ମୁମ୍ବାଇ: ବାପା ହେଲେ କମେଡି କିଙ୍ଗ୍ କପିଲ୍ ଶର୍ମା। ତାଙ୍କ ପତ୍ନୀ ଗିନ୍ନି ଚତର୍ଥ ଏକ କନ୍ୟା ସନ୍ତାନ ପ୍ରସବ କରିଛନ୍ତି। ଆଜି ଭୋର୍ ୩ଟା ୨୩ରେ କପିଲ୍ ଟ୍ୱିଟ୍ କରି ଏହି ସୂଚନା ଦେଇଥିଲେ। ତା’ସହିତ ତାଙ୍କ ଝିଅକୁ ସମସ୍ତେ ଆଶୀର୍ବାଦ କରନ୍ତୁ ବୋଲି ନିବେଦନ କରିଥିଲେ।
କପିଲ୍ ଏହି ଟ୍ୱିଟ୍ କରିବା ମାତ୍ରେ ହିଁ ତାଙ୍କ ନିକଟକୁ ଶୁଭେଚ୍ଛାର ସୁଅ ଛୁଟୁଥିଲା। ରକୁଲ୍ ପ୍ରୀତ୍, ଦିଆ ମିର୍ଜା, ଅକ୍ଷୟ କୁମାର୍, ଗୁରୁ ରନ୍ଧାୱା, ଅରୁଣାଚଳ ପ୍ରଦେଶର ମୁଖ୍ୟମନ୍ତ୍ରୀ ପେମା ଖାଣ୍ଡୁ ଓ ସାଇନା ନେହ୍ୱାଲ୍ଙ୍କ ପରି ଅନେକ ବଲିଉଡ୍ ସେଲେବ୍ରିଟି, ସ୍ପୋର୍ଟ୍ସ ତାରକା ଓ ରାଜନେତା କପିଲ୍ଙ୍କୁ ଟ୍ୱିଟ୍ରରେ ଶୁଭେଚ୍ଛା ଜଣାଇଛନ୍ତି।
https://twitter.com/KapilSharmaK9/status/1204157224311898112?s=20
https://www.instagram.com/p/BtYnVWOH31h/?utm_source=ig_web_copy_link
କପିଲ୍ ଓ ଗିନ୍ନିଙ୍କ ବାହାଘର ଗତ ଡିସେମ୍ବର ୧୫ ତାରିଖରେ ହୋଇଥିଲା। କପିଲ୍ଙ୍କ ହୋମ୍ଟାଉନ୍ ଅମୃତସର୍ରେ ଏହି ବାହାଘର ହୋଇଥିଲା। ଏମାନେ ଦୁଇ ଥର ବାହା ହୋଇଥିଲେ। ପ୍ରଥମେ ହିନ୍ଦୁ ପରମ୍ପରା ଅନୁଯାୟୀ ଓ ପରେ ଶିଖ୍ ରୀତିନୀତିରେ ବିବାହ ସମ୍ପନ୍ନ ହୋଇଥିଲା। ଏପରିକି ଦୁଇଟି ରିସେପ୍ସନ୍ ମଧ୍ୟ ହୋଇଥିଲା। ଗୋଟିଏ ମୁମ୍ବାଇରେ ଓ ଆଉଗୋଟେ ଅମୃତସର୍ରେ। ବାହାଘର ପରେ ହିଁ ଅନେକ ଦିନରୁ ବନ୍ଦ ହୋଇଯାଇବା ‘ଦ କପିଲ୍ ଶର୍ମା ଶୋ’କୁ ପୁଣି ଆରମ୍ଭ କରିଥିଲେ କପିଲ୍।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
