ମୁମ୍ୱାଇ: ରିଲିଜ୍ ଅପେକ୍ଷାରେ ଥିବା ଫିଲ୍ମ ‘ଜୟ ଗଙ୍ଗାଜଲ’ ଦେଖିବେ ଉତ୍ତର ପ୍ରଦେଶ ପୋଲିସ୍ କର୍ମଚାରୀ। ଏହା କହିଛନ୍ତି ଫିଲ୍ମର ନିର୍ମାତା ତଥା ନିର୍ଦ୍ଦେଶକ ପ୍ରକାଶ ଝା। ପୋଲିସର କାର୍ଯ୍ୟଶୈଳୀ ଉପରେ ଫିଲ୍ମଟି ଗତିଶୀଳ ହୋଇଛି। ନିର୍ଦ୍ଦେଶକ ପ୍ରକାଶ ଝା ଏହି ଫିଲ୍ମ ନିର୍ମାଣ କରିବାର କାରଣ କହିବା ସହ ଏହି ଫିଲ୍ମ ଦେଖିବାକୁ ଥାନା ଅଧିକାରୀମାନଙ୍କୁ ପତ୍ର ଲେଖି ଜଣାଇଛନ୍ତି। ଏହାସହ ସେ ଫିଲ୍ମର ପ୍ରମୋ ସିଡି ମଧ୍ୟ ପଠାଇଛନ୍ତି। ସମାଜ ପାଇଁ କାମ କରିବା ସତ୍ତ୍ୱେ କିଛିଟା କାରଣ ଯୋଗୁଁ ସାଧାରଣ ଲୋକଙ୍କ ମଧ୍ୟରେ ପୋଲିସର ଛବି ଖରାପ ହେବାରେ ଲାଗିଛି। ପୋଲିସ୍ କର୍ମୀଚାରୀଙ୍କ ମଧ୍ୟରେ କିଛିଟା ଦୁର୍ବଳତା ରହିଛି ଯାହାଦ୍ୱାରା ସେମାନେ ବିଭିନ୍ନ ଅସୁବିଧାର ସମ୍ମୁଖୀନ ହେଉଥିବା ଫିଲ୍ମରେ ଦେଖାଯାଇଛି।
ପ୍ରକାଶ ଝାଙ୍କ ଏପରି ଚିଠି ପାଇବା ପରେ ପୋଲିସ୍ କର୍ମୀମାନେ ଫିଲ୍ମ ଦେଖିବାକୁ ଉତ୍ସାହିତ ହୋଇପଡ଼ିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
