ସରିଗଲା ଅଭିନୟ। ଅଫେରା ପଥରେ ଚାଲିଗଲେ ହାସ୍ୟା ସମ୍ରାଟ୍। ଦୀର୍ଘ ଦିନ ଯନ୍ତ୍ରଣାରେ ଜର୍ଜରିତ ହୋଇ ଆଖି ବୁଜିଲେ ଲୋକପ୍ରିୟ ଯାତ୍ରା ହାସ୍ୟ ଅଭିନେତା ରବି ଶତପଥୀ। ମୃତ୍ୟୁ ବେଳକୁ ତାଙ୍କୁ ୬୮ ବର୍ଷ ହୋଇଥିଲା। ‘ଶାଗୁଣା ବସିଛି ଡେଣା ମେଲାଇ’ ନାଟକରେ ଦର୍ଶକଙ୍କ ହୃଦୟ ଜିଣିଥିଲେ ରବି ନନା।
ଜଗତସିଂହପୁର ଜିଲ୍ଲା କୁଜଙ୍ଗ ଅଗପାଳ ଗାଁରେ ଜନ୍ମ ଗ୍ରହଣ କରିଥିଲେ ହାସ୍ୟ ଅଭିନେତା ରବି ଶତପଥୀ। ପିଲାଟି ଦିନରୁ ଅଭିନୟ ପ୍ରତି ରୁଚି ରଖିଥିଲେ। ପାଲା ଗାୟକରୁ କ୍ୟାରିୟର ଆରମ୍ଭ କରିଥିଲେ। ପରବର୍ତ୍ତୀ ସମୟରେ ଯାତ୍ରା ଦୁନିଆକୁ ଆସିଥିଲେ। ଗୋଟିଏ ପରେ ଗୋଟିଏ ହିଟ୍ ନାଟକରେ ଅଭିନୟ କରିଥିଲେ। ‘ଶାଗୁଣା ବସିଛି ଡେଣା ମେଲାଇ’ ଓ ‘ହେ ଈଶ୍ୱର ନମସ୍କାର’ ପରି ଶତାଧିକ ନାଟକରେ ଅଭିନୟ କରି ଯାତ୍ରା ପ୍ରେମୀଙ୍କ ମଧ୍ୟରେ ସ୍ୱତନ୍ତ୍ର ସ୍ଥାନ ଅଧିକାର କରିଥିଲେ।
Also Read
ଗତ କିଛି ଦିନ ହେଲା ସେ ଯାତ୍ରାଠାରୁ ଦୂରେଇ ଯାଇଥିଲେ। ବୟାସିଧିକ କାରଣ ଓ କର୍କଟ ରୋଗରେ ପୀଡ଼ିତ ହୋଇ ଯାତ୍ରାଠାରୁ ଦୂରେଇ ଯାଇଥିଲେ। ଘରେ ରହି ଚିକିତ୍ସିତ ହେଉଥିଲେ। ଆଜି ସେହି ମହାନ ଅଭିନେତାଙ୍କର ଦେହାନ୍ତ ହୋଇଛି। ସନ୍ଧ୍ୟା ପ୍ରାୟ ସାଢ଼େ ୭ଟା ବେଳେ ତାଙ୍କର ଦେହାନ୍ତ ହୋଇଛି। ତାଙ୍କ ମୃତ୍ୟୁରେ ଯାତ୍ରାରେ ଶୂନ୍ୟ ସ୍ଥାନ ସୃଷ୍ଟି ହୋଇଛି।
ରିପୋର୍ଟ-ପାରାଦୀପରୁ ରମାକାନ୍ତ ନାୟକ
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
