିଳିବ । ତେବେ ଫିଲ୍ମରେ ଜ୍ୟାକଲିନଙ୍କ ଭୂମିକା କ’ଣ ରହିବ ସେ ନେଇ କିଛି ସ୍ପଷ୍ଟ ହୋଇନାହିଁ ।
ଆସନ୍ତାବର୍ଷ ଜୈସଲମେରରେ ଏହି ଫିଲ୍ମର ସୁଟିଂ ଆରମ୍ଭ ହେବ । ଏହାର ନିର୍ଦ୍ଦେଶନା ଦାୟିତ୍ୱରେ ଫରାହଦ ସାମଜି ଅଛନ୍ତି । ଏହି ଫିଲ୍ମର ଜରିଆରେ ବହୁଦିନ ପରେ ଅକ୍ଷୟ ଓ ଅରସଦଙ୍କୁ ଏକାଠି ଦେଖିବାକୁ ମିଳିବ । ‘ଜାନି ଦୁସମନ ଏକ ଅନୋଖି କାହାନୀ’ରେ ଏ ଦୁହିଁଙ୍କୁ ଶେଷଥର ପାଇଁ ଦର୍ଶକେ ବଡ ପରଦାରେ ଏକାଠି ଦେଖିଥିଲେ ।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
