ମୁମ୍ବାଇ: ଅନେକ ସମୟରେ ବଲିଉଡ ଅଭିନେତ୍ରୀମାନ ବିଭିନ୍ନ କାରଣ ଯୋଗୁଁ ଲଣ୍ଡା ହୋଇଥାନ୍ତି । କିଏ ନିଜ ସ୍ୱାସ୍ଥ୍ୟ ସମସ୍ୟା ଲାଗି ତ ଆଉ କିଏ ଦାନ କରିବା ଉଦ୍ଦେଶ୍ୟରେ ଲଣ୍ଡା ହୋଇଥାନ୍ତି । ତେବେ ଏହି ତାଲିକାରେ ଏବେ ଆଉ ଜଣେ ଅଭିନେତ୍ରୀଙ୍କ ନାଁ ଯୋଡି ହୋଇଛି । ଏହି ଅଭିନେତ୍ରୀ ଜଣକ କୌଣସି ଏକ ବଡ କାରଣ ଯୋଗୁଁ ଲଣ୍ଡା ହୋଇଛନ୍ତି।
ଫିଲ୍ମ ‘ମନି ଦେବୋ ଭବ’ର ସୁପର ହିଟ ଗୀତ ଲେଜା ଲେଜା ଫେମ ନୀନା ସରକାର। ଏହି ଗୀତ ଜରିଆରେ ସେ ଚର୍ଚ୍ଚାକୁ ଆସିଥିଲେ। ଏବେ ପୁଣି ଥରେ ନୀନା ଲଣ୍ଡା ହୋଇ ଚର୍ଚ୍ଚାକୁ ଆସିଛନ୍ତି । ସେ ନିଜ କେଶ ଦାନ କରିବା ଉଦ୍ଦେଶ୍ୟରେ ଲଣ୍ଡା ହୋଇଛନ୍ତି । ବଡ କଥା ହେଉଛି ଯେ ନୀନା ନିଜ କେଶକୁ ନିଜେ ଘରେ ଟ୍ରିମରରେ କାଟିଛନ୍ତି। ନିଜ କେଶ କାଟୁଥିବା ବେଳର ଏକ ଭିଡିଓକୁ ସୋଶାଲ ମିଡିଆରେ ସେଆର ମଧ୍ୟ କରିଛନ୍ତି ଏହି ଅଭିନେତ୍ରୀ।
View this post on Instagram
ନୀନା ନିଜ ଇନଷ୍ଟାଗ୍ରାମ ଅକାଉଣ୍ଟରେ ୨ଟି ଭିଡିଓ ସେଆର କରିଛନ୍ତି। ପ୍ରଥମ ଭିଡିଓରେ ସେ ନିଜ ଲମ୍ବା କେଶକୁ ଧନ୍ୟବାଦ ଦେଉଛନ୍ତି ଏବଂ ଦ୍ୱିତୀୟଟିରେ ନିଜ କେଶ କାଟି ଲଣ୍ଡା ହୋଉଥିବା ଦେଖିବାକୁ ମିଳିଛି। ସେ ଏହି ଭିଡିଓରେ କେଶ ଦାନ କରୁଥିବା ନେଇ ସ୍ପଷ୍ଟ କରିଛନ୍ତି। ନୀନା ସରକାରଙ୍କ ଲଣ୍ଡା ହେବାର ଏହି ଭିଡିଓ ସୋଶାଲ ମିଡିଆରା ଖୁବ ଜୋରରେ ଭାଇରାଲ ହେବାରେ ଲାଗିଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
