ମୁମ୍ବାଇ: ତାମିଲନାଡ଼ୁର ପୂର୍ବତନ ମୁଖ୍ୟମନ୍ତ୍ରୀ ସ୍ୱର୍ଗତ ଜୟାଲଳିତାଙ୍କ ବାୟୋପିକ୍ ‘ଥଲାଇଭି’କୁ ନେଇ ଏବେ କଙ୍ଗନା ରାଣାଓ୍ୱତ୍ ଭାରି ବ୍ୟସ୍ତ। ସେ ଫିଲ୍ମରେ ନିଜର ୧୦୦ ପ୍ରତିଶତ ଦେବା ପାଇଁ କଠିନ ପରିଶ୍ରମ କରୁଛନ୍ତି। ଜୟାଲଳିତାଙ୍କର ୭୨ତମ ଜନ୍ମ ବାର୍ଷିକିରେ ତାଙ୍କର ଏକ ଲୁକ୍ ଶେଆର୍ କରିଛନ୍ତି। ଏଥିରେ ଜୟଲଳିତାଙ୍କ ରାଜନୀତିରେ ପ୍ରବେଶ କରିବାର ଲୁକ୍ ଦର୍ଶାଯାଇଛି।
https://www.instagram.com/p/B872EqdBvb4/?utm_source=ig_web_copy_link
କଙ୍ଗନାଙ୍କ ଟିମ୍ ଇନ୍ଷ୍ଟାଗ୍ରାମରେ ଏକ ଫଟୋ ଶେଆର କରିଛନ୍ତି ଯେଉଁଥିରେ ସେ ଅବିକଳ ଜୟାଲଳିତାଙ୍କ ପରି ଦେଖାଯାଉଛନ୍ତି। ତାଙ୍କରି ଭଳି ଶାଢ଼ୀ ଓ ସମାନ ହେୟାର ଷ୍ଟାଇଲ୍ ଓ ସମାନ ବିନ୍ଦି ପିନ୍ଧି କଙ୍ଗନା ଏକଦମ୍ ଜୟାଲଳିତାଙ୍କ ପ୍ରତିଛବି ଭଳି ଲାଗୁଛନ୍ତି। ଏହା ପୂର୍ବରୁ ମଧ୍ୟ ଫିଲ୍ମର ଏକ ଲୁକ୍ ସାମ୍ନାକୁ ଆସିଥିଲା ଯାହା ପାଇଁ କଙ୍ଗନାଙ୍କୁ ସୋଶାଲ୍ ମିଡିଆରେ ବହୁତ ଟ୍ରୋଲ୍ କରାଯାଇଥିଲା। ହେଲେ ଏବେ ସେ ଯେଉଁ ଲୁକ୍ ଶେୟାର୍ କରିଛନ୍ତି ଦର୍ଶକ ଏହାକୁ ବେଶ୍ ପସନ୍ଦ କରିଛନ୍ତି।
https://www.instagram.com/p/B8NnHGFBdVM/?utm_source=ig_web_copy_link
ଫିଲ୍ମରେ ଜୟଲଳିତାଙ୍କ ଭଳି ଦେଖାଯିବାକୁ କଙ୍ଗନା ନିଜର ଓଜନ ବଢ଼ାଇଛନ୍ତି। ଏକ ସାକ୍ଷାତକାରରେ ସେ କହିଥିଲେ ଯେ ଏହି ଫିଲ୍ମରେ ଜୟାଲଳିତାଙ୍କ ପରି ଦେଖାଯିବା ପାଇଁ ସେ ହର୍ମୋନ୍ ଟାବ୍ଲେଟ୍ ଖାଉଥିଲେ। ଜୟଲଳିତା ଯେତେବେଳେ ଭାରତନାଟ୍ୟମ୍ ନୃତ୍ୟଶିଳ୍ପୀ ଥିଲେ ବହୁତ ସ୍ଲିମ୍ ଥିଲେ। ତେଣୁ ଫିଲ୍ମର ପ୍ରଥମ ଭାଗରେ ତାଙ୍କ ଲୁକ୍ ମଧ୍ୟ ବେଶ୍ ସ୍ଲିମ୍ ରହିଛି। କିନ୍ତୁ ଯେତେବେଳେ ଜୟାଲଳିତା ରାଜନୀତିରେ ପ୍ରବେଶ କଲେ ସେତେବେଳକୁ ପୂରାପୂରି ଅଲଗା ଦେଖାଯାଉଥିଲେ। ଫଳରେ ଫିଲ୍ମରେ ତାଙ୍କ ଲୁକ୍ରେ ମଧ୍ୟ ପରିବର୍ତ୍ତନ ଆବଶ୍ୟକ ପଡ଼ୁଥିଲା। ତେଣୁ ଅବିକଳ ଜୟାଲଳିତାଙ୍କ ଭଳି ଦିଶିବା ପ୍ରଚେଷ୍ଟାରେ ସେ ଓଜନ ବଢ଼ାଇବାକୁ ସ୍ୱତନ୍ତ୍ର ଖାଦ୍ୟ ଖାଇବା ସହ ହର୍ମୋନ ଟାବ୍ଲେଟ୍ ମଧ୍ୟ ଖାଉଥିଲେ।
https://www.instagram.com/p/B8Be1RdBY-t/?utm_source=ig_web_copy_link
ସୂଚନାଯୋଗ୍ୟ, ଫିଲ୍ମଟି ତାମିଲନାଡ଼ୁର ପୂର୍ବତନ ମୁଖ୍ୟମନ୍ତ୍ରୀ ଜୟଲଳିତାଙ୍କ ବାୟୋପିକ୍ର ନାଁ ତାମିଲ୍ରେ ‘ଥଲାଇଭି’ ଓ ହିନ୍ଦୀରେ ‘ଜୟା’ ରଖାଯାଇଛି। ଫିଲ୍ମଟି ଏ. ଏଲ୍ ବିଜୟଙ୍କ ନିର୍ଦ୍ଦେଶନାରେ ତିଆରି ହେଉଥିବାବେଳେ ଏହାର ପ୍ରଯୋଜନା ବିଷ୍ଣୁ ଇନ୍ଦୁରି କରୁଛନ୍ତି। ଫିଲ୍ମଟି ୨୬ ଜୁନ୍ରେ ପରଦାକୁ ଆସିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
