ସହିଦଙ୍କ ପରିବାରକୁ ସହଯୋଗ ପାଇଁ ଲତା ମଙ୍ଗେସକରଙ୍କ ଅନୁରୋଧ

ମୁମ୍ବାଇ: ଯୁଦ୍ଧ କରି ଦେଶ ପାଇଁ ସହିଦ ହୋଇଥିବା ବୀର ସୈନ୍ୟଙ୍କ ପରିବାରକୁ ସହଯୋଗର ହାତ ବଢ଼ାଇଛନ୍ତି ଲତା ମଙ୍ଗେସକର। ତାଙ୍କର ଏପରି ପଦକ୍ଷେପକରେ ସହଯୋଗ କରିବାକୁ ଦେଶବାସୀଙ୍କୁ ନିଜର ଫେସବୁକ୍ ପେଜ ମାଧ୍ୟମରେ ଅନୁରୋଧ କରିଛନ୍ତି। ଫେସ୍‌ବୁଲ୍‌ରେ ଏକ ପୋଷ୍ଟ କରି ଲତା ବୀର ସହିଦଙ୍କୁ ସାଲୁଟ୍ କରିବା ସହ ତାଙ୍କ ପାଇଁ ଆମ ମାତୃଭୂମି ଓ ଆମେ ଆଜି ସୁରକ୍ଷିତ ବୋଲି ଉଲ୍ଲେଖ କରିଛନ୍ତି।

ସେ ଲେଖିଛନ୍ତି, ସେମାନଙ୍କ ପ୍ରତି ଆମର ବି କିଛି କର୍ତ୍ତବ୍ୟ ରହିଛି। ମୁଁ ନିଜ ତରଫରୁ ଯବାନମାନଙ୍କ ପାଇଁ ‘ଆର୍ମୀ ୱେଲଫେୟାର ଫଣ୍ଡ ବ୍ୟାଟଲ କାଜୁଏଲଟିଜ’ରେ କିଛି ଅର୍ଥ ରାଶି ପ୍ରଦାନ କରୁଛି। ମୁଁ ଉଠାଇଥିବା ଏପରି ପଦକ୍ଷେପରେ ଦେଶର ନାଗରିକ ସହଯୋଗ କରିବା ପାଇଁ ଅନୁରୋଧ କରୁଛି। ପ୍ରତିବର୍ଷ ମୋର ଜନ୍ମଦିନରେ ଦେଶର ଜନତା ଅନେକ ଉପହାର ପଠାଇଥାନ୍ତି। କିନ୍ତୁ ଚଳିତବର୍ଷ ମୋ ପାଖକୁ ଉପହାର ପଠାଇବା ପରିବର୍ତ୍ତେ ଆପଣମାନେ ଆମ ସେନା ପାଇଁ ସହଯୋଗ କରନ୍ତୁ। ମୋର ଆଶା ଆପଣମାନଙ୍କ ଭଲ ପାଇବା ଓ ଆର୍ଶୀବାଦ ଏହିପରି ରହିବ।