ବ୍ରାଜିଲ ରାଷ୍ଟ୍ରପତିଙ୍କ ଅଭିଯୋଗ, ଅଭିନେତା ଲିଓନାର୍ଡୋଙ୍କ ପାଇଁ ଆମାଜନ୍‌ ଜଙ୍ଗଲରେ ନିଆଁ ଲାଗିଥିଲା

ନୂଆଦିଲ୍ଲୀ: କିଛି ମାସ ତଳେ ବ୍ରାଜିଲର ଆମାଜନ୍‌ ଜଙ୍ଗଲରେ ନିଆଁ ଲାଗିଯାଇଥିଲା। ଏଥିଯୋଗୁ ଜଙ୍ଗଲର ଏକ ବଡ଼ ଅଞ୍ଚଳ ନଷ୍ଟ ହୋଇଯାଇଥିଲା। ତେବେ ଏହି ନିଆଁ ଲାଗିବା ଘଟଣାକୁ ନେଇ ବ୍ରାଜିଲ ରାଷ୍ଟ୍ରପତି ଜୈର୍‌ ବୋଲସୋନାରୋ ଓସ୍କାର ବିଜେତା ହଲିଉଡ୍‌ ଅଭିନେତା ଲିଓନାର୍ଡୋ ଡିକାପ୍ରିୟୋଙ୍କୁ ଦାୟୀ କରିଛନ୍ତି।

ସେ କହିଛନ୍ତି, ଲିଓନାର୍ଡୋ ଡିକାପ୍ରିୟୋ ଅନେକ ନନ୍‌ ପ୍ରୋଫିଟେବଲ୍‌ ଅର୍ଗାନାଇଜେସନ୍‌କୁ ପାଣ୍ଠି ଯୋଗାଉଛନ୍ତି। ଏହି ପାଣ୍ଠି ଯୋଗୁଁ ହିଁ ଆମାଜନ୍‌ ଜଙ୍ଗଲରେ ନିଆଁ ଲାଗୁଛି। ତେବେ ଏହି ଅଭିଯୋଗକୁ ପ୍ରମାଣିତ କରିବା ପାଇଁ ରାଷ୍ଟ୍ରପତି ଜୈର୍‌ ବୋଲସୋନାରୋ କୌଣସି ତଥ୍ୟ ଉପସ୍ଥାପନା କରିନାହାନ୍ତି।

ଅନ୍ୟପକ୍ଷରେ ବ୍ରାଜିଲ ରାଷ୍ଟ୍ରପତିଙ୍କର ଏହି ଅଭିଯୋଗ ଉପରେ ଲିଓନାର୍ଡୋ ଡିକାପ୍ରିୟୋ ଏକ ଇନଷ୍ଟାଗ୍ରାମ୍‌ ପୋଷ୍ଟ ଜରିଆରେ ସ୍ପଷ୍ଟୀକରଣ ଦେଇଛନ୍ତି। ସେ ଲେଖିଛନ୍ତି, ଆମାଜନ୍‌ ଜଙ୍ଗଲରେ ନିଆଁ ଲାଗିବା ପାଇଁ ଯେଉଁ ସଂସ୍ଥା ଦାୟୀ, ସେହି ସଂସ୍ଥାକୁ ସେ କୌଣସି ପାଣ୍ଠି ଯୋଗାଇନାହାନ୍ତି। ଏପରିକି କୌଣସି ନନ୍‌ ପ୍ରୋଫିଟେବଲ୍‌ ଅର୍ଗାନାଇଜେସନ୍‌କୁ ମଧ୍ୟ ସେ ସାହାଯ୍ୟ କରୁନାହାନ୍ତି।

ରିପୋର୍ଟ ଅନୁସାରେ ଜୁଲାଇ ଓ ଅଗଷ୍ଟ ମାସରେ ଆମାଜନ୍‌ ଜଙ୍ଗଲରେ ନିଆଁ ଲାଗିବା ଯୋଗୁ ବ୍ୟାପକ କ୍ଷତି ହୋଇଥିଲା। ଏଥିପାଇଁ ପରିବେଶ ଉପରେ କାମ କରୁଥିବା ଲିଓନାର୍ଡୋଙ୍କ ସଂସ୍ଥା ଆମାଜନ୍ ଜଙ୍ଗଲର ସୁରକ୍ଷା ପାଇଁ ୫୦ ଲକ୍ଷ ଡଲାର ଦେବା ପାଇଁ ଘୋଷଣା କରିଥିଲା। ଗ୍ଲୋବାଲ୍‌ ୱାର୍ମିଂ ଓ ପରିବେଶକୁ ନେଇ ଲିଓନାର୍ଡୋ ସର୍ବଦା ଚିନ୍ତା ପ୍ରକଟ କରିଥା’ନ୍ତି। ଏପରିକି କିଛି ଦିନ ତଳେ ଦିଲ୍ଲୀ ପ୍ରଦୂଷଣକୁ ନେଇ ମଧ୍ୟ ସେ ଚିନ୍ତାବ୍ୟକ୍ତ କରିଥିଲେ।

View this post on Instagram

#Regram #RG @extinctionrebellion: Over 1500 citizens gathered in at India Gate, in New Dehli, to demand immediate action on the cities hazardous pollution levels.⁣ ⁣ According to the World Health Organisation, air pollution in India is estimated to kill about 1.5 million people every year; these statistics make air pollution the fifth-largest killer in India. ⁣ ⁣ People of all ages joined the demonstration, which succeeded to directly trigger action for Indian citizens:⁣ 1. The Indian Prime Ministers office set up a special panel to address the issue, within a few hours of the protest. The panel is due to report on the issue within 2 weeks.⁣ 2. The Supreme Court of India asked the Central Government and respective state governments to fix the crop and waste burning issue of Dehli within a week. ⁣ 3. The Center accepted that Green Fund will be used to combat toxic air pollution. ⁣ 4. The Indian Prime Minister asked the Agriculture Ministry to distribute equipment urgently so that crop burning is no longer necessary. ⁣ ⁣ Despite these promises, the air is still unsafe and activists will keep the pressure on until the air pollution reaches safe levels. ⁣ ⁣ The protest was organised by a collaboration of movements; @xrebellionind @LetMeBreathe_In @FridaysForFutureIndia_ along with other activists. ⁣ ⁣ Photography by Arjun Mahatta and co, via @FridaysForFuture ⁣ ⁣ #RightToBreathe #ExtinctionRebellion #IndiaGate #SolutionNotPollution #ActNow #RebelForLife

A post shared by Leonardo DiCaprio (@leonardodicaprio) on

ସୂଚନାଯୋଗ୍ୟ, ଆମାଜନ୍‌ ଜଙ୍ଗଲରେ ନିଆଁ ଲାଗିବା ପରେ ବ୍ରାଜିଲର ଏକ ସହର ଅନେକ ଦିନ ପର୍ଯ୍ୟନ୍ତ ଧୂଆଁର ବଳୟ ମଧ୍ୟରେ ରହିଥିଲା। ଆମାଜନ୍ ଜଙ୍ଗଲକୁ ସାରା ବିଶ୍ୱର ଶ୍ୱାସନଳୀ ବୋଲି କୁହାଯାଇଥାଏ। କାରଣ ଏହି ଜଙ୍ଗଲ ବିଶ୍ୱକୁ ୨୦ ପ୍ରତିଶତ ଅମ୍ଳଜାନ ଯୋଗାଇଥାଏ।